مشكلة مع الجيران و عايز رايكم

**bodo122** · 27-05-2016 02:43 PM

السلام عليكم انا لسة معزل جديد و للاسف الناس اللى فوقى عندهم عيال كتير و طول النهار تحريك عفش و جرى فى الشقة و رزع ابواب لغاية الساعة واحدة باليل و طبعا الحباة بقت مستحيلة
انا لسة معرفش الراجل صاحب الشقة لانى لسة ناقل من 15 يوم و مش عارف لو اكلمت معاة حيكون ذوق و لا قليل الادب و خاصة انة ممكن يقولى انها شقتة و هو حر فيها

و خاصة ان مش بيشغل اغانى و لا تليفزيون بصوت عالى هى اصوات رزع طول النهار

اعمل اية

**sayedmatrix** · 27-05-2016 03:57 PM

اصبر شوية جايز عنده ظروف تجديد او نقل او اي شئ في الشقة ، لو الموضوع استمر حاول تفاتحه في الوقت المناسب وبطريقة كويسة لان في كل الاحوال شقته وهو حر فيها وممكن يرد بطريقة مش كويسه او يعند معاك ، الموضوع هيتوقف علي اسلوبك ولباقتك

**windofchange** · 28-05-2016 04:09 AM

لا ضرر و لا ضرار .. كلام الحبيب صلي الله عليه وسلم و طبعا تكلمه بالكلمة الطيبة والرفق واللين

**tasaka** · 29-05-2016 07:44 AM

نقل العفش ده حتكون فتره و تعدى

و تفتكر هو هيعمل ايه مع اولاد صغيرين بيلعبوا ؟؟ مهما عمل موش حيبطلوا لعب او يفهموا انهم بيضايقوا الجار

عموما ان شاء الله تيجى فرصه قريبه للتعارف .. و حاول تكلمه باسلوب هادى و شوف رد فعله ايه

**S O P H O S** · 31-05-2016 03:38 PM

كلمه بالحسنة وان ده في ضرر ليك
وان شاء الله يحاول يسيطر علي اولاده
او علي الاقل بالليل يرعوا ان في ناس ساكنين تحتهم

**Marwa Ebeed** · 31-05-2016 09:15 PM

احنا عندنا نفس المشكلة مع الجيران اللى قصادنا وساعات اللى فوقنا كمان
وكلمناهم كتير بس للأسف فيه ناس نمط حياتها كده وبيكون عندهم برود اعصاب شوية
الحل .. حاول الأول تتودد وتتعرف عليه، مثلا اعملها زيارة وخد حاجة حلوة واطلع له، تبقى بداية لطيفة من طرفك
بعد فترة حاول تتكلم معاه بهدوء فى موضوع الإزعاج ده، مرة واتنين وتلاتة
لو مفيش اى استجابة اصبر واحتسب وأمرك لله
ربنا يصلح الحال

ومبروك الشقة الجديدة