حل مشكلة اشارات جين 2 (اشارات فاصلة بس الانتظار شغاال )

السلام عليكم
كان عندى مشكلة ان الاشارات يمين او شمال مش شغاالة بس الانتظار شغاال !!!! و حليتها بفضل الله

1) اعراض المشكلة :
**الاشارات مرة و احدة فصلت تماما و لا يمين و لا شمال و بعدين رجعت اشتغلت لوحدها و بعدين فصلت تانى بس بلا عودة


2) ما تم فحصه
1- فيوز الاشارات (هتلاقيه فى علبة الفيوزات اللى تحت التابلوه) (لو الانتظار شغال يبقى سليم متتعبش نفسك و تبص عليه)

2- ريلاى الاشارات (هتلاقيه فى علبة الفيوزات اللى تحت التابلوه) (لو الانتظار شغال يبقى سليم متتعبش نفسك و تبص عليه)

3- دراع الاشارات مهم جدا تفحصه بحرص لانه ممكن يكون سبب المشكلة

لو كل دا سليم عندك يبقا هتروح لعلبة المفاتيح اللى فى التابلوه (اللى فيها مفتاح الانتظار و مفتاح الفوج و مفتاح السنتر )

1- تفك الوش البلاستك
[img2]http://ebayapi.loc8apartltd.netdna-cdn.com/00/s/MzAwWDQwMA==/z/-18AAOSwVllXHi89/$_1.JPG[/img2]
بمفك رفيع او فتاحة اجهزة (بتتباع فى شارع العطار للموبيلات علشان متخربش البلاستيك) من الجنب اليمين او الشمال بتطلع الوش لبرة بيتفك بسهولة

2- هتلاقى مسمارين ماسكين مجموعة المفاتيح نفكهم و نطلع مجموعة المفاتيح
[shr71=http://76.my/Malaysia/gen2-dashboard-center-7-button-switch-panel-lklailai-1111-27-lklailai@4.jpg]���� : ��� ������ ����� �� ��� ���� ����� ����� ��� ���� ���[/shr71]

هنا لازم نوضح ان دى مش مجرد مجموعة مفاتيح لا دى فيها دائرة الكترونية كاملة و مسئولة عن اكتر من حاجة

هنفك العلبة بحرص بمفك رفيع او فتاحة اجهزة

العلبة مقسومة حتتين جزء صغير فوق فيه الزراير و جزء كبيير تحت
باين فى الصورة اللى فوق خمس فتحات فى العلبة من الجنب اللى فوق , هنحط فيهم المفك و بالراحة نشد الجزئين من بعض بالراحة و هنلاقى زيهم الناحية التانية

بعد فك العلبة هنلاقى دائرة إلكترونية نطلعها

المشكلة اللى كانت عندى ان اللحامات اللى على الكارتة دى كانت نشفت و بعضها بداء يتكسر , بكاوية لحام ظبت اللحامات اللى فيها مشكلة و الحمد لله الاشارات رجعت تشتغل تانى بدون اى مشكلة

ملحوظة مش شرط انك تعمل ده بايدك الا اذا عندك خلفية بس على الاقل تكون فاهم هتمشى الكهربائى اللى هتروحله ازاى علشان ميعكش الدنيا

ايوه على الاقل تبقى فاهم ايه اللى هيتعمل واى انحراف للكهربائى عن المسار يتم تعديله بما اننا هنكون فاهمين ايه اللى هيتعمل ودى اهم نقطه مما تجنبك مثلا الكهربائى يبيع ويشترى فيك ويعمل عليك فيلم محروق اصلا . الحاجه التانيه ان الكهربائى ممكن يكون بحسن نيه مش عارف ايه اللى هيعمله فيبوظ لك الدنيا . على كل حال تحياتى لك واشكرك على الموضوع المفيد الجميل ده.