الموضوع: ايه رأيكم فى زيوت wolver

المشاركة الأصلية كتبت بواسطة tasaka

دى صفحه الزيت و بعض المعلومات السريعه و الملاحظات
Wolver SuperTec 5W-30 - Katalog :: Wolver Lab GmbH - Your tribology expert!

Specifications:
SAE 5W-30
API SN/CF/EC ( Reduces fuel comsumption according API EC and reduces exhaust ) emission
ACEA A3/B4, C3


Meets the requirements of:
MB 229.31, 229.51
VW 502.00, 505.00, 505.01
BMW Longlife-04
RENAULT RN 700, RN 710
MITSUBISHI, NISSAN, SUZUKI, SUBARU, GM, CHRYSLER


PROPERTIES UNIT TYPICAL INDICATORS
Specific weight at 15°C kg/m³ 855
Viscosity at -30°C cP 5230
Viscosity at 40°C cSt 61,7
Viscosity at 100°C cSt 10,6
Viscosity index 163
Flash point COC °C 230
Pour point °C -42
TBN mgKOH/g 8,1

لاحظ جمله Meets the requirements .. لا تعنى ان فيه Approval رسمى من الشركات دى .. فقط وولفر تؤكد انه متوافق مع مواصفات الشركات دى

لاحظ ايضا ان وولفر معمل اضافات ( على حد فهمى ) .. و بدءوا فى انتاج زيوتهم الخاصه مؤخرا ( على ما اتذكر ! ) .. عموما معامل الاضافات بتكون عندها خبره تكنولوجيه عاليه .. بس هل عندهم القدره على تصنيع الزيوت بانفسهم بكفاءه !! الله اعلم

.. معظم زيوتهم الاخرى مذكور زيت تصنيعى من اساس معدنى HC .. ؟؟ هل هو تصنيعى بالكامل ام لا ؟؟ لا اعلم
(WOLVER ProTec SAE 5W30 is a HC-Synthetic low viscosity engine oil

.. و لكن الزيت ده موش مكتوب بنفس الاسلوب ( WOLVER SuperTec SAE 5W-30 is a high tec synthetic lightrun motor oil .. ؟؟ هل هو تصنيعى بالكامل ام لا ؟؟ لا اعلم

عموما اعتقد انه كويس .. بس هل افضل من الماركات العالميه ام لا .. الله اعلم

انتظر الرد المفيد من استشارى المنتدى المهندس بوريو

حضرتك جبت المفيد وزيادة

وزي ما حضرتك أشرت... الزيت ده يعتبر تخليقي بالكامل.. من مجموعة 4 أو 5.

يفضل السؤال الأزلي... الكتالوج طالب إيه؟؟؟


...

المشاركة الأصلية كتبت بواسطة mohamedibk

استاذ بوريو العزيز انا بعت ايميل لشركة ولفر عشان انا بستخدم زيت 5w-40 فى عربيتى الافيو فسالتهم اذاكان الزيت ilsac 3 ,4 or 5 عشان مكتوب عليه hc-synthetic فكان الرد بتاعهم واضح وصريح فى هذا الايميل من خلال الرابط الموضح ادناه :-

http://nileup.com/up/uploads/nilemotors_14646351221.jpg

اي يتضح انه يتبع المجموعة التى تتبع التكنولوجيا التخليقية التى قريبة من الزيوت التخليقية الكاملة

فإن هذا كما قلت فى جميع ردودك ان القوانين الالمانية صارمة وتلزم شركات الزيوت عنده بالافصاح عن نوع المنتج بالتفصيل ( من الصعب الغش فيها )

على الرغم انى جربت شل 5w-40 كذا مرة وحالياً مع ولفر 5w-40 عشان منتج مستورد من المانيا مبين عليه بياناته

التفصلية شبه التكنولوجيا التخليقية وليس كما يدعى فى المنتجات الاخرى كامل التخليقى والتى تبين الغش فى الداتا بتاعتها

والفرق بين شل وولفر حاجة بسيطة جداً فى انخفاض صوت الماتور لصالح الولفر عندى على الرغم ان الاكواد واحد مثل api sn, acea a3/b3,a3/b4 والاعتمادات والتوافقات من صانعى السيارات واحدة

وفى الاخر هى راحة نفسية

فالسؤال المطلوب من حضرتك يا استاذ بوريو حضرتك قول لنا على ماركة زيت يكون 5w-40 يتبع فعلاً المجموعة 4 او 5 فعلاً ويكون مكتوب عليه ذلك ilsac 4 or 5

وشكراً على مواضيعك الشيقة والممتعة

أولا وقبل أي شيء أحب أشكرك على ثقتك الغالية..

ودي حاجة على قد ما بتبسطني .. على قد ما بتحملني مسؤوليية كبيرة.. بأدعي ربنا إنه يقدرني عليها ويوفقني لما فيه الصواب.


عايز أوضح معلومة صغيرة علشان الإخوة اللي بيتابعونا ما يتلخبطوش...

مجموعة 3 و 4 و 5 اللي بنتكلم عليها هي عبارة عن تصنيف لزيوت الأساس وضعه معهد البترول الأمريكي API

ونقدر نلخص التصنيفات دي في التالي:

مجموعة 3 : زيوت معدنية نقية ومعدلة تخليقيا بأسلوب الـHydrocracking وبيسموه مجازا تكنولوجيا تخليقية أو HC-Synthetic
مجموعة 4: زيوت تخليقية تماما من مركبات الـPAO
مجموعة 5: أي زيوت لا تنتمي للمجموعات السابقة (ليست معدنية وليست من مركبات الـPAO)


أما بالنسبة لتصنيف الـILSAC 3 و ILSAC 4 و ILSAC 5 .. فده تصنيف صادر عن منظمة الـILSAC (منظمة أمريكية-يابانية خاصة بمواصفات الزيوت) يختص بأداء الزيوت بطريقة مشابهة جدا لطريقة الـAPI المعروفة (SL , SM , SN)

فعليا.. ILSAC 3 يكافئ API SL
وILSAC 4 قريب جدا من API SM
و ILSAC 5 قريب شوية من API SN


اللي دايما بيبقى مطلوب في كتالوجات السيارات اليابانية هو تصنيف ILSAC... وما حدش أبدا بيطلب زيوت من مجموعة معينة لزيت الأساس لإن ده يعتمد بكل كبير جدا على السوق..

والأهم دايما هو كود مستوى الأداء



بالنسبة لطلب حضرتك عن الزيت بالمواصفات اللي قلت عليها (زيت بلزوجة 5W-40 من مجموعة 4 أو 5 وعليها تصنيف لمنظمة ILSAC)..

فحسب معلوماتي.. مفيش...

لزوجة الـ5W-40 غير مستخدمة في معظم السيارات اليابانية أو الأمريكية.. وبالتالي صعب تلاقي زيت باللزوجة دي واخد اعتماد الـILSAC



نقطة تانية عايز أوضحها لنسبة لزيت Wolver SuperTec 5W-40

كل زيت وله مواصفاته المستقلة... والزيت ده فعلا زيت الأساس بتاعه HC-Synthetic.... وده على عكس زيت Wolver SuperTec 5W-30

Wolver SuperTec 5W-30 - Katalog :: Wolver Lab GmbH - Your tribology expert!
Wolver SuperTec 5W-40 - Katalog :: Wolver Lab GmbH - Your tribology expert!

شايف ... الاتنين اسمهم Wolver SuperTec... بس واحد مجموعة 3 والتاني مجموعة 4.


عموما... أنا أتفق معاك إن المسألة فيها شيء كبير من الراحة النفسية... والأهم من ده كله.. الزيت مواصفاته ماشية مع طلبات الموتور ولا لأ.


...