ارجو الافاده منكم الامر هام و عاجل

ذهبت لعمل عمره للموتور ..
كانت بطلع ذخنه بيضا من الموتور و بتاكل زيت
قبلها كانت المروحه معلقه مكنتش بتفصل
اللى حصل ان الكهربائى أشار لفصل كتاوت المروحه مؤقتا عشان الوقت كان متاخر ..
تانى يوم رحت احل المكنه عشان اعمل العمره ووقت الاستلام الميكانيكى مش عارف يدور العربيه وبيقول عيب كهرباء ..
مشيت ورا كلامه وجاب كهربائى و قال العيب من الكنترول يونت و انا قولتله مكنتش بشتكى من الكنترول يونت فحاجه عشان يبقى فى كده
المهم اخدت الكنترول وطلعت على متخصص و فكه و كشف على الاى سى هات و ملقاش حاجه وقال هو تمام ومفهوش حاجه
رجعت وركبناه و جاب الكهربائى تبعه يكشف على الدفيره و الكويل و قام قايل ده عيب كنترول
وكده الكنترول بايظ و تجيب واحد تانى
كلامى ان الكنترول سليم من كلام المختص ..
اتقفل الكلام على كده واتصرف انا يا اشترى كنترول يونت يا اشوف ها اعمل اه..
وحاليا منتظر كهربائى تانى والراجل بتاع الكنترول يكشف على الكنترول فى العربيه..
يا جماعه تفتكرو فى حاجه محتمله حد مر بيها تكون السبب.. مع العلم انها مش بتدور !
وكلام الكهربائى تبعه انها الكهربا اللى طالعه للموبينه ضعيفه !!
والعربيه كانت شغاله قبل متروح ليه عادى !!
انا اسف على الاطاله

ممكن تكون موبينة ضعيفة ومطلوب تغيرها
وحاول تغير الكنترول وتشترط على البائع لو الكنترول مش مقوم العربية هرجعه
لو اشتغل اديك عرفت العيب لو مااشتغلش يبقى غير الكهرابائى
حاول تخلى الميكانيكى يشيك على حاجتة يمكن يكون نسى يحط زيت الماتور فيخليه تقيل فى الدوارة

حضرتك تعرف تقريبا بكام الكنترول !

أنا لِسَّه حالا داخل البيت الفجر ..
جبت راجل محترم كهربائى و معاه الصنايعية بتاعته
الراجل كشف على الكويل و الأرضى و خارج الموبينه
لقى ان العيب فى سلوك البوجيهات !!!
المهم لقيت الميكانيكى جايب كهربائى تبعه
وفاكك الدفيره من الفبر ومصر انها الكارته
وربنا ستر و لقينا الموضوع سلوك و اشتغلت الحمد لله
شكرًا جزيلا ربنا يجازيكم كل خير ..

الحمد لله والف مبروك وربنا يهدي الفنين الي بتفتي كتير ديه