عايز اشتري عربيه هل اشتري لادا جرانتا ٢٠١٦ جديده ام رينو ميجان استعمال

**pippon** · 29-05-2016 12:08 PM

لو سمحتوا افيدوني
عايز اشتري عربيه . اشتري لادا جرنتا ٢٠١٦ جديده والا رينو ميجان استعمال وهل لو لادا جرنتا الروسي افضل والا المصري

**scientist9508** · 30-05-2016 04:04 PM

الجديد أفضل . . . ولكن خذ فى إعتبارك أنك تشترى سيارة متواضعه فى كل شىء بالإضافه للوكيل السىء

**S O P H O S** · 31-05-2016 02:10 PM

بالظبط جديد افضل مع عربية اقل فكل شيئ
مستعمل هيبقي اقوي لكن اخترت موديل صعب
من حيث انه ممتاز لو عربية سليمة فعلا
لان لو فيها شغل هتكره الرينو فالمطلق
مجرد رأي ..

**Mohamed Desoky** · 31-05-2016 06:39 PM

المشاركة الأصلية كتبت بواسطة pippon

لو سمحتوا افيدوني
عايز اشتري عربيه . اشتري لادا جرنتا ٢٠١٦ جديده والا رينو ميجان استعمال وهل لو لادا جرنتا الروسي افضل والا المصري

السلام عليكم ورحمة الله وبركاته هو اختيار حضرتك مش كويس خالص للاتنين دول الادا طول عمرها وحشه والرينو كزالك واسوء نوع الميجان ؟ المهم افضل شئ الزيرو طبعا وافضل عربيه فى السوق اللى ليها وكيل قوى زى غبور او منصور وغبور وحش السوق شوف منتجاته زى الفيرنا وi10 وكمان الانفى والتيجو خليك فى المضمون ومنصور عنده الافيو والاوبترا شوف الانواع دى وعندك كيا المهم الميزانيه وابعد عن الادا بانواعها كلها والفيات كمان كل دول سمعتهم زفت طبعا الزيرو

**pippon** · 15-06-2016 12:40 PM

المشاركة الأصلية كتبت بواسطة Mohamed Desoky

السلام عليكم ورحمة الله وبركاته هو اختيار حضرتك مش كويس خالص للاتنين دول الادا طول عمرها وحشه والرينو كزالك واسوء نوع الميجان ؟ المهم افضل شئ الزيرو طبعا وافضل عربيه فى السوق اللى ليها وكيل قوى زى غبور او منصور وغبور وحش السوق شوف منتجاته زى الفيرنا وi10 وكمان الانفى والتيجو خليك فى المضمون ومنصور عنده الافيو والاوبترا شوف الانواع دى وعندك كيا المهم الميزانيه وابعد عن الادا بانواعها كلها والفيات كمان كل دول سمعتهم زفت طبعا الزيرو

هي اللادا وحشه فعلا بس في الجرنتا فيها بيقولوا عدولوا الكلام ده ومزودين في الامكانيات اما بالنسبه للريتو فاهتلف مع حضرتك الرينو ممتازه في كل فائتها جدا وانتشارها واسع جدا .. بالنسبه لغبور فمش كل اللي بيبقي وكيله بيبقي كويس يعني الاميجراند وكيلها غبور وعربيه سيئه جدا جدا جدا وكذلك منصور الانوس بعد لما كانت مع دايو كانت قويه راحت لمنصور بقيت سيئه لابعد حد .. انا ببص لامكانيات العربيه الميجان امكانيتها حلوه جدددا طبعا بس كل واحد وليه راي في عيوبها اما اللادا علشان زيرو مع امكانيات كويسه abs وايرباج وعضم قوي وعاليه عن الارض واستهلاك بنزين وقطع غيار رخيصه

**S O P H O S** · 16-06-2016 01:50 PM

المشاركة الأصلية كتبت بواسطة pippon

هي اللادا وحشه فعلا بس في الجرنتا فيها بيقولوا عدولوا الكلام ده ومزودين في الامكانيات اما بالنسبه للريتو فاهتلف مع حضرتك الرينو ممتازه في كل فائتها جدا وانتشارها واسع جدا .. بالنسبه لغبور فمش كل اللي بيبقي وكيله بيبقي كويس يعني الاميجراند وكيلها غبور وعربيه سيئه جدا جدا جدا وكذلك منصور الانوس بعد لما كانت مع دايو كانت قويه راحت لمنصور بقيت سيئه لابعد حد .. انا ببص لامكانيات العربيه الميجان امكانيتها حلوه جدددا طبعا بس كل واحد وليه راي في عيوبها اما اللادا علشان زيرو مع امكانيات كويسه abs وايرباج وعضم قوي وعاليه عن الارض واستهلاك بنزين وقطع غيار رخيصه

في عربيات حضرتك ذكرتها فرأي افضل من اللادا بكتير
لو حضرتك بتفضل الزيرو يبقي تشوف اختيار غير اللادا احسن
والميجان مفيش عليها كلام بس منين الحاجة السليمة والثقة
والله اعلم ..