-
طلبين من رجالة المندى
اهلا بكل اعضاء المنتدى المحترمين لو سمحت انا عندى سؤالين لو ممكن حد يجاوبنى عليهم انا عندى كورسا 99 1000cc و ماشية معايا كويس الحمد لله بس فى حاجه مجننانى مرايات الجنب بتاعتها ثابته مش بتعرف تقفلها و كل يوم الاقى واحد خابط المراية و كسرها و لو ذوق شوية القيه حاططها على الكبوت فلو حد يعرف حل او موديل مرايات عربية تانية يركب عليها هيه مانيوال مش كهربا وسؤال تانى انا حاسس ان العربية فيها رعشة فى السلانسية و لما رحت لميكانيكى قلى دا عادى عشان المكنه تلاته بستم متلته يعنى فهل الكلام ده صح ولا لا و اسف على التطويل
-
انا هاقولك حاجة..
المرايات عادية مش كهربا و بالتالي..مفيش سلك داخل ليها..
الميزة ف الكعربا انها لما بتتخبط و تتفك بتتعلق ف السلك ده..
بالنسبة لعندك في حل من 2..
ممكن تجيب واير معدن بس رفيع جدا و عدد 4 افيز..و تعمل التالي..
تركب الواير ده ف البودي بتاع العربية .. في الجزء الثابت بتاع المراية يعني..
و تركب الطرف التاني ف الجزء اللي بيتخله و بيقع ده من المراية.. و تربطه بالافيز برضه..
كان في واحد عامل الحركة دي ف كورسا كنت هاشتريها قبل اللي معايا..
و الحل التاني سمعت عنه بس ماعرفش اللي بيعمل الحركة دي فين بالظبط.. بس هو ف الدقي..
بيفك المراية.ز و بيحول السوسته اللي بتمسك زي الصباعين دي ف الجزء الثابت من المراية ف الباب.. بيعدلها لسوستى ثابته.. بحيث ان المراية لما تتخبط.. تروح و ترجع.. ترد في مكانها تاني..
متتخلعش اصلا.. سمعت انه ف العجوزة قريب من شارع التحرير كده بس مش عارف مكانه فين بالظبط..
الاسهل حاليا انك تشوف حوار الواير المعدن ده و تجربه.ز لو منفعش قولي ادورلك علي الراجل ده فين و نحاول معاه كده..
بالنسبة للرعشة بقي..
الراجل اللي قالك كده اكيد بطيخ و مش متخصص اوبل.
كلمة متلتة يعني في 3 بساتم فقط من ال4 هما اللي شغالين.. لكن هي اصلا 3..
و الحكاية دي موجوده عندي ف العربية مع انها 4 سلندر..
و ممكن تلاقيها كمان لو نورت النور العالي ولا حاجة الرعشة تزيد..
انا مش عارف سببها.. ولو انه بسبب لود الكهربا.. ووديت العربية التوكيل 3 مرات و قالولي العربية زي الفل.. و انسي الرعشة دي متفكرش فيها..
ممكن يكون في حاجة تانية بقي و ان الرعشة يكون سببها قواعد الموتور لو مكنت شغيرتهم قبل كده يكونوا نشفوا.. و عايزين يتغيروا..
لو تقدر توديها لحد بيفهم ف الاوبل و متخصص فيها هيقولك السبب ايه.. و بسيطة ان شاء الله..
-
الف شكر يا باشا كلك ذوق انا سمعت ان فيه مرايات بتاعت عربية تانية ممكن تركب ليها الكلام ده صح و لو صح اية الموديل اللى ممكن يركبلها
-
لا والله انا مسمعتش الكلام ده..
عموما. اسأل و قولي.. :) :) انا كمان اغيرهم.. :)
-
ان شاء الله لو عرفت حاجه هاقولك
Content Relevant URLs by
vBSEO 3.6.0 PL2