عرض للطباعة
عربيتى فورد فوكاس غسلتها من الداخل بالكيماوى بس لظروف قفلتها بعد الغسيل وبعد يومين او تﻻته لقيت لسه الكراسى مبلوله شويه و التابلوه الابواب معرقه هل فى ضرر من الماده دى على العربيه من الداخل وانشفها ازاى ... جزاكم الله كل خير ارجو الرد السريع ﻻن العربيه عملت ريحه وحشه و بعض الكهربا هيست
وقف العربية فى الشمس
وافتح جزء صغير من الزجاج الامامى او الخلفى
لان العربية كمكت من الكتمة ورايحتها بقت زى الشراب الى مايتخلعش من رجل الواحد بقاله سنين
وبعد كده روح للراجل بتاع المغسلة و وينشفها بالهواء جوه وبرةعشان البارومة ماتسرحش والكهرباء ماتلمسش
وبعد كدة طريقة غسيل السيارة كالاتى
نضف العربية من الداخل اولا ببلاور هواء او مكنسة البيت واشفط الاتربة الموجودة على الموكيت او الدواسة وشغل اللتكييف عشان يطلع التراب الى جواه بالمرة
ثانيا امسح العريبة بفوطة ناعمة من الخارج فوطة مثل القطيفة عشان ماتخربش البوية
ثالثا املء جرد مياه وضع صابون عادى ربع كوباية وقلبها او بريل ب50قرش
طبعا هتكون العربية ماعلاهاش تراب من برة ولا من جوة
اغسل الفوطة الناعمة دى فى الجردل واعصر ها كويس وامسح العربية من االداخل والكراسى والتابلاوه
وبعد كده اعصرها فى الجردل كويس مرة تاانية ونشفها ماعدا الزجاج بجلانس من الداخل والخارج ب5جنيه
ووجرنال
ولو لقيت العربية جيرت شوية بل الفوطة بمياه بدون صابون وهتلاقيها مراية
بالنسبة للماتور نفضه ببلاور هواء او هوااء فقط من عند الماتور واياك والمياه وفوطة معصورة بجاز و مياه
وبكدة تحافظ على العربية من البارومة والغسل المكلف
فى الغالب مفيش ضرر ان شاء الله لانها مفيش فيها مياه
والله دى افضل طريقة انا بنفسى بغسل العربية بيها هو صحيح انا بتعب شوية ووممكن اخد فى الموضوع كله ياخد ساعة واحدة فى الاسبوع وبده تحافظ على العربية على الاقل لو فيها عطل تقدر تعمله هدومك ماتتوسخش والمدام تلومك وتكره العربية وتقولك بيعها
لان سبحان الله العربية لما بتوصل المدام لبيت اهلها تبقى زى العسل على قلبهم واول ماتعطل تقولك بيعها تقولش دى ضرتها واحنا مش واخدين بالنا
انا حماتى هيا اللى بتقول كده ربنا يخليها ومايحرمنيش من لسانها اللى بينقط س المهم لو الكسوه جلد التنظيف سهل لكن الفرش الاصلى القماش ده متعب جدا فى تنظيفه مفيش حد يصبرنى لان حماتى هتقضى رمضان معايه وانا هتجنن وهموت وهتشل وهنتحر من الفرحه يارب كل الناس حماتهم تقضى الشهر الكريم عندهم يعنى ابقى انا لوحدى فى السعاده دى ؟