شل ثم موبيل
عرض للطباعة
شل ثم موبيل
إيه هي مواصفات الزيت اللي حضرتك بتدور عليه أو عايز تقارن بيه؟؟؟؟
للمرة التانية... ما ينفعش نقارن ماركة زيت مع ماركة زيت...
هات لي زيت معين من ماركة ونقارنه مع زيت آخر من ماركة أخرى... وساعتها أقوللك أنهي فيهم الأحسن...
وعلى فكرة... ممكن جدا يكونوا غير مناسبين لعربيتك من الأساس...
فيا ريت تقوللنا إيه طلبات كتالوج عربيتك علشان نقارن صح.
...
السلام عليكم
الحقيقه كنت بستعمل كاسترول فى فنتازيا 2012 لمده سنه ونص وبعدها التوكيل غير مع نفسه لزيت الترا شيل والحقيقه
من ساعه ما غيرت نوع الزيت وسحب العربيه واداء الموتور وصوته مش عاجبنى انا عارف ان حاجات دى ليهاعوامل اخرى غير زيت موتور بس برضه انت بتحس بموتور العربيه تحت رجلك وانا حاسس ان فى فرق وعن مده استخدامه بقالى سنتين بستخدم شيل بس ان شاء الله مش هستخدمه تانى وبفكر فى كاسترول او اموسيل تنصحونى بايه علما ان اصلا مواصفات مصنع سياره قال كاسترول وشكرا
أولا.. الكتالوج لو أوصى بماركة زيت فده مجرد اتفاق تجاري بين الشركتين لزيادة مبيعات شركة الزيوت... بس المواصفات اللي بنتكلم عليها مش دي اللي قصدنا عليها خالص..
المواصفات اللي قصدنا عليها عبارة عن بعض أكواد بتتكتب في الكتالوج والمفروض تلاقيها على علبة الزيت هي نفسها..
الفكرة الأساسية إن كل ماركة بتعمل أصناف كتير من زيوت المحركات.. وكل صنف من دول فيه أكواد مختلفة علشان يبقى مناسب لمواصفات شركات معينة..
وشركات الزيوت الكبيرة عندها تنوع كبير جدا... شل مثلا عندها فوق الـ100 صنف زيت موتور... منهم أكتر من 30 صنف في فئة التخليقي بس!!
ادخل على صفحة شل دي وشوف عندهم كام صنف زيت.. ومقسمينهم حسب الاستخدام .. وكل استخدام جواه لزوجات كتير.. واللزوجات المتشابهة دي مختلفة عن بعض كليا في المواصفات التانية.
Shell Helix car engine oils | Shell Global
طيب.. بعد كل ده يبقى لا يمكن أحكم على الماركة إجمالا ولا أختار ماركة زيت بدون النظر في مواصفة الزيت اللي بشتريه من عندهم..
بالنسبة لعربية حضرتك... فالاشكودا مواتيرها كلها من فولزفاجن... وفولزفاجن بتشترط إن الزيت المستخدم لازم يكون متوافق مع مواصفة فولزفاجن لزيت الموتور المذكورة في الكتالوج..
فولزفاجن عندها حوالي 6 مواصفات لزيوت محركات البنزين وزيهم لمحركات الديزل..
من الآخر.. لازم نعرف الكتالوج طالب مواصفة إيه لزيت الموتور (مش الماركة) .. وبعدها نختار الزيت اللي عليها نفس رقم المواصفة من أي ماركة احنا عايزينها.
رجاء تدخل على الموضوع ده
http://www.nilemotors.net/Nile/341680-a.html
...