الموضوع: مشكلة زنة فى السماعات من تزويد البنزين

السلام عليكم
انا عندى مشكلة مصدّعانى،
وانا قافل ازاز العربية العزل فيها رائع ما شاء الله ومبسمعش ولا حتى صوت الماتور، لكن بعد ما بدور العربية وهى على السلانسيه بيظهر صوت زنة مزعجة جدا فى السماعات الامامية والخلفية وبتزيد مع تزويد البنزين فبضطر افتح الازاز علشان الازعاج او اشغل الكاست علشان متبانش.

والكلام ده مبيظهرش وانا فاتح كونتاكت بس أو وانا طافى خالص العربية بس مشغل الكاست، بتحصل بس لما الماتور دور ..

مع العلم ان انا مش حاطت بازوكة ولا جى ام ولا اى حاجة، هو الكاسيت وسماعات البابين قدام والسماعتين اللى ورا ..

حد عنده حل يساعدنى ؟
وشكرا مقدما

تمام شكرا على الردود
انا فعلا جربت اشيل جاك الراديو والزنة راحت تماما وانا كدة كدة مش بستخدم الراديو.

بس فعلا المعلومات اللى قلتوها مفيدة