السلام عليكم.. محتاج رأي أهل الخبره
انا عارف ان العربيتين فئتين مختلفتين.. بس ده لاني مش نقطه أساسيه في اختياري العربيه سيدان ولا كروس اوڤر.. بعد لف كتير اقتنعت بالسوبارو البريميم لاين كإس يو ڤي وكنت على وشك التنفيذ.. لحد من كام يوم لما دخلت الانسيجنيا التوب لاين كسيدان في تفكيري.. طبعا الانسيجنيا تحديدا الانتريور بتاعها يشد في مقابل انتريور حاسه ضعيف نسبيا للسوبارو وان كانت النتيجه اني ما زلت مرتاح للاتنين
طبعا التردد زايد بسبب ان فرق السعر كبير مش قليل للانسيجنيا ومش عارف اذا كانت فعلا تستاهل ادفع الفرق ده ولا انا مبهور بمنظر ولا ايه ؟
محتاج ايه من العربيه؟ تكون عربيه اعتمادية مريحه مش بدور على اوبشز اوي على قد ما بهرب من ضعف في العربيه او قله اللي بتقدمهولي..
في واحده فيهم ليها مشاكل واضحة في موديل ٢٠١٦ ولا ايه؟ وأنهي هيكون اختيار أفضل السوبارو بكل قوتها وأوفر بقيت الفلوس ولا الانسيجنيا تستاهل الفرق ده وهحس بفرق ؟؟
شكرًا مقدما :)
المفضلات