السلام عليكم:
لو سمحتم أنا عندي صيانة ال 120 الف وكنت عايز أجيب قطع الغيار الأصلية و أعملها عند ميكانيكى شاطر...
تنصحونى بمين فى صقر قريش؟
وإيه قطع الغيار المطلوبة و بتيجي منين؟
شكرا ليكم....
:shine[1]:
عرض للطباعة
السلام عليكم:
لو سمحتم أنا عندي صيانة ال 120 الف وكنت عايز أجيب قطع الغيار الأصلية و أعملها عند ميكانيكى شاطر...
تنصحونى بمين فى صقر قريش؟
وإيه قطع الغيار المطلوبة و بتيجي منين؟
شكرا ليكم....
:shine[1]:
انا سبقتك من 6 شهور
غيرت سير كاتينه جيبته اصليي من التوكيل بالبليه ب 600 ج
سير مجموعه 130
فلتر تكيف 90
فلتر هوا 70
زيت موتور 330
تيل 150
والميكانيكى يبص على شداد الموتور "لسه عاوز غيرهم"
ويشوف زيت الفراملوالباور ومية التبريد
انا معرفش فى صقر بس هيا معق الرينو وسمعت على واحد اسمه عادل فى صقر
اهم حاجه السير بتاع الكتينه هاته من التوكيل لان دا اهم شئ
المصنعيه 250
شكرا لحضرتك....
قطع الغيار الأصلية دى لازم تيجي من التوكيل ولا ممكن ألاقيها بره؟
أنا عملت الصيانة دى عند مهندس اسمه أمجد أمين كان شغال فى التوكيل وفاتح فى الحرفيين وكلفت 1700 جنيه بعد عمل خصم 10%، وأخدت قطع الغيار من عنده والمفروض انها أصلية.
أنت ممكن تلاقيي قطع غيار اصلية بره
فيه مستورد في عين شمس اسمه ناير نصحى ، عنده كل حاجة بأسعار كويسة
أخدت من عنده طرنمبة بنزين الأسبوع اللى فات
وعرفت ان كتير من مراكز الخدمة بره التوكيل بياخدوا منه قطع الغيار جملة.
وبما انك وصلت لـ 120 زى حالاتي ، ففيه حاجات مهمة مش بيبصوا عليها
فياريت تلفت نظرهم للكشف عليها ، لأن غالبا بيكون عمرها الافتراضى انتهي لو ماكنتش غيرتها قبل كده :
وهى :
1- المساعدين
2- كاوتشة الكوبلن الأيسر
3- شداد الموتور السفلى
4- قاعدة الموتور العلوية.
أنا غيرت 3 ، 4 مع صيانة 120
والنهارده هاغير رقم 1
وكنت غيرت رقم 2 من حوالى سنتين