الموضوع: بالله عليكم ساعدونى

اريد شراء سيارة جديدة محتار بين سيات ابيزا 2015 هيونداي اكسنت 2016

المشاركة الأصلية كتبت بواسطة S O P H O S

لو هاوي وعاوز عربية كويسة الابيزا طبعا
لو عربية للسوق وتمشي وتتباع الاكسنت
ياريت تبص عالموضوع ده قبل القرار الاخير
http://www.nilemotors.net/Nile/458249-2014-15000-a.html

السلام عليكم ورحمة الله وبركاته للاسف دلوقتى فى نوعين من السيارات عربيه للسوق وعربيه تقتنيها دى حاجه عجيبه فى السوق المصرى السيارات الكورى بطبيعتها جسمها ضعيف عن الالمانى او اليابانى وطبعا السيارات الامريكيه المتوحشه القويه كل العربيات دى ملهاش قيمه قدام السوق المصرى لما الفيرنا تتباع اغلى من السيتروين والفولفو يبقى السوق المصرى غبى جدا ولما تتباع البويك 6 سلندر 3500 cc ب12 الف ج والبرايد العصفوره تتباع 26 الف ج يبقى احنا فى زمن عجيب المتحكم فى سوق السيارات شوية جهله كل مؤهلاتهم الكدب والغش اللى يخلى العربيات الكورى اغلى من الالمانى لسبب بسيط قطع غيار متوفره ورخيصه ؟ لو عملنا مقارنه بين قطع غيار الالمانى والكورى طبعا الكورى ارخص من الالمانى لكن قطع غيار الالمانى معمره تعيش اكتر من الكورى ولو اى حد فكر بس شويه هيلاقى ان الالمانى ارخص بكتير من الكورى ؟ كل الاسف احنا عايشين فى مجتمع كله مغشوش بنرفع الرخيص وننزل الغالى للارض ؟ الخلاصه احسن عربيات العالم الالمانى واليابانى الفرنسى بيجو وسيتروين ويس والامريكى كل العائله من فورد حتى لنكولن وفى الاخر الكورى والصينى وبينهم خطوه واحده فقط وتتقدم السيارات الصينيه على الكورى قريبا جدا وعلشان كده ننصح كل الاخوه اللى عايز جديد ويقدر على سعر الالمانى لا تتردد واليابانى لا تتردد هيا دى السيارات المحترمه اللى تحافظ على فلوسى وتحمينى لاقدر الله تحمينى لان الالمان لا يحبون الغش والله المستعان وشكرا