انا معايا عربيه لانسر بومه 2006 1600 اتوماتيك لسه شاريها العربيه كانت بسم الله ماشاء الله عليها فى السحب كانت بتجيب 160 وال rpm على 4000 كنت فى يوم ماشى على الدائرى لقيت امبير الحرارة رفع خالص مع العلم انى كل يوم كنت بشوف الميه والزيت بطلت العربيه جنب كمين المرج لحد ما بردت دورتها دارت زودت مياه وهى دايرة وبطلتها وسبتها شويه جيت ادورها تانى مادرتش ودتها لميكانيكى قالى جوان وش سلندر غيرته بجوان جرين جراى وغيرت كمان الكوتش اللى بيركب على البوجيهات وخرط الوش 0.2 والعربيه دارت وبقت كويسه بس كانت بتنقص كوبايه مياه كل 300 كيلو من الجربه
المهم بعد اسبوعين على الصحراوى قولت اجرب العربيه سحبها شكله ايه على الطوالى جريت بيها 190 وال rpm كان على 5500 او ازيد شويه بعد 5 دقايق لقيت العربيه سخنت وامبير الحرارة عدى الاحمر ركنت وفتحت الكبوت لقيه الجربه الميه فيها بتغلى والعربيه بتجيب ميه من كل حته والعربيه مادارتش ودتيها لميكانيكى العربيه دارت بس خبطت من تحت من الكرنك قالى مكنه
روحت علشان اشترى مكنه ملقتش غير اليابانى اللى هى 4G15 مع العلم ان بتاعتى 4G18 المكنه الجديدة المانفوا بتاعها شكله غير بتاعنا الراجل ادانى واحد من عندة وادانى كمان بتاعها و الفرن بتاعها مختلف لان الحساس فى الفرن ادانى فرن من بتاعنا استراد كل حاجه بتاعت 1600 بتركب عليها لما قريت لقيت المكنه الجديدة 1468 سى سى الهورس بور بتاعها 92
وهنا بدات المشكله جبت المكنه وكمان الراداتير والسربنتينه والمراوح بالكنترول بتاع المراوح ( مجبتش كنترول المكنه شغلت بتاعى ) ( المراوح مروحه واحد كبيره مش اتنين زى بتاعتى القديمه ) لانى ملقتش غيرها بس من نص يكان يكون منزلش الارض الميكانيكى قالى رزقك انا اللى حليت المكنه من على النص الاستيراد كانت الميه بتاعت الراداتير بتاعت بلادها متغيرتش شكل المكنه يفرح بصراحه
بعد التركيب العربيه سحبها ضعيييييييف اخرها 150
فى ناس قالولى هات الفتيس بتاعها
وفى ناس قالولى هات الكونترول
وفى ناس قالولى اخرها كدا
مع العلم ان الفتيس بتاعى مفهوش مشكله والكونترول شغال وكشفت عليها كمبيوتر قالى تمام
بس حساس الايدل بتاعها طلع مش شغال ركبت باعى القديم العربيه عاليه الايدل برده على 1000 وساعات 1100 والعربيه صوتها على لما تدور بس يتهدى بعد كدا مش كتير قوى بس لو انت راكب العربيه بعد ما بتسخن مبتعرفش العربيه دايرة ولا لا وكمان لو واخده ال D وانت دايس فرامل مفيش رعشه نهائى
هل ممكن العيب فى المانفو ( اركب بتاعها )
يا ريت حد يقولى المشكله ايه مع العلم انى مغيرتش البوجيهات ولا السيور ولا زيت الفتيس من يوم ما اشتريت المكنه ( زيت الفتيس لم يتغير نهائى )
بالله عليكم دلونى لانى صرفت كل ما املك على العربيه