أريد القول الفصل أفادكم الله

**ZIMOFOX** · 02-12-2008 12:56 AM

[align=center]Brilliance [/align]
[align=center]FRV[/align]

**MohaMed_Refaat** · 02-12-2008 05:43 AM

اللى شاف حلقة عمرو اديب من برنامج( القاهرة اليوم) انهاردة اللى هى بتاريخ 1/12/2008 كان مستضيف الوزير المهندس رشيد وقال بالحرف الواحد لا يوجد تخفيض على جمارك السيارات ولا حتى السنة الجاية والكلام دة على لسان سعادة الوزير واللى يعرف يجيب لينك الحلقة ويتاكد لانى موش لاقية .

**dr_abooody** · 02-12-2008 07:54 AM

على فكرة الاسعار هتنزل ان شاء الله

و كل التصريحات و الحاجات اللي عمالة تتقال ان السيارات مش هترخص عبارة عن اشتغالات عشان دلوقتي السوق نايمممممم جدااااااااا جداااااااا و مفيش حد بيشتري على امل انخفاض الأسعار
عشان كدا بيقولى انها مش هترخص عشان الناس ترجع تشتري تاني

لكن يا جماعة خلينا مقاطعين شرا السيارات عشان هيضطروا يرخصوها غصب عنهم

**analyzer** · 02-12-2008 12:59 PM

انتظر الى شهر يناير ولو مرخصتش مش هتغلى
فى حدود 70000 بالترتيب
1 - Frv
2- فيرنا
3- لانوس
بلاش الاسبرانزا
وفى الاول والاخر صلى استخارة

**TheEagle** · 02-12-2008 01:04 PM

المشاركة الأصلية كتبت بواسطة dr_abooody

على فكرة الاسعار هتنزل ان شاء الله

و كل التصريحات و الحاجات اللي عمالة تتقال ان السيارات مش هترخص عبارة عن اشتغالات عشان دلوقتي السوق نايمممممم جدااااااااا جداااااااا و مفيش حد بيشتري على امل انخفاض الأسعار
عشان كدا بيقولى انها مش هترخص عشان الناس ترجع تشتري تاني

لكن يا جماعة خلينا مقاطعين شرا السيارات عشان هيضطروا يرخصوها غصب عنهم

+
1
دا شئ متوقع جدا ان الحكومة و التجار يقولوا كده

و لا انتوا تخيلتوا انهم يقولوا الأسعار هترخص عشان يوقفوا سوقهم بايديهم ؟!!

**TheEagle** · 02-12-2008 01:33 PM

انا تقريبا نفس الحالة بتاعتك يا أ/ وائل
و بحثت كتير هنا فى المنتدى و قريت كتير أوى
و توصلت انى محتار بين 3 عربيات :
1- رينو كليو
العربية دى داخلة دماغى اووووىىىىى، و ما شاء الله سمعت عنها كلام كتير حلو
و كمان وحووش الرينو ربنا يحفظهم و الله استفدت منهم كتير
بس يا رب تنزل بنفس السعر فى 2009 عشان أقدر اشتريها

2- فيات بونتو
مختلفش على العربية دى اتنين ، عربية ممتازة بكل ما تحمله الكلمة
انا بس خايف ان موتورها ( الضعيف نسبيا ) ميلبيش رغباتى
انما بما انك عايز حاجة زى البيكانتو ،فاعتقد ان البنتو هتبقى مناسبة ليك جدا

3- بريليانس FRV
مش هقول أكتر من أن توكيل BMW هو اللى منزلها
و معتقدش ان توكيل بالحجم و السمعة دى هيقامر على سمعته بعربية ب 70 الف !
و هوا أقل عربية عنده متقلش عن 240 الف
فا أكيد ان شاء العربية دى ممتازة
انا اللى مخوفنى منها حاجتين :
- أسعار الصيانة و قطع الغيار
- أنها عربية لسة مش متجربة و كمان صينى
( و دى مخاوف شخصية ممكن تكون نتاج اضطربات عصبية أو عقد نفسية )

الكلام ده يعبر عن رأيى الشخصى
و اتمنى انى اكون اضفتلك و لو بشئ بسيط

**wael_wakeel** · 02-12-2008 08:42 PM

أشكر لكل الرجالة استجابتهم وتعاونهم معايا ..
وأنا بعد اللى قلتوه قررت أصبر لغايت بعد العيد لأول شهر يناير وأنا وبختى والله المستعان ..
بس أنا خايف للأسعار تغلى فعلاً ومحدش يسألنى إزاى ..
أصل الحكومة ساعات بتحب تربى الشعب قليل الأدب (اللى هو احنا)
زى مثلاً بعد موضوع مظاهرات المحلة .. الريس صالح الشعب وطبطب عليه وإداله 30% علااااااااااااوة
وتانى يوم كل حاجة فى الدنيا والعيشة واللى عايشين غليت أكتر من الرقم ده ..
وطبعاً ده لأن الريس بيربينا علشان منعملش دوشة تانى لأن الحكومة مصدعة وقرفت مننا ..
وكفاية أصلاً إنهم رضيم يحكمو شعب جاهل وبرجوازى ومتعفن .... إلخ، ولا يصلح معه أسلوب التعامل مع البشر الذى تحكم به شعوب أوربا مثلاً ..
وعشان كده لازم يحكمونا بالطريقة دى عشان مصلحتنا
فممكن بكل بساطة الحكومة بدون أى مبررات تغلى العربيات والمكرونة والفجل البلدى وكام سلعة كده
عشان تربى الشعب ويحرم يحاول يفكر ويستخدم الفهلوة المصرية المعروفة ويستنتج ويقول إن العربيات هترخص عشان الأزمة العالمية واتفاقية أغادير والكلام ده ..
مبروم على مبروم ميلفش يا فتك ...
إحنا الحكومة يابابا ميهمناش أى أزمة ولا بتفرق معانا أى اتفاقية ..
احنا نتفق ونمضى ونتصرف بعدين ومحلولة ..
وصدق (عادل إمام) عندما قال كلمته الشهيرة ... (إحنا الحكومة ميهمناش أى معزة)
واللى هيتناصح ويقول إن العربيات هترخص برة وهنستوردها وبتاع نحب نقوله
كان غيرك أشطر ولو عرفت تدخلها البلد !!

المهم .. بلاش كتر كلام .. أنا هستنى لشهر يناير وربنا يستر ولو غليت والفلوس مقضتش هشترى تكتك قبل ما يغلى وكله بيقضى مصلحة ..

بس أحب أوضح حاجة للأخوة اللى بيساعدونى .. أنا بسأل فى إطار 70.000 ج.م. بالنسبة للأوتوماتيك لأنى شايف إن مصر ميتركبش فيها غير أوتوماتيك فال (بيكانتو) هى اللى أوتوماتيك فى الإطار ده .. فهل فى عربيات تانية أوتوماتيك أحسن منها فى نفس الإطار السعرى أو أكتر حاجة بسيطة .. أنا كده كده ناوى أدفع مقدم حوالى 30.000 وأقسط الباقى

جزاكم الله كل خير وكفاية إننا قلبنا لسة على بعض
ويحنن يارب قلب الحكومة علينا
ومن قدم شئ بيداه التقاه
وهنيالك يافاعل الخير والثواب