-
تقييم 500x بعد 2000كم
بسم الله الرحمن الرحيم
تقييمي لل 500X بعد 2000 كم.
ما شاء الله العربية كويسة جدا.
العافشة ثابتة جدا مع العلم ان السيارة مرتفعة, ممكن تبقي نشفة شوية للعربيات الالماني زي الجولف و الاودي و الاوبل بس طبعا انعم من الكورى و الياباني.
الموتور مرضى جدا و استجابته سريعة خصوصا علي ال Sport Mode علشان بيفتع التربو كامل من الاول و بينقل متأخر.
الخامات اكثر من رائعة ما شاء الله.
مساحة التخزين تعتبر كويسة و مرضية.
نيجي بقي لاستهلاك البنزين:
- اولا تنك البنزين 40 لتر و 8 لتر احتياطى و ده حجم صغير و غير مرضي بالنسبة لي.
- استهلاك البنزين تحسن بشكل ملحوظ بعد 1,000 كم, متوسط 8.5 لتر/100كم زحمة و تكييف.
- على الطريق السريع من 5 الى 6.5 لتر/100كم. تم التجربة اكثر من مرة ببنزين 92 و 95 و تقريبا الاستهلاك واحد بس فرق سحب طبعا لصالح ال 95.
- العربية ما شاء الله صوتها ناعم جدا و العزل كويس جدا جدا.
التقييم بالنسبة لي مقارنة بالسيارات الالمانى و الكوري و اليباني في نفس الفئة السعرية:
- العزل 8.5/10.
- الموتور 9/10. (بالنسبة للحجم).
- العفشة 7/10.
- الخامات 8/10.
- استهلاك البنزين 7/10.
- مساحة التخزين. 7/10.
-
تقرير ممتاز . . . بارك الله لك فيها . . . و أعطاك كل خيرها . . . وكف عنك كل أذاها
-
-
-
المفروض انه مع بنزين 95 يكون استهلاك البنزين اقل من 92 على الأقل لتر اقل لكل 100 كيلو متر .. والف مبروك على العربيه وربنا يباركلك فيها
-
ماشاء الله ربنا يباركلك فيها
-
الله يبارك فيكم جميعا ان شاء الله و رمضان كريم عليكم و علي الاسرة ان شاء الله.
فعلا مع بنزين 95 بيقل الاستهلاك تقريبا 1 لتر فعلا في ال 100 كيلو و بيزيد طبعا استجابة و عزم الموتور بس تكلفة عالية عالية عالية. :d
-
الف مبروك وربنا يعطيك خيرها ويكفيك شرها .
-
ألف مبروك.
معلش عاوز أعرف هل متوفر عجلة استبن و لا لأ؟
و هل البنزين 92 صح لأن حد بيقول أن الموتور 10.8:1 محتاج بنزين 95
-
Content Relevant URLs by
vBSEO 3.6.0 PL2