الموضوع: مشكلة غريبة بسيارة باسات b5.5

دي قصة طويلة اذا عندكم استعداد تسمعوها فانا ماعندي مانع اسردها
اولا المشكلة اللي في صدر الموضوع اتحلت تماما والسيارة اشتغلت 5 شهور من غير اي مشاكل وكانت زي الفل اللي هي الفترة من شهر ستة اللي فات لشهر 11 بس في شهر عشرة كنت ابتديت الاحظ ان مستوى المية بدا ينقص وكل اسبوعين كنت بزود ماء معدني لما جا شهر حداشر النقص بقى اكتر وكل اسبوع لازم ازود وفي اخر حداشر الموضوع اتطور بقى في نقص حاد في المية مصحوب بارتفاع في الحرارة
وكنت لما اركن على جنب بلاقي المية بتضغط بقوة عظيمة على غطا القربة واذا فتحت الغطا سنة المية الفايرة كلها بتجي مندفعة لبرة , اخلي السيارة تهدأ وتبرد نص ساعة وازودها شوية مية الاقي المية الراكدة اللي تحت فجأة جات مندفعة لبرة بضغط عظيم , المهم رحت لكراج فلسطين وقالوا لي غالبا راس السلندر عندك ضايع لكن دا حل صعب خلينا نجرب الحلول الاسهل في عملية واحدة لو مازبطت معناها هيد كازكيت
او رؤوس المكينة بالكامل , المهم اشتريت ووتر بمب + ثيرموستات + غطاء قربة ( كله تجاري طبعا لان الحل ماكانش اكيد ) مع تنضيف الرديتر وركبوهم .. ولاحياة لمن تنادي كل دا ماغيرش في الموضوع شئ .
قالولي حنزل المكينة ونغير جوان وش السلندر مع الربل وياحسرة جبته وكالة بطلبية خاصة غير قابلة للاسترداد
ولما نزلو المكينة لقوا ان رؤوس المكينة (راسين لانها ستة سلندر ) بايظة ومعووجة وبتاع المخرطة قال مايقدرش يخرطها ولو خرطها مابيدينا ضمان على اي شئ .. فكان اما شراء رؤوس او مكينة جديدة وياللمفاجأة حصلنا الرؤوس ب 500 درهم والمكينة كاملة بالف درهم نضيفة جدا مع ضمان شهر فكان القرار هو احضار مكينة جديدة والاستفادة من المكينة القديمة عدا الرؤوس كاسبيرات تحديدا الحساسات والانجكترات والكويلات والثروتل بودي .
عموما ايه الخلاصة المستفادة دورة التبريد ماكانش فيها اي تسريب والراديتر نضيف وكذلك الووتر بمب والثيرموستات اذا اللي دمر الراس اكيد سوء مية التبريد الخضراء اللي كانت مستخدمة . طبعا ماعرفتش
كدة الابعد ملحوظاتكم القيمة اللي خلتني ارجع للكتلوج وافاجأ بالتحذير من استخدام مية غير مناسبة وانها ممكن تضر المحرك انا كنت فاكر كل اللي على تجنب المية بتاعة الحنفية واي انتي فريز يمشي .
معليش طبيعتي في كل المنتديات اني بحب ادعم كلامي بالصور
اولا الروؤس البايظة



المكينة الاولى كاسبيرات خصوصا الحساسات والكهرباء لاحظ نظافة الثروتل بودي


صورة لحظية اخدتها دلوقتي للسيارة بالهيد كاسكيت اللي جبته والموزع رفض يستلمه مني ههههه

ملاحظة اخيرة ايه اللي صبرني على السيارة وخلاني اجدد معاها رغم المشاكل دي , المميزات التالية :
* ثبات عالي وراحة في القيادة وفرامل ممتازة ( امان عالي ) وتسارع رهيب
* تكييف ممتاز وفريزر
* بودي السيارة نضيف جدا والشكل جذاب وكاشخ
* السيارة نمرة واحد وفيها كماليات مش موجودة في سيارات حديثة
* توفر قطع الغيار الاصلية المستعملة النظيفة في الشارقة باسعار مغرية او حتى التجاري الالماني النضيف وجديد
المشكلة في حالة عدم الاعتناء بها السيارة حساسة شوي وصعوبة الصيانة والاصلاح عموما نحاول نستفيد من تجربة السنتين اللي فاتوا وربنا يكملها معانا بالستر
شكرا للجميع

بس في شهر عشرة كنت ابتديت الاحظ ان مستوى المية بدا ينقص وكل اسبوعين كنت بزود ماء معدني لما جا شهر حداشر النقص بقى اكتر وكل اسبوع لازم ازود وفي اخر حداشر الموضوع اتطور بقى في نقص حاد في المية مصحوب بارتفاع في الحرارة

قدر الله و ما شاء فعل

الدرس المستفاد الاول
لا يمكن التغاضى او التكاسل و الابطاء فى شيئين .. مشكله فى ضغط الزيت .. او مشكله فى دوره التبريد

لو انت مع اول نقص ميه بحثت عن السبب و حليته .. كان الحل حيكون سهل و راس الماكينه حيكون لسه لم يتعوج ( او حتى جدث اعوجاج خفيف يمكن معالجته بالخرط )

و فى النهايه انت استفدت بيها شهر واحد فقط اللى هو شهر 11 .. و اكيد تعبتك وقت و فلوس اكثر من شهرلغايه ما حليت المشكله

عموما ايه الخلاصة المستفادة دورة التبريد ماكانش فيها اي تسريب والراديتر نضيف وكذلك الووتر بمب والثيرموستات اذا اللي دمر الراس اكيد سوء مية التبريد الخضراء اللي كانت مستخدمة . طبعا ماعرفتش
كدة الابعد ملحوظاتكم القيمة اللي خلتني ارجع للكتلوج وافاجأ بالتحذير من استخدام مية غير مناسبة وانها ممكن تضر المحرك انا كنت فاكر كل اللي على تجنب المية بتاعة الحنفية واي انتي فريز يمشي

حتى لو بتستعمل ميه سليمه .. ممكن اسباب اخرى تتسبب فى كده .. مثل وجود هوا جوه دوره التبريد يسخن العربيه .. و طبعا الدوره بتكون محكمه و سليمه
و مع تكرار السخونه يبدأ الموتور يتأثر .. و لما يقع المحظور .. موش حتعرف حينها ان بدايه الموضوع كله كانت من الهوا المحبوس

ممكن غطا رادياتير او قربه موش مظبوط برضه .. ممكن تنفيس خفيف جدا و ده موش حتشوفه لان الماء بيتبخر اثناء خروجه لان كميته قليله جدا و الماسوره بتكون سخنه



و لذلك يجب اخذ الهوا كويس جدا ( عده مرات ) من الدوره عند وضع ميه التبريد لاول مره .. شوف الطريقه المطلوبه فى الكتالوج
وكذلك يجب متابعه مستوى ميه التبريد عده مرات فى الاسبوع التالى و تزويد الميه ان نقصت خلال اول اسبوع او اثنين

الطريقه اللى اعرفها للعربيات العاديه انك بعد ما بتغير الميه بتدور العربيه حتى تشتغل المراوح .. و يتم تزويد النقص فى الميه .. ثم ترك السياره تبرد قبل فتح غطاء القربه .. و تكرار الموضوع ده للتأكيد .. و بعدين مشوار صغير ربع ساعه مثلا ثم ترك السياره تبرد قبل فتح غطاء القربه و التزويد ان لزم .. ثم المتابعه اول اسبوع او اثنين للتأكد من عدم نقص مستوى الماء فى القربه


و ملحوظه هامه جدا جدا
- يجب اثناء تفريغ الدوره بالكامل ( فلش كامل ) تفريغ سربنتينه الدافايه الداخليه للتكييف من ماء التبريد القديم برضه .. مهم جدا جدا
- و لو انت عملت فلش عادى ( بدون فك الموتور و طلمبه الميه ) .. لازم زرار السخن ( بتاع المكيف ) يكون على اعلى قيمه فى السخن ( و ممكن تفتح معاه المروحه على سرعه بسيطه ) .. علشان الماء القديم بتاع نيسان اللى جو سربنتينه الدفايه يخرج كمان

- اثناء اخذ الهوا للماء الجديد .. لازم زرار السخن ( بتاع المكيف ) يكون على اعلى قيمه فى السخن ( و ممكن تفتح معاه المروحه على سرعه بسيطه ) .. علشان الهوا المحبوس جو سربنتينه الدفايه يخرج كمان .. مهم جدا جدا
- سبب ان زرار السخن ( بتاع المكيف ) يكون على اعلى قيمه فى السخن .. ده بيؤدى الى فتح الدائره و مرور ماء تبريد المحرك بها
- بس يجب ملاحظه ان موضوع الفتح و الغلق ده بيكون حسب تصميم المكيف و الاسيوى ممكن يختلف عن الاوروبى .. اللى يفهمك الكلام ده كويس المهندس بوريو ( معلوماته رائعه فى هذا الموضوع ) لانى لم ابحث الموضوع ده نهائى

عموما ايه الخلاصة المستفادة دورة التبريد ماكانش فيها اي تسريب والراديتر نضيف وكذلك الووتر بمب والثيرموستات اذا اللي دمر الراس اكيد سوء مية التبريد الخضراء اللي كانت مستخدمة . طبعا ماعرفتش
كدة الابعد ملحوظاتكم القيمة اللي خلتني ارجع للكتلوج وافاجأ بالتحذير من استخدام مية غير مناسبة وانها ممكن تضر المحرك انا كنت فاكر كل اللي على تجنب المية بتاعة الحنفية واي انتي فريز يمشي .

دى معلومه اضافيه سريعه لعلها تفيدك

سائل التبريد Coolant بيتكون من شقين
- الماء المقطر
الماء هو المسئول عن التبريد بصفه عامه

- الانتى فريز المركز AntiFreeze
الانتى فريز ده بيحتوى على 5% منه اضافات .. و بيحتوى على مواد تزييت ايضا .. بالاضافه الى مكونه الاساسى
وظيفته هى رفع درجه الغليان و خفض درجه التجمد .. الحمايه من التأكل و ايضا الصدأ و ايضا تزييت اجزاء مثل الطلمبه مثلا

علشان كده ممنوع انك تزود تركيز الانتى فريز عن نسبه معينه .. لان ده بيكون على حساب انقاص كميه الماء و بالتالى انقاص القدره على التبريد

و برضه ممنوع انقاص الانتى فريز عن كميه معينه ( حتى لو انت فى دوله طقسها حار و مفيش تجمد ) .. ده لان كميه الاضافات هى نسبه من الانتى فريز .. فبالتالى انقاص الانتى فريز عو انقاص الاضافات هو انقاص الحمايه و درجه الغليان


طبعا فى الخليج سيارات اسيويه اساسا .. يعنى سوائل التبريد حتكون فى معظمها اسيوى .. و الفوسفات كان متدوال فى سوائل التبريد الاسيويه
الفوسفات وظيفته الحمايه من التأكل و موجه اساسا لحمايه الالومنيوم للموتور.. لما بيكون فيه ماغنيسيوم فى الميه زياده بينكون فوسفات الماغنيسيوم .. و الماده دى بتقلل من قدره الماء على التبريد


سؤائل التبريد حتى لو كانت نفس المجموعه ( و لنفرض G11 مثلا ) .. كل شركه او كل صانع ليه تركيبه كيميائيه محدده خاصه بيه
عند خلط سوائل من صانعين مختلفين ( صانع سيارات او شركات متخصصه لميه التريد ) .. لا يمكن تعرف ايه التأثير بالظبط .. الا بعد معرفه التكوين الكيميائى للسائلين و التفاعلات الكيميائيه التى ستتم و الناتج عتها .. و بعدين تأثسر هذه المواد الالمتواجده اصلا او الناتجه عن التفاعلات على خامات موتور محدد و التأثير قد يختلف من موتور الى اخر جسب خاماته


ده اللى بيخلى غير محبذ خلط المنتجات المختلفه لماء التبريد حتى لو كانت نفس المجموعه
اما لو كانت مجموعات مختلفه اصلا و تحديدا خلط G11 مع G12 .. فالتفاعل الكيميائى معروف مسبقا .. و النتائج معروفه سلفا فى تأثيرها على جميع المحركات بغض النظر عن خامه المحرك