أرجو الإجابة: ليه بيقولوا عالافيو وحشة؟! انا كنت هشتريها ومستني أعرف السبب

السلام عليكم
نفسي أفهم ليه بيقولوا عالافيو فاشلة؟؟؟ أنا بسأل بجد لأني كنت ناوي اجيبها بس محتار الناس ليه بيقولها عليها وحشة؟؟!!! ونفسي أعرف إجابة السؤال..
انا شايف ان سعرها كويس وشكلها حلو جداً وواسعة من جوه وقطع غيارها رخيصة.. ياترى هيفرق معايا ان موتورها 8 صباب مش 16 ؟؟ ياترى ده بيفرق في حاجة وياترى هو ده السبب انكوا بتقولوا عليها وحشة؟ ولا لسبب تاني؟؟
بيقولوا برضو عفشتها ناشفة.. طيب مهي السيراتو عربية فخمة بس برضو عفشتها ناشفة!!
ياريت حد يرد عليا لأني عاوز اشتريها وخايف من السمعة الوحشة اللي مش عارف سببها ايه لحد دلوقتي

هي العربيه وبكل بساطه صيني ومنصور بيسوقها والتوكيل زفت علي كلام ناس حصل معهام مواقف فعليه من التوكيل وكا عربيه صيني ويكون ده سعرها علشان باسم منصور فا ده حرام الفرق بنها وبين نفس العربيه بس بتحمل العلامه التجاريه الي صنعه العربيه اكتر من ٢٥٠٠٠ جم يبقي حرام اشتريها وصدقني انا قراءة عنها تقارير وفي ناس في المنتدا هنا بيشتكو جدا وبيندمو انهم اشترو العربيه ديه

اقتباس:

---

المشاركة الأصلية كتبت بواسطة mosaad mohsen

هي العربيه وبكل بساطه صيني ومنصور بيسوقها والتوكيل زفت علي كلام ناس حصل معهام مواقف فعليه من التوكيل وكا عربيه صيني ويكون ده سعرها علشان باسم منصور فا ده حرام الفرق بنها وبين نفس العربيه بس بتحمل العلامه التجاريه الي صنعه العربيه اكتر من ٢٥٠٠٠ جم يبقي حرام اشتريها وصدقني انا قراءة عنها تقارير وفي ناس في المنتدا هنا بيشتكو جدا وبيندمو انهم اشترو العربيه ديه

---

كلام مظبوط واسمها الاصلى بايجون شركه صينيه جديده والمعلم منصور بيفرح المستهلك بعلامة شيفروليه يستورد اى زباله ويحط العلامه الامريكيه بتاعته بص منصور ده نصاب كبير طالمه صينى روح على غبور وشوف الانفى على الاقل شركه صينيه معروفه عالميا ومنتجاتها فى اوربا وامريكا وتوكيل اقوى واحد موجود غبور فى مصر يبقى غبور افضل على الاقل مش نصاب الشيرى صينى والجيلى صينى والهيونداى بتاعته هندى الراجل صريح مش نصاب سدقنى غبور احسن الوحشين لان مفيش توكيل فى مصر محترم خالص

فى الخليج مشهور عنها ان مكينتها بتضرب و ان السيارات الكورى بعلامة شيفروليه هى من اسوأ السيارات التى تحمل تلك العلامة(افيو-ابيكا9
خصوصا الابيكا
حتى انا فى مصر اتعلمت على افيو مكينتها فيها مشكله
تخيل بقى لو الاشاعات طلعت صح و العربية طلعت صينى
و كمان اعتقد فرق السما من الارض بين السيراتو و الافيو و خبراء السيارات بالمنتدى يفيدونا

يانهار ابيض صيني ؟؟؟!!!
شكرا جزيلاً للردود..

الأفيو مش صينى الصينى هى الأوبترا الجديدة نيجى للأفيو علشان سؤال حضرتك هى مش وحشة هى عربية مدينة بكل المقاييس ابعادها compact جدا بحيث انها تسلك فى الزحمة وكذلك الركنة هتريحك اووى فى الحاجتين دول تكييفها مش وحش بالعكس لو مشحون بيسقع كويس جدا وفى المعظم الأوقات عمرى ما عملتها الا مرتين تعلى سرعة المروحة عن 2 الباور خفيف جدا ودى ميزة وعيب قطع الغيار الأصلى مش رخيص زى ما الناس ما بتقول وبرضو مش غالى بالنسبة لكونك بتعمل صيانة كل 10 الاف كم عيوبها بقى
صاج ضعيف فى مناطق معينة - مش بتاعت جرى لو انت مش متعود عليها وبلاش تعدى بيها 120 كتير - الباور فى المناورات ممكن يخونك -
خلاصة الكلام عايز عربية تمشى بيها جوه البلد وكذلك تسافر بيها انت واسرتك من غير جرى وفى نفس الوقت شنطة تعتبر واسعة يبقى هات الأفيو رغم انى انصحك تجيب شارك تانى فئة مستعملة نفس السعر تقريبا وفى الأخر القرار قرار حضرتك

زي ما الاخ قال
الاوبترا الجديده هي اي صيني
الافيو ليست صيني وهي سياره معقول جدا.بالنسبه للفئه السعريه هيا احسن من:
الفيرنا
اللانوس
الامجراند ( في كونها لها عيوب واهمها الصدأ) بعد سنه ونصف من شرائها
يعني لو الفلوس المتاحه ماتجيبش غير دول وانت عايز زيرو هتكون هيا احسنهم

شكرا على الردود.. هي فعلاً الأفضل في فئتها السعرية..

اول شئ الافيو مش صيني دي كوري تقفيل مصري
تاني حاجه في المجمل هي عربيه مش وحشه هي مناسبه جدا لشوارعنا وحجمها مناسب للركنات وصالونها مش ضيق
ميزيتها الحقيقيه ان قطع غيرها موجوده في كل مكان وباسعارونوعيات كتير وان الميكانيكا بتاعتها سهلة واي ميكانيكي يشتغل فيها بسهوله
اما عيوبها الاساسيه ان موتورها ضعيف شويه وعزمه بيقل جامد مع التكييف والعيب التاني الثبات وحش جدا بعد 120

واضح ان كل واحد بيدافع عن عربيته انها احسن عربيه فى العالم ؟طيب كلنا عرفنا ان الاوبترا صينى اسمها بايجون والميكروباص برده صينى اسمه n300 ؟عرفنا ان دول صينى خلاص ممكن حد يسبت ان الافيو كورى لان ببساطه مصنع دايو اتنقل من كوريا الى روسيا عام 2008 يبقى ازاى الاوبترا كورى دى بمل بساطه صناعه بلغارى ياريت محدش يقول كورى لان الكورى فعلا الكيا فقط وهيونداى اغلب مصانعها فى الصين والهند زى الفيرنا فرخة غبور الزهبيه كلها هنديه محرك وشاسيه وكله هندى ياجماعه مفيش حاجه دلوقتى كويسه فى السوق كله زى بعضه لوحد ركز هنلاقى اسعار العربيات الكيا اغلى من الهيونداى والاوبتر والافيو لان الكيا الوحيده اللى كورى والباقى اى كلام

اقتباس:

---

المشاركة الأصلية كتبت بواسطة mohamed desoky

واضح ان كل واحد بيدافع عن عربيته انها احسن عربيه فى العالم ؟طيب كلنا عرفنا ان الاوبترا صينى اسمها بايجون والميكروباص برده صينى اسمه n300 ؟عرفنا ان دول صينى خلاص ممكن حد يسبت ان الافيو كورى لان ببساطه مصنع دايو اتنقل من كوريا الى روسيا عام 2008 يبقى ازاى الاوبترا كورى دى بمل بساطه صناعه بلغارى ياريت محدش يقول كورى لان الكورى فعلا الكيا فقط وهيونداى اغلب مصانعها فى الصين والهند زى الفيرنا فرخة غبور الزهبيه كلها هنديه محرك وشاسيه وكله هندى ياجماعه مفيش حاجه دلوقتى كويسه فى السوق كله زى بعضه لوحد ركز هنلاقى اسعار العربيات الكيا اغلى من الهيونداى والاوبتر والافيو لان الكيا الوحيده اللى كورى والباقى اى كلام

---

الف شكر لرد حضرتك
بس انا ماعنديش افيو اصلا علشان ادافع عنها
ايا كانت الافيو كوري ولا لأ انا قلت لو انت عايز تجيب زيرو اوتو وآقصى الفلوس كده هيا احسن من الفيرنا واللانوس والامجراند.............
اعتقد مافيش عربيه ثانيه في الرينج ده اي حاجه ثانيه هتكون اعلى من كده بكتيير
بالتوفيق

اقتباس:

---

المشاركة الأصلية كتبت بواسطة رامي مصطفى

الف شكر لرد حضرتك
بس انا ماعنديش افيو اصلا علشان ادافع عنها
ايا كانت الافيو كوري ولا لأ انا قلت لو انت عايز تجيب زيرو اوتو وآقصى الفلوس كده هيا احسن من الفيرنا واللانوس والامجراند.............
اعتقد مافيش عربيه ثانيه في الرينج ده اي حاجه ثانيه هتكون اعلى من كده بكتيير
بالتوفيق

---

كل عام وانتى بخير صديقى رامى انتى عارف ان مهمتنا نقول ايه الافضل فى السوق وبننقل تجارب وخبرات لبعض وبنقول النصيحه لوجه الله وبس ؟ انتى عارف موضوع فيتيس النيسان الجوك الفيتيس الاوتو بيبوظ بسرعه والتوكيل بيتهرب من المسئوليه ودى نيسان يعنى اسم كبير ؟علشان كده لازم اللى يشترى عربيه اوتوماتيك يشترى ماركات كبيره زى الالمانى واليابانى ؟كلنا بنحب الاوتوماتيك ونفسنا فيه بس حرام ادفع كتير فى عربيه وبعد سنه او اتنين اغير فيتيس بكام الف ج ؟ وابقى زبون فى التوكيل وكل مده كام الف ج لحد ماوصل لتمن عربيه غاليه يابانى او المانى يبقى خلينى من اولها احسن واركب منول اى عربيه هتمشى لكن اوتوماتيك لازم عربيه محترمه وشكرا

ربنا يباركلك والف شكر على النصيحه.بس علشان تجيب الماني اقل حاجه ١٧٠ الف ومش منتشره التوليدو.يبأى الالماني فوق ٢٠٠٠الف!!!!!!!!
كل سنه وحضرتك طيب

العربيه صينى اسمها baojun 630 موديل 2011 ومحطوط عليها علامه شيفروليه ونازله على انها 2016
وتسال الدعم بتاع شيفروليه يقولك اصلها تصنيع جنرال موتورز الصين

وبلاش ايمجراند ادخل على موقع اولكس هتلاقى مصر كلها بتبيعها بخسارة

اقتباس:

---

المشاركة الأصلية كتبت بواسطة Mohamed Desoky

كل عام وانتى بخير صديقى رامى انتى عارف ان مهمتنا نقول ايه الافضل فى السوق وبننقل تجارب وخبرات لبعض وبنقول النصيحه لوجه الله وبس ؟ انتى عارف موضوع فيتيس النيسان الجوك الفيتيس الاوتو بيبوظ بسرعه والتوكيل بيتهرب من المسئوليه ودى نيسان يعنى اسم كبير ؟علشان كده لازم اللى يشترى عربيه اوتوماتيك يشترى ماركات كبيره زى الالمانى واليابانى ؟كلنا بنحب الاوتوماتيك ونفسنا فيه بس حرام ادفع كتير فى عربيه وبعد سنه او اتنين اغير فيتيس بكام الف ج ؟ وابقى زبون فى التوكيل وكل مده كام الف ج لحد ماوصل لتمن عربيه غاليه يابانى او المانى يبقى خلينى من اولها احسن واركب منول اى عربيه هتمشى لكن اوتوماتيك لازم عربيه محترمه وشكرا

---

baojun 330

http://www.carnewschina.com/wp-conte...455.jpg?756232

Chevrolet Sail

https://images.cardekho.com/images/c...inen-Beige.jpg

:backtotopic::backtotopic::backtotopic::shine[1]::shine[1]::shine[1]:

اقتباس:

---

المشاركة الأصلية كتبت بواسطة colin chapman

baojun 330

http://www.carnewschina.com/wp-conte...455.jpg?756232

chevrolet sail

https://images.cardekho.com/images/c...inen-beige.jpg

:backtotopic::backtotopic::backtotopic::shine[1]::shine[1]::shine[1]:

---

السلام عليكم ورحمة الله وبركاته تسلم ياكولن وكل عام وانتى بخير ايوه كده هات لينا الصور واكشف الحقيقى لكل الناس ربنا يبارك فيك ويديك الصحه ياكولن

قولت من الاول صيني ومحدش صدق
ده احنا حته في رمضان والفتي حرام
كل سنه وانتم طيبين ويعود عليكم الايام بخير

الأفيو أساسها وتصميمها الأصلي كوري 100%..

كونها بقت تتصنع في أماكن تانية ما ينفيش إنها كوري.. على عكس النيوأوبترا اللي تعتبر عربية صينية 100%.

من وجهة نظري.. الأفيو يعيبها كذا حاجة..

أولا.. الصدأ... كل عربيات الأفيو تقريبا بيجيلها بارومة في الرفارف من تحت.. وبعض الناس اشتكت من بارومة في السقف عند البربريز الأمامي (بنتكلم على عربيات عمرها لا يتعدى 3-4 سنوات).

ثانيا... التكييف... أول حاجة بتبوظ في العربية هي كمبريسور التكييف.. العيب ده بالذات مشهور عن عربيات جنرال موتورز عموما.. والأفيو خصوصا... وأنا أعرف ناس غيروا كمبريسور في عربيه آفيو كان عمرها لا يتجاوز 4 سنوات.

ثالثا... السلامة وقوة الهيكل... الآفيو زي اللانوس.. عربيات لا تأمن على نفسك فيها في الحوادث إطلاقا وبتتحول لكتلة من الصاج المكرمش مع أقل اصطدام.

رابعا... العربية من تصميم وإنتاج جنرال موتورز... وده لوحده يخليك ما تفكرش فيها كعربية زيرو ممكن تعيش معاك لمدة أطول من 3 سنوات... ناهيك عن كم المشاكل اللي هتجيلك لو اشتريتها مستعملة...

عربيات جنرال موتورز من أسوأ العربيات في العالم.. وخصوصا المصممة في دايوو (سابقا).


...

اقتباس:

---

المشاركة الأصلية كتبت بواسطة borio1704

الأفيو أساسها وتصميمها الأصلي كوري 100%..

كونها بقت تتصنع في أماكن تانية ما ينفيش إنها كوري.. على عكس النيوأوبترا اللي تعتبر عربية صينية 100%.

من وجهة نظري.. الأفيو يعيبها كذا حاجة..

أولا.. الصدأ... كل عربيات الأفيو تقريبا بيجيلها بارومة في الرفارف من تحت.. وبعض الناس اشتكت من بارومة في السقف عند البربريز الأمامي (بنتكلم على عربيات عمرها لا يتعدى 3-4 سنوات).

ثانيا... التكييف... أول حاجة بتبوظ في العربيةةهي كمبريسور التكييف.. العيب ده بالذات مشهور عن عربيات جنرال موتورز عموما.. والأفيو خصوصا... وأنا أعرف ناس غيروا كمبريسور في عربيه آفيو كان عمرها لا يتجاوز 4 سنوات.

ثالثا... السلامة وقوة الهيكل... الآفيو زي اللانوس.. عربيات لا تأمن على نفسك فيها في الحوادث إطلاقا وبتتحول لكتلة من الصاج المكرمش مع أقل اصطدام.

رابعا... العربية من تصميم وإنتاج جنرال موتورز... وده لوحده يخليك ما تفكرش فيها كعربية زيرو ممكن تعيش معاك لمدة أطول من 3 سنوات... ناهيك عن كم المشاكل اللي هتجيلك لو اشتريتها مستعملة...

عربيات جنرال موتورز من أسوأ العربيات في العالم.. وخصوصا المصممة في دايوو (سابقا).


...

---

السلام عليكم ورحمة الله وبركاته كل عام وانتى بخير يا باشمهندس شكرا لمعلوماتك القيمه

فعلا العربيه من بدايه تصميها كوري وكان بينزل منها نسختين الي هي التجميع المصري والكوري لحد ما بقت بتتجمع فقط في مصر
وبعدين مفيش عربيه مفيهاش مشاكل حتي الالماني الي بتقول عليه اتفرج علي كم مشالكل الفتيس في فولكس وسكودا a7 لدرجه انهم رجعو ينزلوها بالفتيس والموتور القديم تاني بعد كتر المشاكل الي في الفتيس