سؤال فى تكيف السراتو 2016 مع ال rpm

السلام عليكم, انا معايا سيراو 2016 و لاحظت اداء غريب مع الكيف فى السلانسية, حكيلكو عليه

لاما العربية فى السلانسيه و سخنة بيكون rpm تحت الشرطة الثالثة الى تحت الواحد, لمل بشغل التكييف على مروحة واحد او اتنين الربى ام بيرفع سنة صغيرة بس برضو لسة تحت الشرطة الثالثة الى قبل الواحد, لكن (و ده الغريب من وجهة نظرى), لما مروحة التكيف تبا على 3 او 4 ال rpm بيرفع فوق الشرطة الثالثة و يبا قريب من واحد طبعا الكلام ده و انا فى السلانسية, هل دى مشكلة عندى و لا ده طبيعى يا اهل السيراتو الشكل الجديد, مع العلم العربية لسه زيرو عملة 2200 كيلو و ضمان الوكيل, فا عاوز افهم هل ده طبيعى و حد جربه عنده و بيحصل كده؟؟

طبيعي خالص وما تقلقش

الكمبريسور بتاع التكييف في السيراتو من الأنواع المتقدمة اللي بتغير سعته (حمل التبريد) على حسب طلبك..

وفي المقابل.. كل ما تزود درجة في التكييف عندك الحمل على الموتور بيزيد شوية وده يستلزم إن الموتور يزود البنزين وكمان يرفع الدوران علشان تاخد تبريد كافي من التكييف بدون ما الموتور يقف... وهتلاحظ كمان إنك لو جبت التكييف على 1 مدة طويلة شوية هتلاقي الكمبريسور بيشتغل شوية ويفصل شوية... والموضوع ده بيحصل على 2 بس بمعدل أقل بكتير .. ومش موجود خالص في 3 ولا 4.


زمان... العرببات المكيفة ما كانش فيها الكمبريسور المتغير ده... وبمجرد ما تشغل المكيف تلاقي الموتور رفع الدوران وثبت على كده.


...

طيب الكمبريسور المتغير دا مجود بس في الشكل الجديد ولا موجود في موديلات 2012 كمان ؟؟؟

اقتباس:

---

المشاركة الأصلية كتبت بواسطة fddf512

طيب الكمبريسور المتغير دا مجود بس في الشكل الجديد ولا موجود في موديلات 2012 كمان ؟؟؟

---

أتوقع يكون موجود.. بس مش متأكد بصراحة.

لو لقيت دوران الموتور بيتغير حسب درجة التكييف يبقى الكمبريسور متغير السعة.


...

اقتباس:

---

المشاركة الأصلية كتبت بواسطة borio1704

طبيعي خالص وما تقلقش

الكمبريسور بتاع التكييف في السيراتو من الأنواع المتقدمة اللي بتغير سعته (حمل التبريد) على حسب طلبك..

وفي المقابل.. كل ما تزود درجة في التكييف عندك الحمل على الموتور بيزيد شوية وده يستلزم إن الموتور يزود البنزين وكمان يرفع الدوران علشان تاخد تبريد كافي من التكييف بدون ما الموتور يقف... وهتلاحظ كمان إنك لو جبت التكييف على 1 مدة طويلة شوية هتلاقي الكمبريسور بيشتغل شوية ويفصل شوية... والموضوع ده بيحصل على 2 بس بمعدل أقل بكتير .. ومش موجود خالص في 3 ولا 4.


زمان... العرببات المكيفة ما كانش فيها الكمبريسور المتغير ده... وبمجرد ما تشغل المكيف تلاقي الموتور رفع الدوران وثبت على كده.


...

---

شكرا لحضرتك, طمنتى كاعادة حضرتك, اما بالنسبة للموديل القجيم انا كان عندى سيراتو 2010 و مكنشى فيها الموضوع ده, كان rbm ثابت مش بيتغير مع سرعة المروحة التكييف الداخلية

الموضوع ده طبيعي جدا
حتى لو الار بي ام رفع 100 او 200 لفة في الدقيقه مع الكمبريسور ده عادي جدا

ده عادى جدا ى موجوده من 2014 او 2013 لغايه 2016 ده عادى جدا التكيف متقلقش خالص اهم حاجه التكيف شغال كويس عندك

س : ما هى اسباب ارتفاع ال rpm فى موديلات السيراتو على السلانسية ؟
1- عند تشغيل الانوار العالية
2- عند تشغيل المكيف

واعتقد ان السبب ليس الكباس ولكن هي علاقة طردية بين الحمل الكهربي وحساس البوابة

عادي جدا بيحصل عندي في النوبيرا وحتي لما بارفع الزجاج ال rpm بيعلي

مفهاش اى حاجه انتو نسيتو موضوع الحساس المرتبط بين الموتور والتكيف العربيه وله ايه