-
تخسيس مع حوارق الدهون
السلام عليكم
انا جديدة عالمنتدي فأرجو الا تخذلوني في اول مشاركة
انا سيده وربة منزل وزني لحد 3 سنوات كان معقول وبعدين لأسباب صحيه التهاب مفاصل وحاجات عظام كده حركتي قلت جدا زدت فيهم كتير لحد ماوصلت 100 ك والدكاترة طبعا كل اللي عليهم خسي
انا اكلي صحي الي حد كبير مفيش عشا او بالكتير زبادي ومفيش مقليات ولا دهون وحلويات مقننة جدا .. يعني مشكلتي في حرق الدهون
قريت كذا موضوع هنا عن ال fat burners . لكن لقيت كل الناس اللي بتستعملها شغل كمال اجسام وحاجات كدة
انا عندي مشاية في البيت بس ما بقدرش امشي عليها كتير
هل فيه حاجه تساعدني ان شالله انزل 5 ك في الأول يعني تنقي الدفعة الأولي كدة وخاصة ان الحرق بعد الأربعين بيقل طبيعي في الجسم
شكرا مقدما
-
السلام عليكم
تحياتي لحضرتك، و تمنياتي بالتوفيق
طبعا و من باب الامانة في النصيحة انصحك باستشارة طبيب اذ قد يتطلب الامر تحليل للغدة الدرقية و يفضل المتابعة مع طبيب بصفة عامة قبل تعاطي اي دواء
اما بالنسبة للوصفات الطبيعية الحارقة للدهون فما اكثرها و تنوعها...و آخر معلومة سمعتها ان الصمغ العربي مفيد للصحة بصفة عامة و يساعد على حرق الدهون سيما دهون البطن...يمكنك البحث عن ذلك في جوجل و ايضا استشارة طبيب
-
شكرا أستاذ سامي يوسف
انا عملت تحاليل الغده وكله تمام الحمد لله انا بتكلم علي أشياء مساعده
ارجو من المتخصصين في المجال المساعده
-
السلام عليكم ورحمة الله وبركاته اختى انا كنت لاعب كمال اجسام وكنت فى يوم بطل جمهوريه ناشئين ؟المهم الفات برنر مش هيجب نتيجه من غير نظام غزائى متوازن وكتلة جسم الرجل غير الست الرجل حرق الدهون اعلى من النساء والهيكل العظمى للرجل اثقل من النساء على العموم فى تفاصيل كتير لكن علشان الوزن ينزل لازم عضلات الجسم تحرق الطاقه المخزونه اولا خلال 20 دقيقه الاولى وبعد كده يبدق الجسم يحرق الدهون ؟خلاصة الكلام لو حضرتك بتصومى حاولى تتمشى كل يوم نص ساعه فى الشارع او على المشايه المنزليه او العجله الثابته يعنى دايما تبزلى مجهود عضلى بدون دخول طعام للجسم فى رمضان او الايام العاديه واستعملى كابسولات اورليستات كبسوله واحده مع الاكل اللى مليان زيوت او دهون وسط الطعام وابعدى عن السكريات والحلويات لان الكارثه فيهم وخلى بالك من كلامى بدون مجهود عضلى مش هتخسى خالص وشكرا
-
Content Relevant URLs by
vBSEO 3.6.0 PL2