رعشة في العربية و في عصاية الفتيس حد يفيدني بالله عليكم

**Mahmoud_eng** · 04-06-2016 01:03 PM

السلام عليكم ورحمة الله وبركاته
مشكلة حصلت كده فجأه في العربية
العربية :ياريس 2009 1300cc مانوال
علي بعمل صيانتها و مظبطها و فجأه كده رعشه مع تشغيل التكييف من 3 ايام حتي لو مش دايس بنزين اساسا و ممور العربية وبتجري بالقصور الذاتي
وانهارده الموضوع بقي ضعف كمان في السحب
يرجي الافادة ولكم جزيل الشكر و بارك الله فيكم
وكل عام وانتم بخير
وانا موجود لاي استفسارات

دي اخر صيانات تمت للعربية والمشكلة ظهرت بعدها
صيانات العربية الجمعة 20-5-2016
غسيل بوابة
تغيير فلتر الهواء
تغيير بوجيهات
تغيير مياه الريداتير

بتاريخ24-5 تم تغيير زيت فتيس بالكامل
تغيير فلتر و زيت الموتور

**ahmed_eng2001** · 04-06-2016 02:12 PM

لفات الموتور بتعلى مع تشغيل التكييف و لا لأ .... اخبار قواعد الموتور ايه ؟

**mosaad mohsen** · 04-06-2016 02:25 PM

هنبص علي قواعد الموتور اولا ونشوف الهوا علشان لو الهوا مش مظبوط بيرج الموتور وبيقطع القواعد بتعته الهوا الي داخل للماتور نشوف الحساس بتاعه علشان لو مش بيدخل هوا مظبوط للماتور بيرجه

**Mahmoud_eng** · 05-06-2016 01:38 AM

هجرب وارد عليكم
ربنا يجازيكم خير

**Mahmoud_eng** · 07-07-2016 07:43 PM

بسم الله الرحمن الرحيم
كل عام وانتم بخير

الميكانيكية دوخوني خلاص ودي اخرة اللي يسيب نفسه ليهم
انا هستعرض اللي تم واللي وصلتله والحمد لله رب العالمين
غيرت بوجيهات تاني
وغيرت فلتر بنزين
و غيرت طلمبة بنزين
و فكيت البوابة وغسلتها وركبتها تاني
وفكيت الرشاشات ونظفتها تمام
تم اضافة منظف رشاشات مع البنزين ماركة abro امريكي
فكيت حساس الكرنك و نظفته
فكيت كمبيوتر العربية ونظفته ونظفت الوصلات كويس جدا بالاسبراي AKAI
كان عندي تسريب زيت من حساس الكامة و انتهي خلاص وكله تمام
تم تربيط عفشة
تم عمل ترصيص لفردتين امامي

وعلي فكرة انا بشيل فيشة الاربع موبينات الخاصة بالبوجيهات و بشيل فيشة كل رشاش بيبرجل العربية و ده دليل علي انهم شغالين و مش فاصلين بس مش عارف اداءهم كويس ولا مش كويس

الحال دلوقتي بعد كل المصاريف و الشغل ده
الرعشة موجودة
ويوجد تقطيع وتنتيش
عداد ال RPM في السلانسيه وبعد ما تسخن العربية بيكون مش ثابت بس طالع من 580 الي 680 ويقترب من متوسط 650 باختباره لوقت طويل مع العلم ان المعدلات دي بالكمبيوتر وصحيحة مش تقريبية

ال RPM بيخرف دلوقتي وبيعلق فوق
فكيت البوجيهات بعد 1000 كيلو او اقل قليلا لقيتها محترقة من عند السيراميك عند الشرارة و علي القلاووظ
اظن ان الزيت علي القلاووظ ده سببه مطلوب تغيير جوان وش التكيهات و جوان البوجيهات وده مش مهم
لكن الحرق اللي عند مكان عمل الشرارة ده اظن وياريت تفيدوني سببه من تعليق البوابة وبالتالي تعليق عداد ال RPM وبالتالي دخول كميات هواء اكبر

اظن ان اللي فاضلي تغيير رشاشات او تغيير بوابة
افيدوني افادكم الله انا زهقت

واسف للاطالة

**hopeless20** · 10-07-2016 11:18 AM

السلام عليكم

أنا كان عندي مشكله زي دي من 5 سنين ... وبعد ما دوخت وعملت الي انت عملته ده كله ... طلع العيب في الكابلات الي ما بين الموبينه والبوجيهات ... وطبعا ده بعد ما غيرت البوجيهات مرتين والموبينه نفسها كمان.

ومقولتلناش أخبار قواعد الموتور ايه ؟

**Mahmoud_eng** · 11-07-2016 12:18 AM

انا نسيت فعلا اقول اني غيرت قواعد الموتور

وبالنسبة للكابلات او بمعني اصح سلك البوجيهات
انا معنديش سلك بوجيهات في الياريس
ولكن عندي موبينة خاصة بكل بوجيه منفردا علي حدا

ولا حضرتك تقصد حاجه تانيه وانا فهمت غلط؟؟!!

**hopeless20** · 12-07-2016 09:55 AM

أه انا نسيت فعلا ان كل بوجيه ليه موبينه خاصه بيه .. مع ان الياريس معايا بقالها 5 سنين :d :d
أنا اقصد الموبينه .. الي انت بتتكلم عنه ده حاسه اكتر مشكله في الكهرباء