تكييف تويوتا كرولا جنوب أفريقي

**abeer.elkhouly** · 04-06-2016 08:07 PM

السلام عليكم

انا عربيتي تويوتا جنوب افريقي
عندي مشكلة في تكييف العربية ... كان الأول ساعات بيفصل لو وقفت لفترة طويلة في اشارة و بعدين من كام يوم فصل خالص ... مرة او مرتين بس اشتغل و كان باليل . رحت لحد بتاع تكييف قال لي كمبروسير و سربنتيتنة. و بعدين لقيت حد هنا كان عنده نفس المشكلة و واحد بس قال له كنترول فالف . انا اتصلت بالرقم اللي كاتبه طلع غلط.

يا ريت لو حد يقدر يفيدني ، و هل في التوكيل عارفين موضوع الكنترول فالف ده و لا برده هيقولوا كمبروسور و اعمل ايه؟

**abeer.elkhouly** · 05-06-2016 01:39 AM

ليس هناك من يساعدني؟

**mosaad mohsen** · 05-06-2016 02:13 AM

بصي هو التوكيل هيحل المشكله اينكانت واكيد عنهم فكره عن الكنترول فالف بس هيكون التكلفه في التوكيل عليه شويه في اقتراح انك تروحي لحد تاني بتاع تكيف وشوفي هيقولك نفس الكلام ولا عيب تاني غير الكمبروسر لو نفس الكلام روحي التوكيل لانك هتركبي كده كده الكمبروسر الاستندر بتعها والفرق هيكون قليل مش كتير عن بره بس الي هيفرق ضمان التوكيل او ممكن تروحي التوكيل يكشف عليه وانتي مع مهندس الاستقبال قليله متركبش حاجه الي لما ترجعلي وتشوفي ايه العيب وتكلفته وتقرني انا كان معايه كرولا جنوب افريقي 2008 بس مقبلتنيش مشكله في التكييف المشكله بتعتها في الفتيس وكنت بصلحها في التوكيل علي حسبهم علشان 2008 جنوب افريقي في عيب في الصناعه ولما تروحي توكيل روحي تويوتا ايجيبت متروحيش لوكيل علشان هناك ممكن تكشفي علي للعربيه ولو مش هتركبي الحاجه زي الكمبرسر كده ممكن متدفعيش حاجه ولو حضرتك بتعملي صينتك في التوكيل انتي ممكن تعملي التكيف ببلاش تروحي التوكيل الي بتعملي فيه الصيانه وتثبتي ان العربيه كانت عندهم اخر دورة صيانه ليها بالفتوره بالرخصه بتكون متسجله عندهم وقللهم انك عمله اتشك علي العربيه كلها وخلال ال10000 كم الي لسه مخلصوش حصلت المشكله ديه وهما مقلوش ليكي انك عندك مشكله في التكييف ومش متسجل عندهم في جوب العربيه وده غلط راجع ليهم فا بتحمليهم المسؤليه وبيعمله علي حسبهم
وعلي فكره كلامي عن تجربه مش كلام وخلاص اكتر عربيه اعدت معايه مده طويله وعارف حجات كتير فيها فا جربي الي قولت عليه من حلول وشوفي الي ينسبك وان شاء الله خير

**mosaad mohsen** · 05-06-2016 02:27 AM

انا كتبت ده كله هههه مع اني بكتب ةن تيلفون اسف علي الاطاله اصل العربيه ديه انا شقيت فيها اوي فا يمكن بطلع غلي
علي العموم ابقي قوللنا عملتي ايه

**abeer.elkhouly** · 05-06-2016 11:15 AM

السلام عليكم
كل سنة و حضرتك طيب و رمضان كريم
اولا انا باشكر حضرتك جدا على الاستفاضة ده و آسفة ان حضرتك كتبت و انت سايق بس بجد شكرًا جزيلا.
هي العربية عندي ٢٠٠٩ و ماكنتش باستيك منها خالص و الله لحد اول تعديل للفتيس ، رحت لهم بعدها خمس مرات أقول لهم رجعولي القديم اما ما كنتش حاسة بحاجة ... المهم فضلوا يعدلوا لحد اخر تعديل من حوالي شهرين او تلاتة ده رجعت زي الاول ( غالبا رجعولي بتاعي) . انا بأعمل كل صياناتها في التوكيل و اخر مرة ده لما عملوا تغيير الفتيس بالكامل المهندس قال لي انا حاسس ان فيه حاجة في التكييف و هانشوف يمكن فلتر هواء ، قلت له أني غيرته قال لي هانشوف و بعدين رجع قال مفيش حاجة و انا ما كنتش حاسة بالمشكلة ساعتها.
المهم اديني رايحة التوكيل و هاشوف و ابلغ حضرتك
ربنا يسهل و تتحل من عنده