الموضوع: مشكلة تقطيع ونتش في مونديو ٩٨

رشاشات انجكشن....فلتر بنزين....رواسب في النتك...علب الشكمان...
راجع علي الحجات دي

شكرا لكم جميعا على سرعة الرد
ان شاء الله هجرب كل الحلول وهعرفكم النتائج

المشاركة الأصلية كتبت بواسطة salam100100

المونديو دى عربيه محترمه جدا- وكنت بعشها اول منزلت
عندى اساله:

هل العربيه سخنت جامد وبعد كدا ظهرت المشكله ؟ انا شاكك فى ان ممكن يكون الكبس بتاع الموتور بيهرب بسبب جوان وش السيليندر

دا ممكن يكون السبب

طيب هل التقطيع دا مستمر؟
لو لا, هل بيزيد مع السرعه؟
هل مثلا ظهرت بعد ممونت من محطه معينه؟ ممكن يكون عيب بنزين
هل لمبه الcheck engine منوره؟ لو نعم- كشف الكومبيوتر بيقول ايه؟
ممكن من شكل البوجيهات القديمه نستنتج حاله المحرك

الاحتمالات كتير جدا فى الموضوع دا
فالعموم اى عربيه محتاجه هواء وبنزين وشراره واجزاء ميكانيكيه عشان تمشى

انا عارف كلامى يبان انه اهبل لكن هى الحقيقه, ولمعرفه المشكله فين... للاسف اغلب الميكانيكيه متعلموش ازاى يفكروا- علطول يغير ويجرب ويصابت ياخابت

حضرتك محتاج توضح اكتر وتشرح ايه اللى بيحصل معاك عشان نساعدك

أولا بشكرك جدا على تفاعلك مع الموضوع
العربية عمرها ما سخنت معايا... والتقطيع ده ظهر فجأة بعد ما العربية غرزت مني جامد وانا قرصت عليها لغاية ماشميت ريحة الاسطوانة فكان ظني ان التنتيش ده من الاسطوانة وبالرغم ان غيرت الديسك والاسطوانة مازالت المشطلة موجودة .... الرعشة والتنتيشة دي بتروح شوية لما بكبس بدواسة البنزين على الاخر يعني بجيب اخر الدواسة هنا بحس ان التنتيشة بتروح شوية بس بحس ان العربية مكتومة جدا بعد وقت طويل من الدوس على دواسة البنزين احس ان العربية بدأت تسحب معايا

السلام عليكم
انا بالفعل غيرت فلتر البنزين ونضفت التانك والمواسير ... وكمان اتأكدت من نضافة الرشاشات ولا زالت المشكلة زي ما هى
التقطيع على كل الغيارات والسرعات والعربية مخنوقة ومعاها تقطيع برجة جامدة في العربية
العربية لازم اسايسها على الاخر ولو دوست شوية على دواسة البنزين تقطع لو حبيت اجري بالعربية من غير تقطيع لازم اجيب اخر دواسة البنزين
ارجوكم ساعدوني في الحل