معلومات عن سيارة ابيزا 94

**احمد شاكر** · 07-06-2016 02:47 AM

السلام عليكم

انا الحمد لله نويت اشتري عربية ابيزا 94 ويكون فيها تكييف وحالتها كويسة، هي هتبقي اول عربية ليا فكنت عاوز اعرف ايه مميزاتها وعيوبها وهل هي عربية اعتمادية ولا لا وسعرها يعمل كام دلوقتي ممكن حد يقولي رنج الاسعار، وهل في سيارات تانية ابص عليها ممكن هاتش باك او سيدان في نفس الفئة معاها

شكرا مقدماً

**mosaad mohsen** · 07-06-2016 04:05 AM

السلام عليكم
الاببزا جميله بس المشكله عندنا في مصر العربيه متهانه شويه مع الشباب سحب وشد وجري بتخدها شكل وبس دور علي حاجه اساسيات كويسه ومتجبش موديل اقل من ال94 علشان لحد 93 سيستم برش هيتعبك في قطع الغيار
اعتمديه الي في نفس البزيشن بتعها الجولف 2 والسيتروين zx دول هتلقيهم مش متهنين زي الابيزا واعتمادين وهتش باك.
والف مبروك مقدما

**احمد شاكر** · 07-06-2016 06:35 AM

تمام، طيب ولو سيدان في نفس الفئة يبقي ايه وياريت لو حضرتك تقولي سعرها في حدود كام

**mosaad mohsen** · 07-06-2016 11:28 AM

المشاركة الأصلية كتبت بواسطة احمد شاكر

تمام، طيب ولو سيدان في نفس الفئة يبقي ايه وياريت لو حضرتك تقولي سعرها في حدود كام

لو سيدان هنتكلم عن الهيونداي اكسيل ومش بحبها ولا انصحك بيها وديه اسعارها بتبداء من 28000 الي 40000 جم وبنرجع للحاله ومش بنصحك بيها .
انا اعشق الاوربي عربيه تصونك تمنها في مميزتها اكتر من ممتازه والاسعار ديه علشان تجيب بيها حاجه من المشهوره او الي وخده سمعه اصل العربيات في مصر سعرها مش مقياس للميزات والعيوب الي فيها لا في مصر بيرجع السعر للسمعه للاسف يعني عربيه زي الاكسارا 2 تحفه ورفهيه جميله ووسعه جدا
وعربيه شيك جدا وسعرها من 37000 الي 50000 جم حسب الموديل والحاله وكلها الفنات
وعربيه 1600 cc اتنين كامه موفره في البنزين عربيه اعتماديه جدا وانصحك بيها وعلي فكره انا كنت ركبها ومازلت مع السيتروين علشان مش هعرف اركب غيرها .
في حجات كتير وانصحك بلاش صيني ولا كوري
خليك مع اليباني لو عاوز عربيه قويه لو حابب الرفهيه والقوه يبقي الاوروبي وخلي بالك هتقابل
اعتراضات كتير من الناس علي الاوربي هقولك خلي اختيارك من دماغك بلاش تسمع كلام الناس شوف العربيه الي هتجبها اسئل علي قطع غيرها ميكانيكيتها سعرها عند البيع ده سيبه علي الله
دي ارزاق مش لازم تكسب ومش لازم تخسر وبيرجع سعر البيع ليك بتحافظ علي العربية هتصونك طول ما هي معاك وتتباع مرتاحه هتهنها هتتعبك وهتكره اليوم الي هتركب فيه عربيات وهتبعها لو ببلاش سعتها.
وانشاءالله ربنا ييسرلك.

**a.mahmoud5** · 28-06-2016 02:24 PM

طيب ممكن اعرف انهى افضل الفورد اسكورت ولا السيات ابيزا من ناحية الشغل والكماليات

**aserasad** · 28-09-2016 04:55 AM

بسم الله الرحمن الرحيم
ابيزا من عربيات المحترمة الا اثيتتلى انها قوية كفية انك لما تكون واقف فى شارة على بحر وواحد معاه لوجان او نيسان موديل السنة انتا تطلع منه مع علم مكنة 1300 سى سى مش بس كده عربية تحفة فى غرز وفرامل قوية جدا و بتجيب لحد 160 مع علم مكنة 1300 انا من مالكى الابيزة عايز تجبها جبها بس فى حاجات اساسية انصحك بيها اوع تجيب مكنة 1000 الافى 98 فاشلة افضل مكنة مكنة 1300 و 1400 انجكشن و انصحك تحطلها بنزين 92 بيفرق كثير و زيت كاسترول افضل زيت لمكن بيزا عربية زى ما قو زميلنا اى عربية هتهنها هتهينك حتحترمها حتحترمك قطع غيار على حسب استهلاكك يعنى اه يعنى انتا مش تبهدل عربية سفر و تعد كيلوات وتقلى دى بتاكل تيل مثلا او تسففها مطبات وتقلى دى عفشة و حشة كلام مش صحيح عربية استهلاك يعنى بتستهلك كثر حتدفع اكثر اكيد دى معادلة معروفة جديدة او قديمة يعنى مثلا معايا لوجان موديل سنة تيل اتغير على 10 الف انا عملتهم فى 3 شهور ده استهلاكى و بيختلف من شخص للتانى مع علم عربية جديدة بالمثل بلنسبة للمكنة و باقى قطع غيار عايز عربية رفاهية وثبات على سرعات عالية و سحب كويس هات ابيزا عايز عربية اعتمدية و سحب متوسط هات يابانى لانسر او سويفت و اهم حاجة فى القديم كله البارومة و مكنة باقى تقدر عليه (عفشة ) وربنا يوفقك