تقييم النوبيرا 2008 داخل على ال 3000 كيلو قيادة
السلام عليكم ورحمة الله وبركاتة
حبيت اقول للناس تقييمى للعربية عند 3000 كيلو تقريبا
انا عارف ان النوبيرا معروفة بس قولت اكتب التقييم يمكن فى حاجة مختلفة فى الموديل دة
اولا: بالنسبة لشكل العربية طبعا معروف ومفهوش اى تغيير اطلاقا عن 2007 و 2006 وخلافة ولا حتى 2009 الصالون واسع جدا ورا وقدام ..الكاسيت سى دى كينود نضيف جدا
ثانيا:اول ما تركب العربية وتقعد على الكرسى هتلاقى راحة غير عادية (انا عندى نيسان صنى 2008 مش بستريح فى قعدتها) التابلو كبير وطويل وواخد لفة كدة بومباى الدركسيون مريح جدا فى مسكتة وطري اللى حد ما . الكبوت بعيد ومستحيل تشوف اخرو
ثالثا: او ما ادور العربية تحس ان الموتور قوى (صوتو عالى سنة) هى النوبيرا كدة... تدوس بنزين على المور تسمع صوت وكانة وحش بسم الله ما شاء اللة قوى جدا..الشكمان صوتو مش ظريق تحس انك مركب ديفل وسئلت فى الموضوع دة قالولى عشان علبة الشكمان مصرى بس مفيش منها قلق طبعا هو الصوت عادى كدة
رابعا:عايز امشى بالعربية ..ادوس دبرياج (خفيف جدا جدا وقصير مش طويل) اجيب الاول الفتيس حلو مفهوش اى تقل (الا فى المارشدير سعات يبقى تقيل عشان العربية بتكون فى وضع مينفعش تجيب فى مارشيدير لازم تطلع سنتى قدام وتجيبو عشان يجى معاك)
العربية طلعت .. تحس انك ماشى سفينة .حجمها كبير جدا وتحس فعلا انها مش عملية خالص يعنى مينفعش تروح هنا وتيجى هنا لازم عربية اصغر شوية عشان العربية طويلة ..المهم تكبس بنزين شوية على الاول العربية غول ..ماشية وصوتها زى ميكون وحش من برة يعنى قبل كدة واحد صحبى شافنى وانا حارق شوية قالى صوتها جامد جبت التانى (الفتيس زى الفل) العربية عايزة تجرى اروح جايب تالت (بحب انقل بسرعة عشان البنزين وعشان بحافظ على العربية شوية بس سعات بتجنن هههههه)
المهم نيجى عند سرعة 100
العربية ثابتة جدا تحس انك مش ماشى اصلا و100 دى على الخامس اكيد
صوت الموتور ملهوش حس خالص ..تكبس شوية على الخامس تلاقيها نطط على طول على ال 120 بسرعة رهيبة والثبات هو هو بتاع ال 100
كبست تانى تلاقى العداد بيجرى اكتر (يعنى مفهاش موضوع تبقى تقيلة بعد ال 100 وكدة ) الموتور جباروت هههه
وصلنا لل 140 العربية بتثبت اكثر من الاول وكذلك فى ال 160 لحد 180 ودى اكتر سرعة جبتها فى طريق السويس
المهم لو ماشى 180 وجيت كبست فرامل جامد شوية العربية
تعووووووووووووووووووووم منك جامد ولازم تظبتها ودة عيب فى فرامل النوبيرا اصلا بس الموضوع دة مش مدايقنى لانى مش بمشى 170 او 180 كتير
وانت على ال 160 لو كبست تانى بس براحة مش جامد السرعة بتزيد بسرعة جدا ولو حد فكر يشد معاك على السرعة دى هو الخسران اكيد (بغض النظر عن السيفك والكرولا 2008 هههه)
خامسا : بالنسبة للعفشة مريحة جدا جدا مش بحس انى باخد المطب فى عضمى العربية لينة فعلا
سادسا : التكييف حلو جدا زى اليبانى بالظبط ساقع جدا وبسرعة بيسقع والغربية بقا اللى لاحظتو ان الموتور مش بيتاثر بالتكييف اوى يعنى مثلا بيسحب 10 فى المية من قوة الماتور
سابعا : السخونة طول عمرها تحت النص بشوية .. الباور جميل جدا وبحس انو بيتقل لو انا على سرعة عالية
بانسبة طبعا للعيوب اللى مدايقانى:
1 فرامل
2 ت الشكمان
3 تكييف لو شغلتو على اربعة تحس ان الدواسات تحتك فيها زنة شوية (بس الموضوع دة قالولى لان التكييف بيبقى فى اعلى قوتو والكومبروسر كبير فهتحس بيها )
4 فرامل اليد ضعيفة شوية هخليهم فى صيانة ال 5 يعملهوها ان شاء اللة
فى النهاية احب اقول انى سوقت فيرنا واوبترا وافيو وكليو
محستش فعلا انى سايق عربية محترمة غير فى النوبيرا
مش شكر فيها ولا حاجة عشان بتاعتى بس دة اللى حسيتو
ودى اراء
واسف للاطالة
شكرا
يرجى من العضو مراعاه صحة كتابة لفظ الجلالة
مشرف القسم
