الموضوع: لمبه engine مع P0420

ده كود خاص بكفاءه علبه البيئه

موش معنى كده ان علبه البيئه بايظه .. لان فيه اسباب كتير لظهوره قد لا تكون متعلقه بعلبه البيئه اصلا

اتأكد الاول ان مفيش كود ثانى ظاهر مع كود علبه البيئه .. لو فيه اكواد ثانيه ظاهره على الجهاز يبقى تصلح المطلوب اولا .. ثم تمسح كود علبه البيئه و تستعمل العربيه وتشوفه حيظهر ثانى ام ان المشكله اتحلت خلاص


بعض الاسباب
- نوعيه البنزين غير مناسبه .. طبعا بنزين 80 غير مسموح بيه علشان فيه رصاص
- حساسات موش مظبوطه خصوصا حساسات الاكسجين.. توصيلات كهربا للحساسات موش مظبوطه خصوصا حساسات
الاكسجين
- اى تسريب فى وصلات الشكمان ممكن برضه يسبب كده .. اوخروم فى الشكمان
- حساس حراره المياه تالف
- الاحتراق فى البساتم موش مظبوط سواء بنزين اكثر او بنزين اقل ممكن يسبب ظهور الكود ده .. او رشاشات موش كويسه
- توقيت الاشعال خاطى Misfire
- العربيه بتأكل زيت


الفكره العامه هى

ان اى حراره خارج النطاق المسموح بيه لعلبه البيئه ممكن يطلع الكود ده ..

طبعا بالاضافه الى السبب الرئيسى و هو استعمال بنزين به رصاص ( 80 ) .. استعمال بنزين 80 بيتسبب فى طبقه من الرصاص بتغطى مكونات علبه البيئه فلا تسمح بالتفاعلات المطلوبه .. و الطبقه دى بعد تكونها لن تزال مثلا بمشوار طويل زى الزيت مثلا .. لان درجه ذوبان الرصاص اعلى من درجه حراره الشكمان ( هذه الطبقه ستظل موجوده )

و فى النهايه لو كل شيئ سليم .. يبقى ممكن علبه البيئه اصبحت تالفه


اقرأ الروابط دى

P0420 Error Code: Catalyst System Efficiency Below Threshold (Bank 1)

The Misleading Nature of the PO42O Code - Eastern Manufacturing


فيديو
https://www.youtube.com/watch?v=9VZ5K8n5jj0

الف شكر على الجواب المفصل .. انا شيلت الكود مكنش فيه غيره ومشيت بيها شويه ومرجعش تانى هل فيها مشكله ولا كده تمام واكبر دماغى

المشاركة الأصلية كتبت بواسطة eng.mtalaat

الف شكر على الجواب المفصل .. انا شيلت الكود مكنش فيه غيره ومشيت بيها شويه ومرجعش تانى هل فيها مشكله ولا كده تمام واكبر دماغى

دى جاجه ترجع لك .. لو ما ظهرشى تانى اعتقد يبقى خلاص

بس الافضل للامان .. تخلى ميكانيكى يبص بصه على العربيه من باب الاطمئنان ان كل شيئ تمام و لو فيه شيئ يبقى تلحقه من اوله

و فى جميع الاحوال ما تخليش الميكانيكى يشتغلك .. مهما يقول فقط اسمع منه فقط و امشى بالعربيه فتره و راقب الشيئ اللى هو قال لك عليه .. لو مفيش مشاكل يبقى خلاص


الاكواد للاعطال ليها نظام معين بيتبعه الكمبيوتر قبل اظهار اى عطل .. موش بتظهر على طول بعد ما تشيلها للاكواد الغير خطره على تلف المحرك

( لو الكود غير خطر على تلف جزء اساسى فى المحرك ) .. لو الكود لسه موجود بيسجل العطل اولا بدون اضاءه اى لمبه خلال اول دوره قياده .. ثم بعد تانى دوره قياده لو لسه موجود ( Cycle ) بيظهر العطل ( اللمبه بتنور بصوره مستديمه ) .. لاعطال من النوع ده تتطلب صيانه فى اقرب قرصه مناسبه و لكن لا تمنع من استخدام السياره لحين عمل الصيانه المطلوبه

لو كود فيه خطوره مباشره تتسبب فى تلف المحرك .. فبيظهره مباشره من اول دوره قياده ( و لمبه الاعطال بتنور و تطفى زى الفلاشر للكود الخطر ) . ده يجب التوقف فورا عن استعمال السياره .. و معالجه سبب العطل

بالتوفيق ان شاء الله

و الافضل كمان للاطمئنان

ممكن برضه تروح لبتاع شكمان يكشف فقط .. يعنى مفيش تكلفه غير حاجه بسيطه

يعنى يشوف فيه تنفيس فى الوصلات .. او خرم فى الشكمان .. حساسات الاكسجين فيشها سليمه و السلوك واصله لفيشه الحساس و موش مقطوعه

و ممكن برضه يطمئنك على علبه البيئه