الهجرة في امريكا الجنوبية تشيلي ولا تقعد في مصر ؟

يا جماعة .. انا شاب 21 سنة .. من فترة شهرين او اكتر ... اتعرفت علي بنت من دولة تشيلي .. اكبر مني بسنة كدة ..بكلمها علي skype ... البنت اتكلمت معاها كتيرة .. و انا اكتشفت ان سكان امريكا الجنوبية و خصوصا تشيلي .. من الناس الطيبة جدا .. المهم مرة اتكلمت معها في موضوع الجواز و هي فرحت جدا ..و معندهاش مانع انها تيجي تعيش في مصر .. و بروضووو بتقولي ان بلدها كويسة جدا .. و فيها فرص عمل حلوة .. المهم لو حد فيكم يعرف اي معلومات عن البلد دي ..انا معايا انجليزي و فرنساوي كويس جدا .. بس لازم اتعلم اسباني علشان البلد بتتكلم اسباني .. اية رايكم اخوض التجربة برة مصر ؟ ولا اعملها دعوة و نستقر ف مصر افضل ؟ بس انا بفضل الهجرة بصراحة .. بس خايف من بلاد امريكا الجنوبية بصراحة !!!!

بعد الإستخارة
لو عرفت تفطر بكرة و تسافر إعمل كده ..

وانا بقلك بعد الاستخارة طبعا
قوم جهز الشنط وتكل علي الله الحق الفطار هناك وان كان علي الاسباني هناك هتتعلمه احسن مع الممرسه

يبنى استشارة زى دى فى ظروف البلد حتلقى كله بيقولك اتكل على الله ظروف البلد لا تسر عدو ولا حبيب

ومفيش اى بوادر اصلاح وتقدم فى البلد ولا تعليم ولا صحة و فى عدالة

بس الاول اتاكد من البلد اللى حتسافر ليها الاول كويسة ولا لا ولا تكون ضيعت عمرك على الفاضى

السفر او الهجره ده اختيارك و مستقبلك .. معنديش اى اعتراض على كده

بس جواز عن طريق تعارف على Skype .. و ارتباط عمر .. و اولاد ..

ده ما يتمش كده و غير كافى لحياه سعيده .. و لاحظ ان فيه اختلاف ثقافه بين الشعوب

و افرض بقى ان الجواز تم و وجدت البلد دى اسوء من مصر .. حتعمل ايه فى مراتك و اولادك ؟؟

ان كانت البنت عاجبك ( على Skype !! ) .. يبقى تيجى مصر او تتقابلوا فى بلد ثالثه او حتى فى شيلى ..وبعد كده تقدر تقرر انت عايز ايه

لا تربط المسارين ببعض .. و الفلوس لا تأتى بالسعاده .. و الزواج موش خطوه ارتجاليه .. و بعد فتره قصيره ستذهب السكره و تأتى الفكره !

هل تشيلي افضل من مصر اقتصاديا و امنيا؟
هل تتحدث الاسبانيه بطلاقه؟
هل لديك استعداد لرش طارد للحشرات و تفادي الناموس خوفا من الملاريا بقيه حياتك؟
هل لديك استعداد لعدم شرب المياه من الحنفيه بدون استخدام فلتر او شرب مياه معدنيه؟
هل لديك معلومات موثقه عن الاحوال الجويه في تشيلي؟
هل تعرف اجراءات و تكلفه تأشيره تشيلي؟
هل يوجد رحلات طيران من مصر لتشيلي بدون المرور علي احدي دول الشنجن؟
هل تعرف اجراءات الزواج و تكلفتها في تشيلي؟
هل تعرف اجراءات تصاريح العمل و الاقامه و تكلفتهم في تشيلي؟
هل لديك استعداد لترك كل ما تعرفه و من تعرفهم وراء ظهرك بقيه حياتك؟

مفيش مالاريا في تشيلي اساسا ......

اقتباس:

---

من فترة شهرين او اكتر ... اتعرفت علي بنت من دولة تشيلي .. اكبر مني بسنة كدة ..بكلمها علي skype

---

لا تعليق !!!! .. فقط اعد قراءه ما كتبته انت .. عده مرات

و مش متاج فيزا شنجن عشان تنزل كام ساعة و انت رايح تشيلي. الفيزا لو هتدخل البلد اللي هتنزل مطترها و حضرتك مش هتدخل انت هتعد في المطار لحد ميعاد الطيارة. رايي البنت تيجي مصر و تتقابلو و تتعرفو. كله تمام و تنفعك يبقي تروح معاها هناك بدون جواز تتفرج علي البلد و الدنبا و تتفقو هتعدو هنا و الا هناك و بعد الاتفاق تتجوزو. الموضوع ممكن يكون مكلف شوية لكن ده احسن الحلول في رايي.

اقتباس:

---

المشاركة الأصلية كتبت بواسطة أحمد كمال

مفيش مالاريا في تشيلي اساسا ......

---

ههههههههههههههه وحشنا ردودك يابوحميد

معتقدش ان تشيلي احسن حال من مصر لدرجة اني اهاجرلها و ضيف على كده عوائق زي اللغة و الثقافة و غيره..
انا بالنسبالي لو ههاجر هروح لبلد بتتكلم انجليزي كلغة اولى مش بلد لسة هروح اتعلم لغتها..

يكثر الحديث عن الهجرة...لكن السؤال هل كل من يهاجر سيقوم بانشاء مشروع...هل لدية الاموال للبيزنس
ام الهجرة ثم البحث عن عمل حرفي بسيط

اقتباس:

---

المشاركة الأصلية كتبت بواسطة samyyousef

يكثر الحديث عن الهجرة...لكن السؤال هل كل من يهاجر سيقوم بانشاء مشروع...هل لدية الاموال للبيزنس
ام الهجرة ثم البحث عن عمل حرفي بسيط

---

فعلا
ممكن تسافر تشتغل حرفة متدنية فى كندا مع انك فى مصر كنت دكتور(يحدث بالفعل)
فانت هتسافر تعمل ايه؟-هو ده السؤال
سمعت عن اشخاص لهم بيزنس كبير بالملايين فى زامبيا و موزمبيق
و دكاتره لهم وضع و عائد فى بلد مثل نيجيريا
فى حين ان غيرهم بياكل تراب فى دول متقدمه و غنيه
و لو سافر زامبيا و موزمبيق هياكل تراب ايضا مثل باقى سكان هذه البلاد المتخلفة
مش عاوز اقول لك ان فيه مصريين فى دول الخليج المصنفة اعلى مستوى معيشي فى العالم يعيشون تحت خط الفقر و فيه ناس منهم وصلوا لدرجة التسول او يمنعهم الحياء من السؤال و هم فى اشد الحاجة

السؤال الاكثر اهميه
لو فرضنا ان شيلي بلد حالها لا يختلف كثيرا عن مصر
هتتجوزها؟
السؤال خارج الموضوع لكنه مهم

تشيلي جيدة للهجرة
لو البنت عجباك دا قرارك لوحدك متسمحش لحد يشاركك في حياتك

اقتباس:

---

المشاركة الأصلية كتبت بواسطة melouk1

بعد الإستخارة
لو عرفت تفطر بكرة و تسافر إعمل كده ..

---

كنت فى كارفور العبور العبور لقيت محل باسم اكونت حضرتك :U_thin1[1]:

افتكرتك صراحة :4:

بص موضوع انك تسيب البلد مافيش فيه اختلاف، انفد بجلدك، الاختلاف هايكون في موضوع الزواج...فكر فيه كويس جدا لأنه أهم من الهجرة

اقتباس:

---

المشاركة الأصلية كتبت بواسطة eso101

تشيلي جيدة للهجرة
لو البنت عجباك دا قرارك لوحدك متسمحش لحد يشاركك في حياتك

---

بصراحة البنت تفكرها عجبني جدا ..و طيبة اوي .. و مختلفة عن بنات اوربا كلها .. انا كلمت بنات كتير اوي من جميع الدول تقريبا ...و محترمة و مجتهدة .. بس بفكر اننا نعيش في مصر .. و هي عاوزة تشتغل كمان هنا .. و لقيت شغل ليها محترم في فودافون كول ستنر للغة اسبانبية و مرتب محترم ليها .. بس مشكلتني ان خايف من البلد تشيلي و من اللغة و مش عارف اي معلومات عنها بشكلل نهائي و انها بعيدة جدا . سعر تذكرة السفر 12 الف جنية !

....

اقتباس:

---

المشاركة الأصلية كتبت بواسطة mohamedftw

بصراحة البنت تفكرها عجبني جدا ..و طيبة اوي .. و مختلفة عن بنات اوربا كلها .. انا كلمت بنات كتير اوي من جميع الدول تقريبا ...و محترمة و مجتهدة .. بس بفكر اننا نعيش في مصر .. و هي عاوزة تشتغل كمان هنا .. و لقيت شغل ليها محترم في فودافون كول ستنر للغة اسبانبية و مرتب محترم ليها .. بس مشكلتني ان خايف من البلد تشيلي و من اللغة و مش عارف اي معلومات عنها بشكلل نهائي و انها بعيدة جدا . سعر تذكرة السفر 12 الف جنية !

---

انت لسه هنا مسافرتش
يبني طالما فكرت في السفر اكيد حياتك هنا مش احسن حاجه
و سنك اوائل العشرينات
اكيد طبعاً سيب مصر و اجري الحق عمرك
صوابع ايدك مش زي بعض
اللي معترض هنا مش عارف طروفك و اغلبه مسافرش بره مصر اصلاً
مع كامل احترامي للكل
كل اللي انصحك بيه
اتقي الله يرزقك من حيث لا تحتسب
إياك و الحرام متطلعش تقعد مع بنت لا تحل لك
اتجوز بس و أرض الله واسعة
و مصر اصبحت للأغنياء لا مجال للطبقة المتوسطة
اما الفقراء بيعملوا عشانهم اعلانات في رمضان للتبرع

عاوز اسمع منك انك بتعيد هناك و وفقك الله :)

اقتباس:

---

المشاركة الأصلية كتبت بواسطة م أحمد

كنت فى كارفور العبور العبور لقيت محل باسم اكونت حضرتك :u_thin1[1]:

افتكرتك صراحة :4:

---

في قرابة بينا فعلاً

أهلاً بحضرتك :)

اقتباس:

---

المشاركة الأصلية كتبت بواسطة melouk1

اللي معترض هنا مش عارف طروفك و اغلبه مسافرش بره مصر اصلاً
مع كامل احترامي للكل

---

الكلام ده لو كان هيروح بلد حالها افضل من مصر, اصله برضه مش عشان اسيب البلد اروح اي حتة تانية و السلام. تشيلي او امريكا الجنوبية عموماً مهياش الأملة يعني اللي ظروف المعيشة فيها مغرية للدرجة..
صحيح الواحد كل ما بيسافر و يرجع مصر بيبقى راجع بحالة قرف و اكتئاب من اي حاجة ليها علاقة بالبلد بس ده في الاغلب لاني ببقى راجع من اماكن افضل بشكل فيه تباين صارخ, لكن مش راجع من بلد نامية برضه فيها نفس اوجه المعاناه.

اقتباس:

---

المشاركة الأصلية كتبت بواسطة dede_dodo88

الكلام ده لو كان هيروح بلد حالها افضل من مصر, اصله برضه مش عشان اسيب البلد اروح اي حتة تانية و السلام. تشيلي او امريكا الجنوبية عموماً مهياش الأملة يعني اللي ظروف المعيشة فيها مغرية للدرجة..
صحيح الواحد كل ما بيسافر و يرجع مصر بيبقى راجع بحالة قرف و اكتئاب من اي حاجة ليها علاقة بالبلد بس ده في الاغلب لاني ببقى راجع من اماكن افضل بشكل فيه تباين صارخ, لكن مش راجع من بلد نامية برضه فيها نفس اوجه المعاناه.

---

يا فندم حضرتك رحت اي بلد بره مصر قبل كده
زرت امريكا الجنوبية ؟

اقتباس:

---

المشاركة الأصلية كتبت بواسطة melouk1

يا فندم حضرتك رحت اي بلد بره مصر قبل كده
زرت امريكا الجنوبية ؟

---

مروحتش لسة امريكا الجنوبية و مش اولوية بالنسبالي حتى,, بس لو في يوم قررت اروح هروح البرازيل كفسحة بس عشان جمال الطبيعة في البلد مش عشان المعيشة فيها حلوة و مريحة..

اقتباس:

---

المشاركة الأصلية كتبت بواسطة mohamedftw

بصراحة البنت تفكرها عجبني جدا ..و طيبة اوي .. و مختلفة عن بنات اوربا كلها .. انا كلمت بنات كتير اوي من جميع الدول تقريبا ...و محترمة و مجتهدة .. بس بفكر اننا نعيش في مصر .. و هي عاوزة تشتغل كمان هنا .. و لقيت شغل ليها محترم في فودافون كول ستنر للغة اسبانبية و مرتب محترم ليها .. بس مشكلتني ان خايف من البلد تشيلي و من اللغة و مش عارف اي معلومات عنها بشكلل نهائي و انها بعيدة جدا . سعر تذكرة السفر 12 الف جنية !

---

وهي هتنزل إذًا مافيش مشكلة ..
اتقابلوا
بس اعرف إن كل اللي قبل الـ 30 سنة مش بيستمر ..
مش معنى كدا منتجوزش .. نتجوز عادي .. بس مانخلفش
ودا من تجربة .. اتجوزت 19 سنة وطلقت 22 سنة
وخطبت 3 مرات في خلال سنتين
واتجوزت 25 سنة تاني وخلفت .. ودا مكنش خطأ
بس الإنسان بيتغير .. قراراته وأرائه ونظرته لكل حاجة بتتغير
لكن بعد ماتخلف بتبقى جاي على نفسك عشان ولادك
قبل التلاتين علاقات خالية من السمو في المشاعر
تعرف تطلع بقرار صغير وبكلمة وتنهي الموضوع على أي تلكيكة وإنتا مرتاح
بعد التلاتين بتبقى أكثر نضج وأكثر جنون في مشاعرك وإنتقائي
ومش بسهولة تحب و لو حبيت مش بسهولة تنسى

وإفصل بين توفير فرصة عمل ليها ومساعدتها كغريبة في بلد متعرفش غيرك و بين مشاعرك ..
لإنها ممكن تغير رأيها .. تسيبك .. تتغير معاك ..
فلا تتوقع مقابل ..


بخصوص تشيلي ..
أنا زرتها .. أفضل من البرازيل و بوليفيا والأورغواي
لا تقارن بأوروبا ولا أمريكا بس أفضل من دول أمريكا الجنوبية
بس لو شايف 12 ألف دي تعتبر كتير يبقى هيا تنزل لو روحت هتتبهدل