| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 10 من 10

  1. #1

    الصورة الرمزية loay

    رقم العضوية : 1232

    تاريخ التسجيل : 28Jun2007

    المشاركات : 110

    النوع : ذكر

    الاقامة : Cairo

    السيارة: لانسر

    السيارة[2]: كورولا

    الحالة : loay غير متواجد حالياً

    افتراضي مقارنة بين الهوندا والتويوتا كرولا 1300 اوتوماتيك - Facebook Twitter whatsapp انشر الموضوع فى :

    hasad">

    الاخوة الكرام
    من خلال تجريتى مع التويوتا الكورولا اقدر اقولك مميزات وعيوب الكرولا 1300 اتوماتيك 2006 وقد حاولت ان اكون موضوعى بشكل كبير – اقول ال ليها وال عليها بدون مجاملة ولا ظلم ولكن كل هذه المميزات والعيوب من وجهة نظرى انا فقط وقد تختلف من شخص الى اخر ويسعدنى مشاركة الاخوة الكرام بوجهة نظرهم

    المميزات:
    -اقتصادية جدا فى استهلاك البنزين
    -تكيفها تلاجة - تشغله على سرعة مروحة 1 فقط والا هتتجمد - ولا يؤثر على سحب العربية ولا يكلبش الموتور عكس الانسر
    -مرتفعة عن الارض يعنى متخافش من المطبات الصناعية العالية خصوصا لو معاك ناس كتير فى العربية وايضا تعرف تنزل منها براحتك لو ركنت جنب رصيف عالى (الباب هيفتح بسهولة علشان عالى عن الرصيف ومش هيخبط فى الرصيف كما فى العربيات المخفضة) ومش تقعد تنط جوا الصالون من كرسى لكرسى علشان تنزل من الباب التانى (عندى تجربة اليمة مع ارصفة الشوارع الداخلية والانسر القديمة المنخفضة على الارض)
    -عفشة وباور ومساعدين ودواسات ناعمين جدا عكس الانسر
    -كاوتش للخدمة الشاقة لزوم مطبات ونقر شوارع مصر
    -الثبات والهدوء (ترمى الابرة ترن فى الصالون) حتى فى السرعات العالية تحس انك ماشى على سرعة 20 كم
    -تابلوه ابانوس وصالون فخم
    -واسعة من الداخل والكراسى واسعة و مريحة
    -ميزة ضم المريات بالكهرباء دى مش موجودة فى اغلب العربيات ودى تنفعك اوى لو ماشى فى شارع داخلى زنقة وفى عربية داخلة عكسك – تضم المريات فى السريع بدوسة زرار
    -اضائة شديدة فى الفوانيس الامامية تخليك تشوف الطريق بوضوح فى الليل وايضا نور الصالون جامد اوى
    -ميزة الشريحة الالكترونية فى المفتاح - لازم المفتاح الاصلى هو ال يدور الموتور فقط - يعنى لايمكن تدور الموتور بأى طريقة اخرى (يعنى مفيش حرامى يسرقها - بس اوعى تضيع المفتاح الاصلى)
    -معزولة بلكك وفلتو كويس وخصوصا فى الخلف - يعنى مفيش صدا ولا برومة
    -ممكن تسوجر الشنطة الخلفية لو هتضع فيها اشياء ثمينة وتلغى خاصية فتح الشنطة من الداخل – وكمان عاملين مفتاح مخصوص احتياطى لا يفتح الشنطة علشان تسيب المفتاح ده ما سايس الجراج وتبقى مطمن انه مش هيعرف يفتح الشنطة ولا من جوه ولا بالمفتاح ال معه
    -احزمة الامان ناعمة اوى ومش خنيقة ولاتقفش على صدرك كما فى السيارات الاخرى – تحس انك مش لابسها
    -شكلها شيك وبرستيج عالى جدا
    -سعرها ثابت ومش هتخسر فيها لو حبيت تبيعها بعد كده لانها مطلوبة ومعروف سعر سوقها كام
    -بيعها سهل اوى ومطلوبة دائما وخصوصا الاتوماتيك (اغلب الستات مبيعرفوش يسوقوا المانيوال والستات هى صاحبة القرار فى الاغلب) يعنى الكورولا مش هتقعد فى ارابيزك زى عربيات تانية تقيلة فى بيعها و ملهاش سوق فى مصر زى الالفا روميو والاودى
    -عربية متدوالة بكثرة يعنى الصانيعية اشتغلوا فيها كتير وشافوها كتير وعارفين بيفكوا كل قطعة فيها ازاى ومش هيعكوا ولا يستكشفوا فيها ولا يلعبوا فيها البخت عكس العربيات القلة ال تلاقى الصنايعى يقف يبلم ادامها ومتعرفش تركب ليها انذار ولا سنتر ولا كاسيت لان محدش عارف اولها من اخرها ولا فيوزاتها واسلاكها مشاية ازاى (زى المازدا 3 الجديدة مثلا)
    -قطع غيارها متوافرة بكثرة وفى منها استعمال الخارج والتايوانى واخيرا الصينى (مثلا ممكن تجيب فانوس تايوانى او صينى رخيص – مش لازم تجيب الاصلى فى الفوانيس مش قضية)
    -اسعار قطع غيارها متوسطة يعنى مش غالية اوى زى العربيات الاوربية (الفيكترا والاوكتافيا) ولا رخيصة زى الكورى (الهونداى والدايو)
    -تعتبر السيارة الاكثر مبيعا فى العالم العربى
    -ضمان 3 سنوات او 100 الف كيلو ايهما اقرب


    عيوبها:
    -الاوتوماتيك بتاعها مش بيجمع بسرعة علشان توصل لسرعة 150 مثلا يدينى ويديك طولة العمر (الاوتوماتيك مريح جدا فى الزحمة وخصوصا وقفة كوبرى 6 اكتوبر - بس لعنة وسئ جدا على طرق السفر السريعة) لو بتسافر كتير هات مانيوال احسن –انما لو بتتزنق فوق كوبرى 6 اكتوبر او بتمشى فى شوارع زحمة وما اكثرها فى مصر خليك فى الاوتوماتيك وريح رجلك الشمال من دوسة الدبرياج ال تجيب دوالى
    -اخر سرعة ليها 160 كم فى الاتوماتيك ولو جبت اخر الدواسة بتنزل للترس التالت وتلاقى صوت الموتور علَى جدا و عملك فضيحة على الطريق
    -بسبب علوها عن الارض (ميزة وعيب فى نفس الوقت) تخليها ساعات تعوَم من الخلف لو دخلت على ملف بسرعة و كان فى كات ايز فى الارض (خلى بالك من منازل ومطالع الانفاق مثل الازهر وصلاح سالم وغيره)
    -وبسبب العلو ايضا بيقولوا انها ممكن تتقلب على السرعات العالية (الحمد لله لم اجرب هذا واكيد مفيش حد عايز يجرب – ربنا يكفينا ويكفيكم شر الطريق)
    -كل العربيات الكورولا فى مصر XLI يعنى مفيهاش عداد RPM والموديل GLI هو الوحيد ال فيه RPM ومش موجود فى مصر بينزل لدول الخليج فقط علشان 1800cc واحنا يدوبك لسه شايفين ال 1600 بالعافية
    -صوت الموتور عالى مقارنة بباقى السيارات (يمكن علشان مفيش RPM قالوا نسمعك صوت الموتور احسن)
    -الابواب ناشفة - لازم تشد و ترزع الباب جامد علشان يقفل وخصوصا لو الزجاج مقفول (يمكن وضعوا جوانات وكاوتش ابواب جامد لتوفير عزل صوت وهواء وهدوء اكثر داخل الصالون)
    -صوت الزنان (صفارة التنيبه داخل التابلوه) مزعج جدا لو عديت سرعة 120 كم يحسسك انك فى العد التنازلى لاخر لحظات حياتك ويخليك تنزل عن سرعة 120 كم غصب عنك علشان تسكته (ممكن ناس تشوفها ميزة امان)
    -وضع الكاسيت فى التابلوه صعب جدا - علشان تفك او تغير الكاسيت شغلانة صعبة جدا ولازم تفور وتفك حاجات كتير اوى علشان تفك الكاسيت
    -فيها مشكلة كبيرة من وجهة نظرى- المفتاح لا يخرج من الكونتاكت الا على وضع P فقط (زيها زى BMW) و هذا الوضع بيكلبش السيارة ولا تتحرك يعنى مش هتعرف تركن صف تانى وتقفل على حد عكس كل العربيات انك ممكن تخرج المفتاح وتسبها على وضع الموورN وبالتالى يمكن دفعها للامام والخلف بسهولة – يعنى ولو ركنت صف تانى وقفلت على عربية واتاخرت شوية تلاقى صاحب العربية ال قفلت عليه جاب ناس وعاملين يشدوا ويزقوا ويرفعوا فى عربيتك ويكسرولك الاكصدام و برضة عربيتك مش بتتحرك - ناس بتشوف ده ميزة امان بس لاسف مش فى مصر - انتم اكيد عارفين الركن هنا فى مصر صعب ازاى وما اكثر الصف التانى والتالت كمان
    -تيل الفرامل بيتاكل بسرعة فى الاوتوماتيك بلاضافة الى ضعف معدل الفرملة عن المانيوال لان الفرامل بتكبلش العربية والموتور معها ايضا
    -الصاج بتاعها خفيف وضعيف اوى (ورق يعنى) – وخصوصا الرفرف الامامى – لو واحد سند عليه جامد بيطبق بسهولة جدا ويبقى شكله وحش ومش بيرجع لوضعه بالسمكرة على البارد – تلاقيه شكله معضعض
    -لعشاق الموسيقى - الكاسيت الاصلى صوته مش حلو اوى تلاقى Bass عالى اوى بس مفيش Treble خالص ولا يشغل اسطوانات MP3 – يقال ان الموديلات الجديدة تشغل MP3 ولم اتاكد من الخبر
    -علو مؤخرة السيارة مع البومبيهات الخارجية ووجود مساند رأس فى الكنبة الخلفية يجعلك لاترى بوضوح وانت ترجع الى الخلف
    -يمكن تغيير قراءة عداد الكيلو متر عكس السيارات الاوربية – شفت عربيات كتير لعبين فى العداد و مخليين القراءة 18 الف كيلو مع ان حالة العربية شقيانة وعاملة 100 الف كيلو على الاقل علشان كده قراءة العداد مش هى المقياس ال تحكم بيه على العربية
    -سعر السيارة الزيرو يعتبر غالى ومبالغ فيه مقارنة بفئتها وامكنياتها (تيويتا ايجبت الوكيل هى ال بتحدد السعر لانها هى الوحيدة ال بتدخل الكورولا مصر – عكس الانسر فى ناس كتير بتستوردها وتدخلها مصر مع نفسها علشان كده سعرها مش غالى اوى)
    -زحمة الصيانة فى التوكيل (العباسية وابو رواش) – لازم تاخد ميعاد قبلها بشهر – زى ماتكون هتعمل الصيانة فى اليابان – علشان تيويتا ايجبت هى المحتكرة كل حاجة


  2. #2

    الصورة الرمزية ابوحميد

    رقم العضوية : 1122

    تاريخ التسجيل : 23Jun2007

    المشاركات : 951

    النوع : ذكر

    الاقامة : egypt

    السيارة: Lada , 2 Terios , 3 Cerato

    السيارة[2]: COROLLA 2014

    الحالة : ابوحميد غير متواجد حالياً

    افتراضي -

    هوا فين الهوندا من الموضوع؟


  3. #3

    الصورة الرمزية جندى مجند

    رقم العضوية : 37

    تاريخ التسجيل : 17Apr2007

    المشاركات : 902

    النوع : ذكر

    الاقامة : الاسكندرية

    السيارة: Fiat Brava

    السيارة[2]: Honda City 1.5

    دراجة بخارية: None

    الحالة : جندى مجند غير متواجد حالياً

    افتراضي -


    تقييم ممتاز يا فندم بس أنا نقلته للتويوتا لأنى ملقيتش ذكر لهوندا غير فى عنوان الموضوع :)

    موضوع اللعب فى العداد دة غريب أوى ... هى مش عدادها ديجيتال؟ هل اللعب فيه بيكون عن طريق فصل كابل السرعة و لا بأسلوب تانى؟


  4. #4

    الصورة الرمزية loay

    رقم العضوية : 1232

    تاريخ التسجيل : 28Jun2007

    المشاركات : 110

    النوع : ذكر

    الاقامة : Cairo

    السيارة: لانسر

    السيارة[2]: كورولا

    الحالة : loay غير متواجد حالياً

    افتراضي -

    فى ناس تخصص فى لعب العداد
    هذا على سبيل المثال
    http://www.freewebs.com/epromer


  5. #5

    الصورة الرمزية tamohsen

    رقم العضوية : 98

    تاريخ التسجيل : 23Apr2007

    المشاركات : 534

    النوع : ذكر

    الاقامة : cairo

    السيارة: rio

    السيارة[2]: yaris

    دراجة بخارية: No

    الحالة : tamohsen غير متواجد حالياً

    افتراضي -

    موضوع تغيير قراءه العداد خطير جدا وأقترح نقله للمنتدي العام


  6. #6

    الصورة الرمزية أبو عبدالله

    رقم العضوية : 97

    تاريخ التسجيل : 23Apr2007

    المشاركات : 11,050

    النوع : ذكر

    الاقامة : ManSOuRa

    السيارة: coRoLLa 06

    السيارة[2]: siRiOn 07

    دراجة بخارية: ان شاء الله

    الحالة : أبو عبدالله غير متواجد حالياً

    افتراضي -

    الموضوع ده كان زمان قبل ما العدادات الديجيتال تبقى في كل العربيات
    العداد الديجيتال صعب بل مستحيل اللعب فيه لأن له ذاكره داخليه

    عن أبي هريرة قال :
    قال رسول الله صلى الله عليه وسلم :
    إذا قال الرجل لأخيه :جزاك الله خيرا ، فقد أبلغ في الثناء


  7. #7

    الصورة الرمزية loay

    رقم العضوية : 1232

    تاريخ التسجيل : 28Jun2007

    المشاركات : 110

    النوع : ذكر

    الاقامة : Cairo

    السيارة: لانسر

    السيارة[2]: كورولا

    الحالة : loay غير متواجد حالياً

    افتراضي -

    يا اخ ابو عبدالله هنا فى مصر بيلعبوا فى كل حاجة
    بيغير فى Rom بناعة العداد وده شفته بعينى
    ادخل على الموقع ده وانت هتعرف
    http://www.freewebs.com/epromer


  8. #8

    الصورة الرمزية hero

    رقم العضوية : 167

    تاريخ التسجيل : 24Apr2007

    المشاركات : 1,982

    النوع : ذكر

    الاقامة : A lot of Places

    السيارة: Lada2017

    السيارة[2]: Yaris

    دراجة بخارية: NA

    الحالة : hero غير متواجد حالياً

    افتراضي -

    يا جماعه تغيير العداد الديجيتال اسهل من العداد الميكانيكي بتاع ايام زمان دة منقول من اغلب مواقع صيانة السيارات ...
    حكاية الديجيتال انة عبارة عن ذاكرة داخلية ROM وليها انواع كتير زي EPROM او EEPROM ...المهم ان الانواع دي ممكن تقرا وتكتب اي قيمة انت عايزها فيها ....ودة عن طريق اجهزة اسمها EPROM Reader/Writer ودة اغلب بتوع صيانة الريسيفرات والموبايلات بيتعاملوا معاة....

    يعني من الاخر مابيتحكمش علي كيلومتر العربية من العداد....في الغالب من حجات تانية كتير ....علي ما اذكر دة ايلي قريتة من بعض مواقع شراء المستعمل:

    كفاءة الموتور (وطبعا نسبة كبس الموتور هاتبين )
    حالة عفشة العربية
    حالة الصالون الداخلي
    كاوتش العربية
    مفصلات الابواب (الاستخدام الكتير بياكل في المفصلات ...)
    حالة دواسات بدالات العربية (شكل الكوتش ايلي علي الدواسة بيبين معدل استهلاك العربية )
    شكل كرسي السائق...ومدي استهلاكة

    يعني مثلا:
    عربية فابريقة..(زي ما بيقولوا في الاعلانات) وعاملة 20 الف كيلو بس (يابلاش) ويقوم يقولك طقم كاوتش جديد..!!! طيب ازاي دي ...ازاي 20 الف في عربية محترمة وكاوتشها احتاج انة يتغير ...

    المفروض بقي كبيع شرعي ...وعلشان ربنا يبارك للبايع في فلوسة ...انة مايلعبش في عداد العربية ويبقي بين البايع والمشتري من غير ما حد يغش حد او يخدع حد ويبقي بيع حرام ...

    -----------------------------------------------------------------------

    "رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا"
    ------------------------------------------------------------------------


  9. #9

    الصورة الرمزية hazem_khidr

    رقم العضوية : 168

    تاريخ التسجيل : 24Apr2007

    المشاركات : 7,982

    الاقامة : المحله الكبري

    الحالة : hazem_khidr غير متواجد حالياً

    افتراضي -

    المفروض بقي كبيع شرعي ...وعلشان ربنا يبارك للبايع في فلوسة ...انة مايلعبش في عداد العربية ويبقي بين البايع والمشتري من غير ما حد يغش حد او يخدع حد ويبقي بيع حرام ...
    صح كلامك يا هيرو الموضوع دا بعتبره غش و خداع و انك كده بتبيع وهم للناس اللي وثقو فيك و اخدو عربيتك تقوم انت بقي تغشهم؟؟
    واحد من فتره كان عامل اعلانات و بيوزعها لما كنت عند بتاع العفشه و كاتب انك بيغير في قرائه العدادات الديجيتال فعلا و كاتب الاساعار و كان حوالي 50 او 75 جنيه


  10. #10

    الصورة الرمزية ابوحميد

    رقم العضوية : 1122

    تاريخ التسجيل : 23Jun2007

    المشاركات : 951

    النوع : ذكر

    الاقامة : egypt

    السيارة: Lada , 2 Terios , 3 Cerato

    السيارة[2]: COROLLA 2014

    الحالة : ابوحميد غير متواجد حالياً

    افتراضي -

    hasad">

    واحد من فتره كان عامل اعلانات و بيوزعها لما كنت عند بتاع العفشه و كاتب انك بيغير في قرائه العدادات الديجيتال فعلا و كاتب الاساعار و كان حوالي 50 او 75 جنيهيا ستير يا رب هيا كمان الناس اللى بتساعد فى الغش على الناس بقى ليها اعلانات



 

المواضيع المتشابهه

  1. تيوتا كرولا 2004 -_- 1300 اوتوماتيك للبيع
    بواسطة thepeonoflove في المنتدى بيـــع و شــــراء
    مشاركات: 3
    آخر مشاركة: 21-08-2010, 06:03 PM
  2. مقارنة بين اللانسر والتويوتا كرولا 1300 اوتوماتيك
    بواسطة loay في المنتدى قســـــــــم المقارنــــات
    مشاركات: 5
    آخر مشاركة: 01-09-2007, 08:35 PM
  3. مقارنة بين النيسان صنى والتويوتا كرولا 1300 اوتوماتيك
    بواسطة loay في المنتدى قســـــــــم المقارنــــات
    مشاركات: 2
    آخر مشاركة: 07-08-2007, 03:57 PM
  4. مقارنة بين اللانسر والتويوتا كرولا 1300 اوتوماتيك
    بواسطة Amr Tawfik في المنتدى قســـــــــم المقارنــــات
    مشاركات: 1
    آخر مشاركة: 01-01-1970, 04:04 PM
  5. مقارنة بين الهوندا والتويوتا كرولا 1300 اوتوماتيك
    بواسطة Amr Tawfik في المنتدى قســـــــــم المقارنــــات
    مشاركات: 1
    آخر مشاركة: 01-01-1970, 03:51 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2