سؤال فى حوض شنطة السيراتو 2016

**hanyghazal** · 08-06-2016 02:50 PM

السلام عليكم, لى سؤال فى شنطة السيراتو 2016, حيث اتذكر انى كونت محمل شوية حاجات كتيرة فى الشنطة و بعد ما شلت الحاجات دى لما خلصت المشوار , فلاحظت انه فى حوض الشنطة الجزء الذى به الجنط فى الجناب فى الجزء الذى يسند علية المكيت الى بيغطى حوض الشنطة, لاحظت فى مكان احتكاك او ارتكاز الغطاء الموكيت مع صاج حوض الشنطة ان زى متقول ان اللون البيج فى زى مثلا كذا حتة صغيرة ان اللون اتشال و ضهر اللون الفاتح شوية الى تحته مش كل الداير مكان الرتكاز بس فى نقطين تلاتة كده.... فهل ده عادى نتيجة ان كان فى حمل فالاحتكاك بين الموكيت و حوض الشنطة بيبا كبير فيحصل كده؟؟ ... هل فى طريقة لمنح حدوث ده؟؟

**Omar Sarray** · 09-06-2016 01:42 PM

اه عشان كنت محمل كتير ومع طلوع ونزل المطبات والى اخره حصل كده اهم حاجه العربيه كويس هالحمدلله

**hanyghazal** · 09-06-2016 03:31 PM

المشاركة الأصلية كتبت بواسطة omar sarray

اه عشان كنت محمل كتير ومع طلوع ونزل المطبات والى اخره حصل كده اهم حاجه العربيه كويس هالحمدلله

شكرا لحضرتك, الفكرة اظن ان احتكاك الموكيت ب حوض الشنطة و لو محمل حاجات فى الشنطة يبدا يعمل تقشير كده فى حوض الشنطة, ده بيحصل معاكو صح؟؟ و اظن الكلام ده فى اى عربية

**Omar Sarray** · 10-06-2016 12:50 AM

تقريبا مش كل العربيات بس الى اعرفه كتر تحميل فى شنط الكورى او صينى بيعمل تقشير فى لون الشنطه مش الموكيت يعنى او حتى لمه تهبد الشنطه جامد بتعمل حكه فى لسنا الشنطه ده الى اعرفه

**borio1704** · 10-06-2016 03:10 AM

اتأكد إن الموكيت بايت في مكانه صح في جميع الأماكن والأركان في الشنطة... وإن الفوم اللي في الجنط الاستبن موجود في مكانه.. وإن الاستبن منفوخ وضغطه مضبوط (يفضل يكون أعلى شوية من الضغط الموصى به)... وإن الجنط مربوط في مكانه صح...

لو حصل حاجة بعد كده هتبقى حاجات بسيطة جدا يمكن علاجها...

ولو قلقان قوي.. حط مشمع حوالين الجنط (مش تحته) أو جلّد الأجناب دي بورق لاصق.

...

**borio1704** · 11-06-2016 02:30 PM

المشاركة الأصلية كتبت بواسطة Omar Sarray

تمام فكره حلوه اخ بوريو ممكن اه بس ليه نحط ونعم ومشمع خليها كده هوا قال مش باينه كتير يعنى

تمام أنا متفق معاك .. بس واضح إن زميلنا العزيز hanyghazal قلقان على العربية زيادة شوية. :)

...

**borio1704** · 11-06-2016 03:03 PM

المشاركة الأصلية كتبت بواسطة hanyghazal

شكرا لحضرتك، و الله انا فعلان قلقان شوية، بس الفكرة بس بالنسبالى، هو الى انا بوصفه ده بيحصل معاكو برده و لا لا، ولا فى حاجة غلط عندى؟؟

أنا شخصيا ما حملتش العربية زيادة قبل كده...

بس من تجاربي السابقة... اللي حصل مع حضرتك في الشنطة ده عادي جدا.. والمنطقة دي أصلا تشطيب الدهان فيها متدني شوية لإنه متوقع يقابل مواقف من دي كتير.

...