الموضوع: بخصوص فورد اسكورت

السلام عليكم

رمضان كريم وكل سنة وحضراتكم بخير.
دلوقتي انا معروض عليا فورد اسكورت موديل 98 1300 cc العربية حالتها كويسة بس الصالون مكسر شوية بس الحالة العامة كويسة علي 25 الف.
انا حابب العربية جدا بس كل لما اسال حد عليها يعقدني منها. بيقولولي قطع غيارها غالية ومش هتلاقيها ومحدش هيفهم فيها. انا عارف ان فيه موضوع هنا عن قطع الغيار بس انا لما شفته بصراحة قلقت برضه. انا من اسكندرية ولقيت 3 او 4 بيبيعوا قطع غيارها و 2 او 3 ميكانيكية بيفهموا فيها معني كده انها لو عطلت بيا مثلا في نص الشارع لازم احطها علي ونش عشان انقلها للميكانيكي اللي بتفهم فيها ده غير ان لو ملقتش قطعة الغيار اللي محتاجها يبقي كده العربية هتتركن. فانا محتاااااار جداااا.
كمان سمعت ان العربية دي مش بيتعملها عمرة موتور هو ده حقيقي؟

انا جديد في موضوع العربيات واسف علي الاطالة
شكرا