الموضوع: تركاية في نجارة

المشاركة الأصلية كتبت بواسطة mosaad mohsen

هههههه السلام عليكم
علي فكره مفيش عده بتعمل الي حضرتك عاوز تعمله بس فيه حاجه اسهل
اولا حتت الخشبه الي هي بتدخل جوه حتت الخشبه بغره وبتكون زي الحديد اسمها نقر ولسان والطريقه ديه فعلا من اقوه الطرق في لسق الخشب ببعضه هتروح مكنه نجار ه ومعاك الخشب والمقسات هو هيعمله علي مكنه عنده اسمها الربوه وهيستعمل منشار بس ماكينه مش يدوي وهيسلمك الخشب بالمقاس الي حضرتك عوزه وهيكون نقر ولسان وانت هتجيب شكوش ومسامير حسب طول قطعة الخشب وغراء ابيض ومنشا ر سحقه الاول هتجرب تدخل السان في النقر وتشوف هل دخله كويسه او بالبلدي مخدمه مخدمه وتمام هنحط غراء بس مش كتير علشان ميبهدلش الدنيا وهو مبيكنش بكتره القليل منه يوفي بالغر ض هتتبع الخطوات في كل المراحل بعد الغراء مسامير في اماكن تضغط الخشب ببعض يعني المسمار يكون في مكان له لزمه مش في اي مكان اترك الغراء لمدة ساعة علي الاقل ليجف وخلصت المشكله
للعلم انا مش نجار انا محاسب بس كنت فاتح مصنع وفاهم كويس في النجاره واعرف اصمم ومن المهن الي بحبها علشان فيها فكره وبتكار

بس الراجل ده نفذها بشنيور , بس انا مش عارف ايه البنطه اللى استخدمها
https://www.youtube.com/watch?v=wtYWSojILLY

المشاركة الأصلية كتبت بواسطة mosaad mohsen

بنطه كوبايه بتاعت مفصلات مطبخ او بنطه 12 وتجيب صوابع زان من وي ورشة نجاره وتخرم الخشبتين وتظبت بفاره الصوابع انها تكون علي قد الاخرام بظبط وتخش حشر كمان بالدق بللشكوش بعد ما تحط.غراء بس انا مش بفضل ده ليك علشان حضرتك هتتعب فيها شويه الي قولت عليه كان اسهل والعده المستخدمه معتقدش انها تكون متوفره في بيت عادي فا انا قولت اوفر عليك

صوابع الزان دي بتتباع جاهزة حالياً في الرويعي من اول 8 مم الى 16 مم
بتخرم الخشب بشنيور بنطة نفس المقاس (الزان بيكون اكبر بنص مللي علشان الزنق) وياقي الطريقة زي حضرتك ماشرحتها