مخالفة ستاير الكبس 50 جنيه

**Eng.Mina** · 29-11-2008 06:47 PM

انهارده وانا ماشي في امان الله لقيت كمين مستخبي بعد ملف فوقفت فيه عادي و اديت الرخص للأمين و الراجل الحمد لله ماخدش باله من الستاير لكن للاسف لقيت واحد كان واقف جنبه (من غير لبس ميري وللا حاجة ) بيقوله ده معلق ستاير طبعا انا الواد ده كان نفسي اقتله ولقيت الأمين بيقوللي اركن علي جنب انا طبعا قلت شكلنا كده حانخش في حوار سحب رخصة لان كان الاستاذ كريم منير من فترة كان عامل موضوع برده ان الرخص اتسحبت علشان ستاير الكبس والزينون
المهم ركنت علي جنب ونزلت للنقيب اللي كان واقف قاللي شيل الستاير دلوقتي وادفع 50 جنيه و قد كان شيلت الستاير الجانبية وسيبت الستارة الخلفية و دفعت ال 50 جنيه زي الباشا و خدت الوصل ومشيت
ودي كانت نهاية الستاير الكبس اللي حايبقي مصيرها في شنطة العربية ان شاء الله

**ahmad7610** · 29-11-2008 07:03 PM

الحمد لله انها جت على قد كده و مسحبش الرخصة ...
بس لا أظن ان ده موجود فى اى دولة سوى مصر ......

**waleedrahmy** · 29-11-2008 08:11 PM

وشيل الستارة الخلفية كمان

**Eng.Mina** · 29-11-2008 08:26 PM

شكرا عل الردود والحمد لله انه ماسحبش الرخصة وانا بفكر اشيل الستارة الخلفية بس هي ميزتها انها بتحمي السماعات البيونير اللي علي الرف اللي ورا من الشمس علشان ماتبوظش (علي حسب ما سمعت )

**waleedrahmy** · 29-11-2008 08:31 PM

أنا معاك أنها بتحافظ علي السماعات وتقيك من اشعة الشمس ومن الاضاءة العالية ليلا ومنظر للعربية بس استحمل مخالفات للصبح

**Eng.Mina** · 29-11-2008 08:39 PM

المشاركة الأصلية كتبت بواسطة waleedrahmy

أنا معاك أنها بتحافظ علي السماعات وتقيك من اشعة الشمس ومن الاضاءة العالية ليلا ومنظر للعربية بس استحمل مخالفات للصبح

هما الجماعة بتوع المرور عايزين العربية زي ما طلعت من المعرض متهيألي احسن حاجة يوقفوا استيراد كماليات السيارات علشان الكل يرتاح وبعدين انا مش عارف الستاير دي مديقاهم في ايه دي يا جماعة ممتازة جدا للحماية من الشمس خصوصا لو في اطفال علي الكنبة اللي ورا بتخلي الكنبة عليها ظل كويس ربنا يعينا ويا خسارة ال 90 جنيه اللي دفعتهم في الستاير

**Hossam_Hassan** · 29-11-2008 08:59 PM

المشاركة الأصلية كتبت بواسطة mina87

شكرا عل الردود والحمد لله انه ماسحبش الرخصة وانا بفكر اشيل الستارة الخلفية بس هي ميزتها انها بتحمي السماعات البيونير اللي علي الرف اللي ورا من الشمس علشان ماتبوظش (علي حسب ما سمعت )

بص، أنت ممكن تشيل الطبقة الغامقة اللى فيها، هيفضل الطبقة اللى فتحاتها اوسع، هتظلل شوية و متبقاش اسمها ستارة، انا عملت كده من يوم ما ركبتهم علشان الرؤية.

**hishamanilka** · 29-11-2008 09:27 PM

فعلا يا بيه مفيش الكلام ده في اوروبا انا عايش في اوريا الستاير مش ممنوعه وكمان ممكن تركب فاميه للعربيه كلها ودارك كمان بس الشباكين اللي جنب السائق يمين وشمال لازم تثيتهم علي الرخصه انما استيكرات وزينون وحركات يارب تعمل العربيه قرد محدش بيكلمك اهم حاجه متغيرش لون العربيه اللي موجود في الرخصه والستائر كمان مش ممنوعه وعلي سبيل المثال انا عربيتي سيتروين ونازله بالستاره الخلفيه من المصنع وعادي جدا مش عارف في مصر بيعملوه الحوارات دي ليه بس انا اعتقد ان كل ده علشان لم فلوس مش اكتر ومخلفات وفلوس داخله الداخليه ومش بنشوف منهم حاجه لما بننزل مصر يا جماعه في حاجه مهمه احنا مش واخدين بالها منها اي حد اساله راح مصر يقوللي حلوه جدا بس ؟؟؟؟؟؟؟؟؟ لازم كله بس دي يقولها اقول له خير يقوللي المرور عندكم كارثه قولتله يا عم احنا غيركم انتم 9 مليون احنا 80 مليون انا اقصد السويد طبعا يقوللي الصين 2 مليار واليابان مش عارف كام الف مليون ومعندهمش المشكله دي اسكت علي طول واحاول اغير الموضوع واقول له مش مشكله بس مصر حلوه برده
ربنا ينقم منهم اللي باعوه وكالوه البلد اللي قارفينه جوه كاسفيننه بره

**TICOXX** · 29-11-2008 09:45 PM

و انا النهاردة دفعت رشوة فاميه لأول مرة في حياتي 50 جنيه برضه
انت كنت في المعادي ولا ايه؟؟؟؟؟؟؟؟؟؟؟؟

**Eng.Mina** · 29-11-2008 09:49 PM

المشاركة الأصلية كتبت بواسطة TICOXX

و انا النهاردة دفعت رشوة فاميه لأول مرة في حياتي 50 جنيه برضه
انت كنت في المعادي ولا ايه؟؟؟؟؟؟؟؟؟؟؟؟

لا انا من الشرقية بس 50 جنيه رشوة كتير اوي بس نرجع ونقول احسن من انه يسحب رخصة العربية انا كل اللي غايظني من البني ادم اللي قاله علي موضوع الستاير مش عارف ليه الاذية بتاعت البني ادمين دول . الامين شاف الرخص وكان حايخليني امشي لولا ال ............ ده

الموضوع: مخالفة ستاير الكبس 50 جنيه

LinkBack

أدوات الموضوع

عرض

مخالفة ستاير الكبس 50 جنيه - انشر الموضوع فى :

-

-

-

-

-

-

-

المواضيع المتشابهه

هو ليه ستاير الكبس في اسكندرية غالية كده؟؟؟؟

منين اجيب ستاير الجيتا الكبس

كل البروتوناوية اللي عايزين ستاير كبس .... ركبت ستاير كبس ل gen-2 ب 90 جنيه

حد يقولي اجيب ستاير الكبس دي منين؟؟؟؟

ستاير الهوندا سيفيك الكبس

الكلمات الدلالية لهذا الموضوع

المفضلات

المفضلات

ضوابط المشاركة