الموضوع: شرح طريقة الشراء من الانترنت (موقع امازون)

انهاردة هشرح تجربة تسوق من احدى شركات الشحن الجديدة
طبعا كلنا عارفين صعوبة الشراء من امازون وايباى وخصوصا مع عدم توفر الشحن المباشر
لمعظم المنتجات على امازون
انهاردة هشرحلكم فكرة والفكرة دى عبارة عن شرح طريقة تقدر تشترى بيها اى حاجة من امريكا بسهولة جدا عن طريق شركة جديدة اسمها كوينترى
الشركة دى جديدة بالنسبة للاعضاء المبتدئين في مجال الشراء من الخارج
ولكن هي معروفة بالنسبة للاعضاء اللى عندهم خبرة واستمرارية في تجارب شركات الشحن المختلفة
دخلت على صفحة الفيس بوك بتاعت الشركة علشان اشوف الردود على الشركة سيئة ام جيدة
ومن خلال وجهة نظرى قيمت الشركة بالايجابية والمصداقية من خلال بعض كومنتات العملاء على الفيس بوك
تعتبر دي التجربة الثانية ليا مع هذه الشركة وليست التجربة الأولى ليا في المجال عموما

ويب سايت الخاص بالشركة
https://qwintry.com/ar

التسجيل فى الموقع سهل جدا وده شرح كامل للموقع وشرح لطريقة الشراء من امازون
وطريقة وضع العنوان بشكل صحيح

https://qwintry.com/ar/node/1098653

الاسئلة والاجوبة الخاصة بالموقع

https://qwintry.com/ar/how-to

طبعا انا مرضيتش انزل الموضوع الا لما اتأكد من مصداقية وفاعلية الشركة من خلال تجربتين

هشرح التجربة الثانية لانها الاقوى فى التجارب

ميزة الشركة ياجماعة انك تقدر تشترى المنتجات التقيلة خصوصا قطع غيار السيارات

بتكلفة وسعر ممتاز جدا عكس شركات الشحن التانية ممكن تقطم وسطك بسبب ثقل الحاجة نفسها

ولو ناوى تشترى من امازون مثلا وحابب تحسب التكلفة هتبقى عليك قد ايه
الشركة عاملة الة حاسبة بسيطة جدا
https://qwintry.com/ar/calculator

هتحط وزن الطرد بالارقام فى الخانة الاولى
هتختار الوزن بالكيلو او بالرطل وخدوا بالكم بتفرق ياجماعة ولازم تخلوا بالكم من الوزن
فى تفاصيل المنتج اللى هتشتريه هو بالرطل ولا بالكيلو جرام
وهتضغط على كلمة احسب هيحسبلك تلات تفاصيل
اول اختيار طبعا هو اللى هتختاره وهو الشحن المباشر لمصر لانه ارخصهم وافضلهم
تانى وثالث اختيار هو الشحن السريع وده للناس المستعجلين عالحاجة تجيلهم بسرعة

مبدأياً التغليف ممتاز ومتغلف بكارتون مدعم ضد الصدمات والمنتجات وموجود داخله أكياس مطاطية

رابط صورة التغليف

اشتريت شوية من الأحذية والجوارب وكان كل حذاء يأتى في الكارتون الخاص به ولذلك كلمت دعم الشركة علشان يفك الأحذية من

من الكارتون الخاص بها علشان لا تاخد وزن او حيز او حجم اكبر

اشتريت شوية ملابس قطنية ذات الصناعة الجيدة والتصميم المميز للعفاريت اللى فى بيتنا

تقريبا كده واحد من الموظفين نسى كيس الحلويات بتاعه في الطرد بتاعى

الشركة كلفتنى حوالى 29 دولار تقريبا بخلاف التكاليف الأخرى اللى خرمت جيوبي

اللى هي 382 دولار للاحذية والملابس

الشحن كان عن طريق شركة ارامكس

مدة الشحن كانت 8 او 9 أيام تقريبا
وانتظرونى فى تجارب اخرى واى سؤال انا تحت امركم

المشاركة الأصلية كتبت بواسطة عبدالله برعى

ايه رايك في شركة بوردرلينكس

بوردر لينكس شركة محترمة بس لاحظت ان الالة الحاسبة بتحسب عندهم بالوحدة ووزنها
طب لو جمعت كذا منتج هيحاسبونى ازاى لازم تراسلهم
لما جيت حسبت عالالة الحاسبة عندهم قطعة غيار كمبيوتر وزنها واحد كيلو حجمها 15×15 سم
طلع انى هدفع 550 جنيه تقريبا
فى حين انى لو جبت اكتر من حاجة عن طريق كوينترى هدفعلى 300 جنيه بما يعادل 30 دولار مثلا والجمارك انا بحاسب عليها لما الطرد بيجيلى مع ارامكس