كركره وتسقيف فى لانوس 2005 نصف كماليات
لسلام عليكم
انا معايا لانوس2 موديل 2005 وعندى مشكله محيرانى جدا ومش لاقى ليها حل
العربيه كانت تمام بس كان فيها مشكله ان صوت الموتور عالى والسحب ضعيف رحت للميكانيكى غير البواجى وفلتر بنزين وفلتر زيت وقالى تمام لكن مكنش تمام خالص الموتور بدأ يبقى فيه رعشه رحت للميكانيكى تانى قالى روح لكهربائى الكهربائى قالى الكويل بايظ رحت اشتريت كويل اسمه (البواب ) بعد التركيب ظهر تسقيف وكركره فى الموتور رجعته وجبت واحد تانى كورى وركبه ولكن الكركره دى موجوده باستمرار مع دوسة البنزين وخاصة مع الغيار التانى على المطب او الاول فى المطالع او المارشدير وللعلم العربيه على السرعه فوق ال50 زى الفل انما على السرعات القليله تكركر ولازم ادوس على البنزين 3 او 4 دوسات علشان الكركره دى تضيع مع العلم انى رحت لميكانيكى ووجد ان تقسيمة الموتور خالفه سنتين وبعد ما ظبطها راحت الخشونه اللى فى الموتور والسحب زاد وصوت المكنه انخفض ولكن مشكلة الكركره مازالت موجوده ومش لاقى حل برجاء الافاده جزاكم الله خير
