سمعت الخبر ده امبارح و كان واحد صاحبي بيكلم مندوب التأمين في معرض من المعارض علشان تجديد التأمين
و الموضوع انه بلغه انهم مبيجددوش مع الجمعيه لأنها بتنهار ماليا و قريب هتعلن افلاسها
حد يقدر يتأكد من الموضوع ده؟
عرض للطباعة
سمعت الخبر ده امبارح و كان واحد صاحبي بيكلم مندوب التأمين في معرض من المعارض علشان تجديد التأمين
و الموضوع انه بلغه انهم مبيجددوش مع الجمعيه لأنها بتنهار ماليا و قريب هتعلن افلاسها
حد يقدر يتأكد من الموضوع ده؟
استر يارب انا لسه عامل عندهم وثيقه تأمين من حوالي شهرين ولسه كمان عامل حادثه الحمدالله بسيطه ووديت العربية التوكيل علشان يروح حد من التأمين يصورها ويعملوا عمليه التكلفه وطبعا بعد الخبر ده اذا كان صحيح مش حيعملوا حاجه وارجو انه يكون خبر غير صحيح وربنا يستر
أنا لسه عامل حادثة النهاردة - صحيح كبيرة بس ربنا ستر - و عامل التأمين مع الجمعية و بدات فعلا في اجراءات الاصلاحات و المفروض بكرة أو بعده بالكتير هأكون هناك علشان أعمل أخطار بالحادثة و أطلب معاينة العربية اللي في الورشة حاليا
ربنا يستر
سؤال أخر هو الواحد يتصل بالجمعية بيلغهم العربية فين ولا لازم يرحلهم مخصوص
الجمعية فعلا فلست تماما و متأخرة في سداد التزاماتها بقالها فترة شهرين
و صديق ليا عمل حادثة كللفت 3000 جنيه و بقاله 3 شهور بيطارد الجمعية
يا باشا اللي عامل تأمين و لسة مخلصتش مدته فهو ساري قانونيا بس حللني على ما يجيلك حقك
فمن الأسلم ان لو عربيتك سليمة انك تلحق تعمل تأمين مع شركة تانية محترمة زي مصر للتأمين او كونتاكت "بس كونتاكت غالية حبتين" و راسلني على الخاص لو محتاج مساعدة في الموضوع ده
أنا لسة شارى عربيتى من كام اسبوع و لما كنت بلف على المعارض كلهم اكدو انهم اوقفوا التعامل مع هذة الشركة لأنها تقريبا افلست, على العموم بعد بحث طويل وجدت ان اليانز هم الأفضل , شركة محترمة جدا و مفيش لف و دوران و حقق حتخدة من غير خناق و قرف بس عبهم انهم غالين شوية بس الفرق يستاهل بجد
لسة واحد زميل واخد الشيك بتاع التصليح بعد 4 اشهر و تاريخ الصرف فى اخر ديسمبر
طيب ياجماعة انا كمان مأمن معاهم من حوالى شهرين ونص كدة.اعمل ايه بقى؟ هل ينفع الغى العقد بتاعهم واسترد فلوسى ؟ وانا حاسس طبعا ان دى استحالة ولا استنى للسنة الجاية واشوف شركة تأمين غيرها؟
افيدونى الله يكرمكم