الموضوع: استشارة هاااااامة خلاص عاوز احجز عربية suv وهتجنن

راي الشخصي سوبارو xv عربيه يابانى awd وابتاديت تمسك سعر فى resale بتاعها .يعيبها انها فقيره شويه من جوه
انا معاك ان سعرها مبالغ فيه بس ده حال كل العربيات
انا عن نفسى بفكر اشتريها او اجيب بي ام x1 كسر زيرو بس لسه محتار.

عليكم السلام ورحمة الله وبركاته
انا بقول توفر فلوسك وتشوف تيفولي اعلي فئة
كوري محترمة انتشرت جدا وليها سوق
او جيب رينجد لكن لسه جديده مفيش اخبار عنها لكن يكفيها اسم جيب
لكن سعرها علي برضه
بالتوفيق في اختيارك

انا فى نفس حيرتك بالضبط وبقالى فترة طويلة وكل لما انوى الاسعار تزيد بالعشرة الف ولكن خلاصة مقارنتى الطويلة وبعد استبعاد الاسبورتاج والتوسان لان اسعارهم هبل عليهم جدا وعفشة ناشفة جدا خصوصا الاسبورتاج وانا اساسا راكب سيراتو جنط 17 الشكل الجديد وعايز ابيعها بسبسب العفشة بتاعتها بتوجع الظهر الخلاصة كانت سوبارو اكس فى محترمة جدا يابانى بالكامل امان كامل ثبات رهيب عفشة ملبن شكلها حلو ولا هيا ضخمة زى التوسان ولا هيا صغيرة بس لازم تركب اعلى فئة فيها بالنسبة للا سعار للاسف دة حال البلد اللى عايشين فيها كل حاجة ولعت والاسعار بقيت هبل فى كل القطاعات مش عربيات بس وابعد تماما عن مواتير التربو لسة مش معروفة وعاوزة حريق جامد وكمان القشقاى والرينو هما الاتين واحد وشركة واحدة وكلها واحد بالنسبة للجيب ضغيرة شوية تقفليها محترم ويعاب عليها انها واطية شوية عللى الارض احسن حاجة لقيتها بعد مزاكرة كتير ومقارنات هيا السوبارو

انا اتفرجت عالقشقاى النهارده عجبتنى جداااا ما عدا حتة البنزين والكاسيت التاتش والكاميرا الخلفية اللى مش موجودين فيها ولازم اركبهم فى التوكيل