أفيدوني أفادكم الله بيجو 307 sw
أولاً كل سنه وانتوا طيبين ورمضان كريم
طبعاً أول مره في حياتي أشتري بيجو فبصراحه مش فاهم فيها حاجه فيه ناس بتقول عربيه محترمه وفيه ناس بتقول إبعد عنها ( ده طبعاً بعد ما بحثت عنها كتير علي النت ) بس اللي بيشكر فيها أكتر
فمش عايزكوا تبخلوا علي اخوكم بقي وتكلموني عنها شويه لأني ناوي أشتريها وأهم حاجه التكيف بتاعها محترم ولا تعبان :D
1- ممكن تفيدوني في بيجو 307 العاديه والـ sw أيهما أفضل ..؟ الموديل من 2006 لـ 2008 الهاي لاين
2- وهل هي كعربيه مميزه وقطع غيارها كويسه وتستحمل ؟؟ لأن شغلي كله عباره عن سفر ومطبات
3 - العفشه بتاعتها أخبارها إيه تستحمل معايا ولا لأ ,, لأني زي ماقلت شغلي كله مطبات وتكسير ( بس مش هاهينها :D )
4-وإيه هي عيوبها ( ولو فيه عيوب في موديل معين واختفت في موديل تاني ياريت تقولوا ويبقي كتر خيركوا)
5- سعرها تقريباً في السوق من موديل 2006 لـ 2008 لو حالتها محترمه
6- تنصحوني بإيه بقي أتوكل علي الله وأشتريها ولا تنصحوني بحاجه تانيه أفضل ؟
أسف جداً علي الأطاله ,, وجزاكم الله خيراً