Sunny Super Saloon Vs. Logan NAV فكرة عبقرية للفوز بمميزات الاثنين.. لكن هل تنفع ؟؟

ياجماعة انا محتار بين النيسان صني أعلى فئة والرينو لوجان أعلى فئة بالنافيجيتور وبعد مقارنات كتيرة لقيت الفرق كالآتي:

النيسان صني تتفوق في:
مرايات يمكن طيها كهربائياً
زرار تشغيل /ايقاف المحرك (مفتاح زكي)
واسعة جداً من الداخل خصوصا الكبنة الخلفية ويوجد فتحة تكييف للكنبة الخلفية وبسرعتين مروحة
يمكن طي الكرسي الأوسط بالكنبة الخلفية ليتحول لمسند يد به 2 حامل اكواب
شكل السيارة من الخارج فخم جداً بالذات من الامام ويعطي إحساس بالرفاهية (لكن شكلها من الخلف مش حلو اوي بصراحة)
الزجاج الخلفي فاميه (اما الامامي فهو عادي)
بيقولوا ان قطع غيارها متوفرة جداً خارج التوكيل وبسعر رخيص (بس انا بصراحة معنديش خبرة في الموضوع ده أما قطع غيار الرينو فبيقولوا انها مش متوفرة بسهولة خارج التوكيل ولو لقيتها هتلاقي سعرها مش رخيص بسبب ندرتها)


أما اللوجان فتتفوق في الآتي:
بها مثبت ومحدد سرعة speed limiter / cruise control
كاسيت يوجد به USB وشاشة 7 بوصة + نظام ملاحة بخرائط ال GPS (ويمكن تحديثها بالخرائط الجديدة وملف للنطق بالعربي والانجليزي للتوجيه أثناء القيادة)
مساحة السيارة من الداخل واسعة أيضاً والفرق بينها وبين الصني معقول (مش اصغر كتير يعني)
مساحة الشنطة 510 لتر (اما مساحة شنطة النيسان فهي 490 يعني الفرق بسيط اوي)

وبصراحة انا يهمني جداً توافر قطع الغيار وبسعر معقول علشان كده بفكر أجيب النيسان صني وعاوز أعرف منكم هل ممكن أركبلها الحاجات اللي موجودة في اللوجان ومش موجودة فيها ؟؟ يعني هل ممكن أركبلها كاسيت فيه USB وبشاشة وفيه جهاز GPS ؟؟ وياترى الحاجات دي موجودة أساساً وينفع أركبها من غير ما الضمان يروح ؟ (حتى لو هركبها في التوكيل او موزع معتمد مفيش مشكلة)
وهل يمكن تركيب مثبت ومحدد سرعة للصني أيضاً ؟؟؟

لو ده نفع هبقى جبت عربية قطع غيارها متوفرة ورخيصة وتغلبت على نقاط تفوق اللوجان اللي انا اساسا كان نفسي اجيبها بس خايف من توافر قطع غيارها.. وكمان ابقى استفدت من نقاط تفوق الصني (الزجاج الفاميه والمرايات اللي بتقفل كهربا والوسع والفخامة والمفتاح الذكي ...

أفيدوني أفادكم الله انا خلاص على وشك الشراء ان شاء الله .. وادعولي بالتوفيق للي فيه الخير ان شاء الله

بسم الله الرحمن الرحيم

الزميل الفاضل طالب النصح الرشيد

إجابتى ربما تفيدك و لكنها بالتأكيد ستكون رؤيه من زاويه مختلفه.

كان لى صولات و جولات كثيره مع مودرن موتورز (وكيل نيسان و سوزوكى) و لطالما إمتلأت صفحات هذا المنتدى بكتاباتى عن الشجار بينى و بين مودرن موتورز بما فى ذلك من تحرير المحاضر . . . إلخ.

بحسب ما رأيته منهم فإنهم يختلقون الأعذار لطرد السياره خارج الضمان و هذا بالنسبه لهم مكسب ضخم جدآ . . . رأيتهم بعينى (فنيين الإستقبال) يهربون من السياره التى بها عيب يحتاج لتغيير فى الضمان بل و يرمون مثل هذه الحالات على بعضهم البعض.

لو أنك رأيتهم عندما طردوا سيارتى خارج الضمان لمجرد أننى قمت بتغيير مسمار واحد فقط لأنه كان سبب فى أن زوايا العجل لا تنصلح أبدآ (عيب صناعه تغاضوا عنه لسنوات فإضطررت لعمله خارج مودرن موتورز) . . لو أنك رأيت الحفله التى كانت حول سيارتى من التصوير السريع بالكاميرا و الفنيين و مدير عام صيانات مودرن موتورز الذى أخذ يجادلنى فى أننى خالفت عقد الضمان بينى و بين الشركه . . . ستشعر كأنك فى حفلة عيد ميلاد و ليس فى مركز خدمه و صيانه

وفقآ لما كتبته سابقآ فلا أتوقع أن يكونوا متغافلين عن تغيير كاسيت و تركيب محدد سرعه و هى مكونات كهربائيه.

شىء آخر أود أن ألفت نظرك له . . . تركيب الكاسيت و محدد السرعه شىء إعتيادى يحدث كل يوم عند المحترفين و لا ضرر أو خوف من ذلك مادمت تقوم بالتركيب عند محترف أيآ كان . . ولكن كل ما سبق يمكن أن يتحول لكارثة إذا أسأت إختيار الأجهزه التى ستقوم بتركيبها أو الفنى الذى يقوم بالتركيب لك. . فإحذر ذلك لأنك كهرباء كل السيارات الجديده معقده جدآ و لا يستطيع أحد فهمها أو التعالم معها و إن تصور العكس.

هناك إقتراح أيسر و أسهل . . . ما رأيك فى أن تقوم بتركيب كل ذلك عندهم . . . أنا متأكد أنهم لديهم قسم للكماليات و لهذه الفكره ميزة و عيب.

الميزه: أنك لن تخسر الضمان بل ستحصل على ضمان للأجهزه الجديده التى تم تركيبها

العيب: أنك لن يكون لديك الخيار فى إختيار الماركات التى سيتم تركيبها فى سيارتك

قم بوزن الأمر فى عقلك مرات و مرات بعد الإتصال بهم و سؤالهم عن كل ما تفكر فيه . . . ونصيحه من جرب التعامل معهم قبل ذلك . . . توجه مباشرة لمركز خدمة أبو رواش أو مركز خدمة الهايكستب و أطلب مقابلة أى من فنيين الإستقبال و إبدأ بعرض فكرتك و إسمع منهم . . . ربما يكون عندهم شىء جديد لا أعلمه أنا.

هداك الله لأرشد أمرك و أقومه

السلام عليكم ورحمة الله و بركاته

من كلامك كفة الصني ارجح ليك

أخي العزيز جزاك الله خيراً .. انا اتصلت بالكول سنتر وقالولي ان عندهم قسم كماليات واكسسورارت وممكن يكون فيه كاسيت بمميزات احسن.. لكن حضرتك معاك حق.. الأفضل أروح بنفسي وأقابل مهندسين او فنيين من هناك علشان أتأكد بنفسي...
شكرا على المعلومات الهامة والنصيحة.. :tumb:

اقتباس:

---

المشاركة الأصلية كتبت بواسطة scientist9508

بسم الله الرحمن الرحيم

الزميل الفاضل طالب النصح الرشيد

إجابتى ربما تفيدك و لكنها بالتأكيد ستكون رؤيه من زاويه مختلفه.

كان لى صولات و جولات كثيره مع مودرن موتورز (وكيل نيسان و سوزوكى) و لطالما إمتلأت صفحات هذا المنتدى بكتاباتى عن الشجار بينى و بين مودرن موتورز بما فى ذلك من تحرير المحاضر . . . إلخ.

بحسب ما رأيته منهم فإنهم يختلقون الأعذار لطرد السياره خارج الضمان و هذا بالنسبه لهم مكسب ضخم جدآ . . . رأيتهم بعينى (فنيين الإستقبال) يهربون من السياره التى بها عيب يحتاج لتغيير فى الضمان بل و يرمون مثل هذه الحالات على بعضهم البعض.

لو أنك رأيتهم عندما طردوا سيارتى خارج الضمان لمجرد أننى قمت بتغيير مسمار واحد فقط لأنه كان سبب فى أن زوايا العجل لا تنصلح أبدآ (عيب صناعه تغاضوا عنه لسنوات فإضطررت لعمله خارج مودرن موتورز) . . لو أنك رأيت الحفله التى كانت حول سيارتى من التصوير السريع بالكاميرا و الفنيين و مدير عام صيانات مودرن موتورز الذى أخذ يجادلنى فى أننى خالفت عقد الضمان بينى و بين الشركه . . . ستشعر كأنك فى حفلة عيد ميلاد و ليس فى مركز خدمه و صيانه

وفقآ لما كتبته سابقآ فلا أتوقع أن يكونوا متغافلين عن تغيير كاسيت و تركيب محدد سرعه و هى مكونات كهربائيه.

شىء آخر أود أن ألفت نظرك له . . . تركيب الكاسيت و محدد السرعه شىء إعتيادى يحدث كل يوم عند المحترفين و لا ضرر أو خوف من ذلك مادمت تقوم بالتركيب عند محترف أيآ كان . . ولكن كل ما سبق يمكن أن يتحول لكارثة إذا أسأت إختيار الأجهزه التى ستقوم بتركيبها أو الفنى الذى يقوم بالتركيب لك. . فإحذر ذلك لأنك كهرباء كل السيارات الجديده معقده جدآ و لا يستطيع أحد فهمها أو التعالم معها و إن تصور العكس.

هناك إقتراح أيسر و أسهل . . . ما رأيك فى أن تقوم بتركيب كل ذلك عندهم . . . أنا متأكد أنهم لديهم قسم للكماليات و لهذه الفكره ميزة و عيب.

الميزه: أنك لن تخسر الضمان بل ستحصل على ضمان للأجهزه الجديده التى تم تركيبها

العيب: أنك لن يكون لديك الخيار فى إختيار الماركات التى سيتم تركيبها فى سيارتك

قم بوزن الأمر فى عقلك مرات و مرات بعد الإتصال بهم و سؤالهم عن كل ما تفكر فيه . . . ونصيحه من جرب التعامل معهم قبل ذلك . . . توجه مباشرة لمركز خدمة أبو رواش أو مركز خدمة الهايكستب و أطلب مقابلة أى من فنيين الإستقبال و إبدأ بعرض فكرتك و إسمع منهم . . . ربما يكون عندهم شىء جديد لا أعلمه أنا.

هداك الله لأرشد أمرك و أقومه

السلام عليكم ورحمة الله و بركاته

---

انا شايف كده برضو بس مش عارف هل فعلاً معلوماتي صحيحة ولا لأ؟؟ يعني الصني فعلاً أحسن من اللوجان من حيث توافر طقع الغيار وسعرها المعقول ؟؟ ولا أنا غلطان ؟؟؟
ياريت اي حد يأكدلي المعلومة دي لأني مبحبش ألف وأدور على قطع غيار وكده..
وشكرا

اقتباس:

---

المشاركة الأصلية كتبت بواسطة s o p h o s

من كلامك كفة الصني ارجح ليك

---

انا معايا الصنى وهتكلم عليها- بالنسبه لللوجان انا معرفش عنها حاجه

انا طلبت من السبع يركبلى الشاشه (DVD-Bluetooth- Navigation- Radio- USB) وشاشتين مسند الراْس وكاميرا خلفيه وسينسور كلفونى تقريبا 5000 بصراحه انا مش فاكر المبلغ كام بظبط- وبكدا العربيه مخرجتش بره الضمان

خلى بالك لو غيرت الكاسيت بتاع العربيه بالشاشه هتخسر المالتى فنكشن اللى فالدركسيون- مش هيكون ليهم لازمه

هو فعلا اللوجان فيها ميزه مثبت السرعه ومحدد السرعه-
انا لقيت على النت مثبت السرعه بيتباع ب280$- لسه بفكر اجيبه- فى جهاز تانى اشيك للسينترا لسه هشوف ينفع يتركب للصنى ولا لا

قطع الغيار معرفش عنها حاجه لسه
انا غيرت بلى عجل خلفى على 30000 كم فالضمان (كان تكلفته 180 جنيه + 60 مصنعيه)

سعر فيلتر الهواء 250 جنيه
فيلتر زيت 65 جنيه
جبت فيلتر تكييف صينى ب100 جنيه

انت محتاج تسمع اراء ملاك اللوجان بردوا قبل متقرر الشراء-
متستعجلش
لما تشترى اى عربيه فيهم - لازم تكون مقتنع بيها
لو تقدر تجرب تسوقهم - يمكن دا يديك انطباع احسن عنهم

اقتباس:

---

خلى بالك لو غيرت الكاسيت بتاع العربيه بالشاشه هتخسر المالتى فنكشن اللى فالدركسيون- مش هيكون ليهم لازمه

---

ازاى ده ؟؟

المفروض يجيبوا اجهزه متوافقه مع عربيات توكيلهم .. و الاجهزه بيبيعوها غاليه

ده حتى الاجهزه الصينى بيكون فيها برمجه للمالتى بعد ما تركبها .. انت جربت تشوف ال Setting فى الجهاز عندك و هل فيها اعاده برمجه ام لا

شكرا على الرد.. لكن نا مش فاهم ازاي ممكن نركب مثبت سرعة.. مش فاهم طريقة عمل مثبت السرعة اصلا.. وخايف اركبه يكون معتمد على شريحة الكترونية ويهنج وانا سايق فيلبسني في الحيط ..
ياريت لو حد يعرف فكرة عمله يشرحلي

اقتباس:

---

المشاركة الأصلية كتبت بواسطة salam100100

انا معايا الصنى وهتكلم عليها- بالنسبه لللوجان انا معرفش عنها حاجه

انا طلبت من السبع يركبلى الشاشه (dvd-bluetooth- navigation- radio- usb) وشاشتين مسند الراْس وكاميرا خلفيه وسينسور كلفونى تقريبا 5000 بصراحه انا مش فاكر المبلغ كام بظبط- وبكدا العربيه مخرجتش بره الضمان

خلى بالك لو غيرت الكاسيت بتاع العربيه بالشاشه هتخسر المالتى فنكشن اللى فالدركسيون- مش هيكون ليهم لازمه

هو فعلا اللوجان فيها ميزه مثبت السرعه ومحدد السرعه-
انا لقيت على النت مثبت السرعه بيتباع ب280$- لسه بفكر اجيبه- فى جهاز تانى اشيك للسينترا لسه هشوف ينفع يتركب للصنى ولا لا

قطع الغيار معرفش عنها حاجه لسه
انا غيرت بلى عجل خلفى على 30000 كم فالضمان (كان تكلفته 180 جنيه + 60 مصنعيه)

سعر فيلتر الهواء 250 جنيه
فيلتر زيت 65 جنيه
جبت فيلتر تكييف صينى ب100 جنيه

انت محتاج تسمع اراء ملاك اللوجان بردوا قبل متقرر الشراء-
متستعجلش
لما تشترى اى عربيه فيهم - لازم تكون مقتنع بيها
لو تقدر تجرب تسوقهم - يمكن دا يديك انطباع احسن عنهم

---

اقتباس:

---

المشاركة الأصلية كتبت بواسطة m-sabry

شكرا على الرد.. لكن نا مش فاهم ازاي ممكن نركب مثبت سرعة.. مش فاهم طريقة عمل مثبت السرعة اصلا.. وخايف اركبه يكون معتمد على شريحة الكترونية ويهنج وانا سايق فيلبسني في الحيط ..
ياريت لو حد يعرف فكرة عمله يشرحلي

---

لو جصل تهنيج .. تجيب ال N فورا .. فى طريقه تانيه انك تفرمل و تحاول تجيب نقلات اقل علشان السرعه تقل

انا افضل تجيب ال N .. و طبعا لا تعشق D تانى حتى الوقوف التام

موضوع التهنيج ده حصل و بيحصل فى ارقى السيارات اللى اكبر من انها تنزل عندنا .. لكن طبعا موش كتير اتعرضوا لكده

طبعا العربيات ذات المستوى المتدنى .. يبقى تتوقع كل حاجه فيها بمستوى متوسط بما فيها الاجهزه الاليكترونيه زى مثبت سرعه او غيره من الكماليات .. ده الطبيعى

مثبت السرعه ( Cruise Control ) من الانواع اللى بتتباع Universal و بتركب على اى عربيه .. حيكون منها الكويس و السيئ .. الانواع دى بيكون ليها كنترول خاص بيها لتشغيل مثبت السرعه و بعض المكونات اللى بتركب سواء على البدال او الموتور .. و كمان بتختلف حسب نوع البدال عندك ( بدال كهرباء او سلك عادى ) .. و فى جميع الاحوال انا لا احب حاجه زى دى

يعنى فقط ممكن افكر فى مثبت سرعه لو تكون العربيه بينزل فيها الاوبشن ده حتى لو موديل اعلى .. و اشترى قطع الغيار الاصليه و احاول اشغلها عندى

اقتباس:

---

ياريت لو حد يعرف فكرة عمله يشرحلي

---

الفكره العامه .. انت بتوصل لسرعه معينه 100 مثلا .. تشغل المثبت ( مثلا زرار اسمه Set ) هو بيأخذ متوسط السرعه فى اللحظه دى و يثبت السرعه على كده .. و انت خلاص بترفع رجلك من على البدال ..

لو دوست فرامل او بنزين .. مثبت السرعه يفصل فى نفس اللحظه .. و العربيه تنقذ المطلوب سواء فرمله او زياده سرعه

لو حبيت ترجع للسرعه اللى انت ظابطها سابقا .. بتدوس على الزرار المناسب لذلك .. العربيه تفرمل او تزود السرعه ( حسب سرعتك الحاليه ) علشان توصل لسرعه 100 المظبوطه سابقا

لو عايز تلغيه تدوس على الزر المناسب للالغاء

لو فرق السرعه كبير .. فيه عربيات بيكون تسارعها عالى لغايه ما توصل للسرعه المظبوطه سابقا .. مثال سرعتك الحاليه 70 و المثبت مظبوط 120 فيه عربيات بتتسارع بشده مع الفرق الكبير ده ( كانها قياده رياضيه .. يعنى العربيه بتنزل نقله او نقلتين حسب السرعه الحاليه و ال ار بى ام بيكون عالى ) .. موش كل العربيات كده

و مثلا سرعتك الحاليه 100 و المثبت مظبوط 120.. حيكون التسارع ببطئ نسبيا