انا سايق ع التالت وداخل على مطب المفروض ادى غيار ع الاول لحد ما اعدى المطب ولا اخف رجلى من ع البنزين يا ريت حد يفهمنا نعمل ايه قبل المطب وبعد المطب
وسامحونى
عرض للطباعة
انا سايق ع التالت وداخل على مطب المفروض ادى غيار ع الاول لحد ما اعدى المطب ولا اخف رجلى من ع البنزين يا ريت حد يفهمنا نعمل ايه قبل المطب وبعد المطب
وسامحونى
وانتى داخل على المطب 10 متر كده مور العربيه وخليها تعدى المطب وانتى مهدى وتعدى المطب تديها التانى على طول لان الاولانى لازم العربيه تكون واقفه بعد المطب التانى احسن جرب لحد ماتتعود
جزيل الشكر لك اخى محمد الدسوقى وجعله الله فى ميزان حسناتك
ولكن اخى محمد العربية بتبطل منى فى اغلب الاوقات وخصوصا بعد المطب لانى وزى منتا عارف لسه الف باء فى السواقة وفى حاجات كتير مش فاهمها اللى بيحصل انى ساعات اكون ماشى ع التانى او التالت واخد المطب وانا على هذه الحال يدوب اخف رجلى من على البنزين وغالبا العربية بتبطل
السؤال هل ده نتيجة غلط منى ام لا قدر الله فيه مشكلة فى العربية ارجو التوضيح منك اخى محمد ومتابع معاك باذن الله
وشكرا على اهتمامك
طبعا العيب من رجلك وبعدين انتى مستعجل ليه السواقه محتاجه ممارسه بمعنى مرمطه فى الشوارع وشويه شويه هتبقى حريف ولو العربيه بطلت منك عليها سنه صغيره لحد مارجلك تتعود ؟انتى فكرتنى ياسعد انا اتعلمت السواقه فى ورشة خالى ميكانيكى الله يرحمه واتعلمت لوحدى واول عربيه سوقتها الفولكس الخنفسه وكان عندى 11 سنه وكنت خايف ولفيت لفه صغيره من اول الشارع لاخره وبعديها بشويه سوقت بويك امريكى الفيتيس فى الدركسيون وبعد كده سوقت عربية ولدى رحمه الله مازدا 323 اصله كان فى الجيش وسرقت المفتاح بليل وسوقتها وكله نايم اصلى كنت شقى فى الصغر ؟الحمدلله 45 سنه وياعالم الدنيا على فين ؟انا بقولك خبرة سنين والادا اول عربيه لي انتى بس شويه شويه وهتتعلم لوحدك انتى وبس ربنا يوفقك وانا متابع
والله يا استاذنا انا مشكلتى انى مندفع وعايز الحاجة تحصل بسرعة رغم انى بتمتع بشخصية حذرة يعنى لما اسوق فى الشارع باخد بالى كويس جدا من الناس والعربيات وبفضل الله من ساعة ما اشتريت العربيه محصلش حاجة تذكر غير القليل والفضل لله
لكن مشكلتى انى لحد الان مش عارف اظبط رجلى ما بين البنزين والدبرياج هى دى المشكلة لدرجة ان العربية ودا غالبا بيحصل بعد كل مطب بتنعر منى وصوتها بيعلى وانا عارف ان الغلط منى لكن اعمل ايه بخاف من العربيات اللى ورايا كلاكسات وانت فاهم فبدوس ع العربية واحمل عليها عموما احنا بنتعلم والحمد لله كل يوم فيه جديد وربنا يستر وشكرا لك على المتابعة
السواقة ممارسة، لا تقلق ابدا
ظبطة رجلك علي البنزين هتيجي مع الوقت
انت لو دخلت علي المطب و انت علي التالت لازم تبطل منك. الصح انك تهدي قبل المطب يعني تدوس ديرباج و فرامل و تهدي واحده واحده و قبل المطب علي طول هتكون سرعة العربية مناسبة انك تجيب الاول و تبقي جاهز اما العجل الامامي ينزل من المطب تحرك العربية عشان تطلع العجل الخلفي بالراحة و تكمل عادي بعد كده.
شكرا لكم جميعا