كل عام وانتم جميعا بخير....عندي استفسار بنتي مسافره الكويت علي مصر للطيران مبني 3....عوزه وصفه تدخلني من غير ما الف من اول ما اخد كوبري المطار... وشكرا لحضراتكم
عرض للطباعة
كل عام وانتم جميعا بخير....عندي استفسار بنتي مسافره الكويت علي مصر للطيران مبني 3....عوزه وصفه تدخلني من غير ما الف من اول ما اخد كوبري المطار... وشكرا لحضراتكم
لو جاي من نحاية النادي الاهلي و طالع كوبري الكيلو 4.5 انزل منه و كمل على طول هتلاقي بافريا على يمينك، كمل على طول هتلاقي بنزينة وطنيه على يمينك كمل بردو هتلاقي داخله المطار على اليمين
هتدخل الدخلة دي و تكمل لحد اخر الطريق ده و اجباري يمين، كدة انت عند كارته المطار
ادخل المطار و كمل على طول هتفوت صالة المواسم على اليمين و بعدين هتلاقي الطريق بيتقسم يا يمين قوي، يا يمين خفيف، يا على طول
ادخل اليمين قوي هتلاقي قدامك الطريق بيتقسم يمين سفر و شمال وصول امسك يمين هتلاقي نفسك قدام الصاله
اشكرك جدااا استاذ جبريل ...بس معلش انا حكون وخده كوبري المطار طريق صلاح سالم....امشي علي نفس الوصفه كده
لا طبعا حضرتك مش هاتمشي علي نفس الوصفه
لان الوصفه دي لو حضرتك جايه من اتجاه مدينه نصر
لو من صلاح سالم فا هايبقي طريق تاني
انا رحت صاله 3 من صلاح سالم زيك بالظبط ماتقلقش اليفط هناك واضحة جدا وبتوديك بالظبط عندها
انا كنت برضه دي اول مرة اروحا ورحتها ومكنش فيه مشاكل