الموضوع: مشكله جنحه من غير ماعرف

ده ايه وجع الدماغ ده !!!
ربنا يعينك ويعديهالك على خير

المشاركة الأصلية كتبت بواسطة yaserbasha2000

ربنا يستر ... موضوع الاستعلام ده قالقني شخصيا

فيه زميل ليا رايح يرخص عربيه زيرو و مبسوط ... ندهه امين شرطه في المرور و قال له كلم الباشا... لقاهم بيقولوا له ان عليه 5 احكام كل حكم بشهر حبس 5 قواضي مش عارف ايه ... و هوب سحبوا موبايله و كلبشوه و رحلوه لولا ان كان معاه واحد قريبه بيخلص معاه الترخيص مكانش حد عرف انه اتقبض عليه اصلا .

بعد ما راح القسم و قريبه شاف محامي لقوا قضايا محدش يعرف عنها حاجه بنفس اسمه الثلاثي و عنوان (مفيش رقم شارع او بيت)

القضايا طلعت ضرائب عقاريه.... اتاري زميلي ده جاله وصل عوايد عقاريه عن شقته بمبلغ 400جنيه و دوحر شويه مع الموظف فالباشا معجبهوش عمله 5 محاضر عدم سداد و طبعا عنوان مبهم فمفيش اخطارات و لا كلام من ده.

طبعا اتبهدل و قضي يوم بليله في الحجز علي ما المحامي عمل معارضه و خرجه .

فربنا يستر من القضاء المستخبي

المشكله في البلد المتخلفه دي انك ممكن تشيل قضيه بالاسم الثلاثي وتشابه العنوان
مفيش رقم قومي
مفيش اسم رباعي
وحلني بقي ان عرفت اثبت ان انا مش انا