معي سياره جديده عايز اعمل تامبن عليها فهل فيه انواع من التامين وايه اقضل نوع وايه افضل شركة بيقولوا الجمعيه المصريه بس سامع كلام عليها وعن مشاكل فيها فارجوالمعرفه ولكم جزيل الشكر
عرض للطباعة
معي سياره جديده عايز اعمل تامبن عليها فهل فيه انواع من التامين وايه اقضل نوع وايه افضل شركة بيقولوا الجمعيه المصريه بس سامع كلام عليها وعن مشاكل فيها فارجوالمعرفه ولكم جزيل الشكر
أولا.. الف مبروك علي العربية
ثانيا .. بالنسبة للتأمين يفضل أن يكون شامل بدون نسبة تحمل و ضد خطأ الغير و ضد خطأك أنت
معلش هو بيكون غالي شويتين بس لاقدر الله لو حصل حاجة بيغطيك
اما بالنسبة لشركات التامين فعندك :
- مصر للتامين : أنا كنت مؤمن معاهم قبل كده
- الجمعية المصرية : أنا حاليا معاها و هأقولك اذا كانت كويسة و لا لأ خلال الاسبوع ده لاني لسه عامل حادثة النهاردة و هأبدا مشوار الاصلاح معاهم
- فيه برضه كونتاكت بأسمع أنها كويسة بس ماجربتش
و ربنا يوفقك و يستر طريقك
ابعد تماما عن الجمعية المصرية , لو عايز شركة محترمة بجد روح أليانز , التامين الشامل عندهم ب 2.5 % , غالى شوية بس حتريح بالك تماما إن شاء الله
الف شكرللاخوه الافاضل
طيب بالنسبة للعربيات المستعملة بيقيموا سعرها على اى اساس
هو 2.5% ده غالي ...انا ما أعرفش , أفيدونا أفادكم الله أنا لسه كنت ناوي على كونتاكت بس ع الموقع بتاعهم 3 % ....ومش كاتبين حتى انه شامل ولا لأ و أدي اللينك بتاعه http://www.contactcars.com/contactclub.asp
يا ريت من اللي عارف عن تجربه أفيدونا أفادكم الله
انا لسة مأمن عندهم و لسة مجربتهمش شخصيا بس ليا اصحابى جرابوهم و خدو الشيك فى خلال 5 ايام و من غير لف ولا دوران , بالنسبة لقيمة التامين الشامل 2.5 % انا معرفش دة السعر العادى ولا لأ لأن انا مامن معاهم عن طريق المعرض الى شارى منة العربية و مش عارف اذا كان دة سعر خاص للمعرض ولا دة السعر الطبيعى