مساعدة تركيب فتيس اوتوماتيك لشيرى انفى 2017

**engphp** · 15-06-2016 01:44 PM

اصدقائى فى نايل موتورز

هل يمكن تركيب فتيس اوتوماتيك لسيارة شيرى انفى موديل 2017

و هيكلفنى كم !!
و احسن مكان يقوم بالموضوع فين !!

**tasaka** · 15-06-2016 04:03 PM

حرام علشان تبهدلها كده .. دى العربيه زيرو

احتمال كبير الضفيره موش مناسبه .. و تلغى بدالات .. و تغير لوحه العدادات .. و الكنسول علشان العصايه .. و يا عالم الكمبيوتر حيكون بيدعم ام لا ؟؟

و ما اكثر الميكانيكيه اللى يقول لك اعملها لك .. و فى اثناء الشغل بعد ما الدنيا تخرب .. يقول لك غير دى و غير ده .. الخ

و ممكن تصرف كتير جدا ( فيه ردود فى المنتدى عن التكلفه بصفه عامه .. بيتكلموا فى 10 الى 12 الف .. ده لعربيات عاديه مستعمله ) .. و طبعا العربيه راحت قيمتها وقت البيع

**Mohamed Desoky** · 15-06-2016 06:28 PM

المشاركة الأصلية كتبت بواسطة engphp

اصدقائى فى نايل موتورز

هل يمكن تركيب فتيس اوتوماتيك لسيارة شيرى انفى موديل 2017

و هيكلفنى كم !!
و احسن مكان يقوم بالموضوع فين !!

طلع الفكره دى من دماغك انا اصلا ميكانيكى وبقولك لازم العربيه تنزل من بلادها اوتوماتيك بلاش تلعب فى اساسيات العربيه لان الموضوع مكلف عايز اوتوماتيك بيع وهات اوتوماتيك بس لمعلوماتك الاوتوماتيك فى العالم المانى ويابانى بس الباقى اى كلام ؟

**ARKOON** · 15-06-2016 11:48 PM

الاوتو فيها ما يركبش الا على محرك 1.8 لتر غير كدا هتموت عزم العربية .

**Mohamed Desoky** · 16-06-2016 12:41 AM

المشاركة الأصلية كتبت بواسطة ARKOON

الاوتو فيها ما يركبش الا على محرك 1.8 لتر غير كدا هتموت عزم العربية .

انا متفق معاك ان الاوتوماتيك لازم محرك مش اقل من 1800 او 2000 وانتى طالع علشان قوة السحب وتحريك وزن السياره وانا ملاحظ فى كل محركات 1600 اوتوماتيك فى الكيا سبورتاج والنيسان جوك وعربيات كتير قوة عزم الموتور ضعيفه ؟ودى نقطه مهمه وزن السياره فارغ كام ؟فى المنول 1600 كويس لكن الاوتو لازم محرك اكبر ؟والانفى وزنها فارغ طن 300 كيلو وهيا واقفه على الارض بس والفيرنا وزنها 900 كيلو وده اللى بيخلى تسارع الفيرنا اقوى لان وزنها خفيف وده اللى الشركات بتعمله بيخف من وزن السياره اكيد ده هيزود سرعة السياره ؟المهم علشان الموضوع طويل الانفى نازله الخليج اوتوماتيك نفس المحرك 1500cc وده طبعا بيخلى العربيه الاوتو تقيله فى بدايه التسارع وrbm بيعلى شويه عن المنول ؟علشان كل ده لازم العربيه تبقى نازله من المصنع اوتوماتيك لانها بتختلف فى الكهرباء وكنترول واكيد العفشه مختلفه لان كل تحميل الاوتو على الفرامل والطنابير ودى اكتر حاجه بتستهلك على مستوى جميع السيارات الاوتوماتيك فى العالم ؟هيا العربيه الانفى حلوه على كده ؟

**Colin Chapman** · 16-06-2016 01:09 AM

المشاركة الأصلية كتبت بواسطة engphp

اصدقائى فى نايل موتورز

هل يمكن تركيب فتيس اوتوماتيك لسيارة شيرى انفى موديل 2017

و هيكلفنى كم !!
و احسن مكان يقوم بالموضوع فين !!

انور سلامه تعديل اوتوماتيك | فيسبوك - Facebook
https://ar-ar.facebook.com/people/ان...00007575512071
انور سلامه تعديل اوتوماتيك موجود على فيسبوك. انضم إلى فيسبوك للتواصل مع انور سلامه تعديل اوتوماتيك

**Colin Chapman** · 16-06-2016 01:12 AM

تحويل اوتوماتيك \تعديل موتير \ تركيب... - انور سلامه تعديل ...
https://www.facebook.com/permalink.p...59031589932&id...
تحويل اوتوماتيك \تعديل موتير \ تركيب تيربو \ تعديل عفشه\ تركيب باور \ تركيب abs كل اليزعلك من عربيتك قادرون على حله.