الموضوع: مستعمل e46 318 ام 407 ام سيفيك ؟

كمواصفه فنيه للعربيه

المقارنه الاوليه ستكون بين العربيتين ال 2000 سى سى

https://www.ultimatespecs.com/car-sp...ries-318i.html

https://www.ultimatespecs.com/car-sp...t-407-20i.html



مواصفه الموتور
- القوه ( عدد الاحصنه ) متقاربه تزيد 3 احصنه الصالح البى ام 143 حصان
- العزم متساوى و لكن استخراج العزم على دورات اقل ب 250 دوره لصالح البى ام
- نسبه الانضغاط لصالح البى ام 10.2 :1 و دى تسمح ببنزين 92 .. البيجو نسبه الانضغاط 10.8 يعنى انضغاط عالى سيحتاج بنزين 95
- الدفع امامى للبيجو بعكس البى ام


الاداء
- السرعه القصوى لصالح البى ام بفارق 5 كم\س .. بى ام 218 كم|س
- التسارع لصالح البيجو بفارق ضئيل .. 0.2 من الثانيه .. من صفر الى 100 فى 9.1 ثانيه ؟؟ ( قد يكون رقم غير صحيح )

السبب ان نسبه الوزن للقوه هو لصالح البى ام بفارق كبير .. البى ام 9.05 kg/hp البيجو 10.73 kg/hp .. فمن المفترض ان يكون التسارع لصالح البى ام .. الا اذا كانت نسب التروس هى التى اعطت الافضليه للبيجو او الانسيابيه العاليه ( 0.29 للبيجو ) و غير مذكور رقم الانسيابيه للبى ام

- الوزن لصالح البى ام بفارق كبير جدا 1295 كجم .. مقابل 1502 كجم للبيجو .. الفارق اكثر من 200 كجم
- استهلاك البنزين بفارق كبير جدا جدا لصالح البى ام .. 7.2 لتر لكل 100 كم للبى ام .. مقابل 11.1 لتر لكل 100 كم للبى ام للبيجو .. و من وجهه نظرى رقم البيجو غير مقبول لهذه الفئه ذات التقنيه العاليه


المقاسات
- المقاسات الخارجيه لصالح البيجو بفارق طول 20 سم .. و الاهم بفارق عرض 7 سم كامله
- لكن طول قاعده العجلات للسيارتين متساوى 272 سم .. و هذا يعنى ان الصالون سيكون متقارب و لكن بعرض اكبر لصالح البيجو


الامان
- البى ام تقييمها 4 نجوم فى اختبارات الامان الاوروبيه و لم اجد تقييم للبيجو ( يمكنك البحث عنه )



الخلاصه
- من المقارنه يتضح تفوق البى ام .. فى القوه الحصانيه و استخراج العزم على دورات اقل و نسبه الوزن للقوه و السرعه القصوى .. و تفوق واضح جدا فى استهلاك الوقود مع امكانيه استخدام بنزين 92 للبى ام .. على عكس البيجو التىمن المرجح ان تحتاج بنزين 95 لنسبه الانضغاط العاليه لها

ما شاء الله tasaka قارن مقارنة ما فيش بعدها ف واضح ان الافضلية للبيجو و ان كنت اعتقد ان ال بيجو هتكون اوسع بكتير و دي الميزة الوحيده في نظري. نقارن بقي بين ال هوندا و ال بي ام هتلاقي ميزة ال هوندا انها جراية شوية عن ال بي ام و حالتها المفروض تكون احسن و اعتماديتها اكتر.

المشاركة الأصلية كتبت بواسطة svneleven

ما شاء الله tasaka قارن مقارنة ما فيش بعدها ف واضح ان الافضلية للبيجو و ان كنت اعتقد ان ال بيجو هتكون اوسع بكتير و دي الميزة الوحيده في نظري. نقارن بقي بين ال هوندا و ال بي ام هتلاقي ميزة ال هوندا انها جراية شوية عن ال بي ام و حالتها المفروض تكون احسن و اعتماديتها اكتر.

الحاجه الوحيده اللى انا متأكد منها بدون مقارنه ان شاء الله .. ان الهوندا حتكون 5 نجوم فى اختبارات الامان الاووبيه .. مستغرب ان البى ام 4 نجوم بس

تحياتى و تقديرى

ان كنت اعتقد ان ال بيجو هتكون اوسع بكتير و دي الميزة الوحيده في نظري

المقاسات النظريه موش شرط انها تعطى وسع حقيقى داخل الصالون .. ممكن الابواب منفخه .. فرش الابواب سميك .. ال Dashboard عريضه اوى .. سمك الكراسى كبير

بس الشيئ الاكيد ان فرق العرض حيكون واضح

هى العربيلت دى لاستعمال مصر ؟ ام فى الخارج