عفشه الياريس ... وأشياء أخري
ياريس أوتوماتيك 2008 .. عامله لحد دلوقتي 160 ألف كيلو .. ما شاء الله ?????? .. كل الصيانه في التوكيل كل 10 الاف كيلو .. وكل حاجه بغيرها في معادها زي ما الكتاب بيقول .. بس مؤخرا بقي عندي كام مشكله مش عارف اعمل ايه فيهم .. انا من الناس الي بتحافظ جدا جدا علي عربياتهم .. وبقعد أحنتف كده ولو في اي صوت او حاجه لا قدر الله باظت بعملها علطول. بس المره دي انا مش عارف الحل ايه:
1- في هزه بتيجي علي السلانسيه وانا مشغل التكييف .. وأحيانا من غير التكييف .. أنا شاكك في قواعد الموتور .. أو كميه الهوا الي داخله للموتور .. أنا هستني الصيانه الجايه بس محتاج اعرف ايه الي اخليهم يبصوا عليه؟
2- في صوت ترزيع جامد جدا في النص الامامي .. مع اي ارض مكسره .. وفي المطبات بحس ان العربيه بتتهبد جامد .. انا عاوز اكشف علي العفشه بس عند حد فاهم كويس .. وعاوز اعرف ايه الحاجات الي اقوله يكشف عليها عشان مش عاوز يضحك عليا .. العفشه الي راكبه هي بتاعت الفبريكا .. أروح لمين بتاع عفشه فاهم كويس أوي وهيكشف علي كل جزء .. بدايه من علبه الدريكسيون .. المقصات .. البطاحات .. البارات .. المساعدين .. طيش الميزان .. عاوز حد فاهم؟ ويستحسن لو في 6 أكتوبر
3- صوت العزل عن الطريق بقي سئ جدا .. الكاوتش عامل في حدود 50 ألف كيلو .. هو ده السبب؟
4- في صوت تحت العدادات لنا بمشي علي أرض مكسره .. حد حصل عنده حاجه زي دي ؟
5- الدرج الصغير الي تحت الدريكسيون علي الشمال .. القفل المعدن الي بيقفله وقع في مغسله العربيات .. ودلوقتي بقه مفتوح علطول ومضايقني .. أجيب القفل ده منين؟
6- الحلقه الي بتتشد عشان أقفل الكراسي الي ورا وافتح الشنطه علي الصالون .. الاولاد فكوه وضاع .. ومش لاقيه في اي حته.
7- مين الاقي عنده قطع غيار للعفشه بسعر رخيص ؟ تويوتا أصلي .. ولو في انواع بنفس الكفاءة وأرخص ياريت حد يقولي
8- لو فكرت أبيع العربيه وأزود وأجيب فلوانس أو سياز .. الموضوع يستحق خصوصا ان الفرق هيكون كبير ولا بلاش ؟ والياريس تجيب كام دلوقتي ... هي فبريكا بره وجوه .. 160 الف كيلو كل الصيانات بالفواتير في التوكيل ... هاي لاين .. 2 ايرباج .. 4 زجاج كهرباء .. سبويلر .. فرامل abs
