عرض للطباعة
اية الفرق بين انفى 2016
انفى 2017
انا رحت اشترى و اتفرجت و ركبت العربية انفى 2017 و لقيت فيها 4 سماعات
اثنين ورا و اثنين قدام
و كان فية عضو هنا قال ان العربية بتنزل سماعتين بس و الى ورا مفتوح مكانهم لكن مش موجودين
و هل فرض العربية و الصالون بتاعها كلة رمادى و لا ممكن الاقى الوان بيج او جملى فى الصالون فى الوان العربية التانية
انا لاحظت ان الفيرانى و الفضى لون الصالون رمادى داكن
و ياريت لو حد عنده صور اللون النبيتى بتاعها
او اقترحوا افضل لون ليها
شكرا
باشا في منها فرش صالون بيج
اشيك واجمل بكتييير من اللون العادي
اتأكد ان السماعتين موجودة افتح الشنطة وبص على المغنطايس راكب ولا لا
فين الاقى الى فرشها بيج و نوعها و موديلها هيكون ايةاقتباس:
المشاركة الأصلية كتبت بواسطة abo_salah
الفرش البيج دا في موديلات التقفيل الصيني وموديلات 13 بس لكن من اول موديلات 14 تقفيل محلي الانتريور لون اسود او رمادي لو نكون ادق في الكلام والبيج بيتبهدل بسرعة دا ملاحظتي عليه .
البيج فعلا بيتبهدل بسرعه خصوصا لو فى اطفال صغيرين واحنا لينا الموجود فى غبور مجبرين طبعا على العموم اللون مش مشكله جوهريه المهم هيا اخبارها ايه فى المشى والصيانه ؟اقتباس:
المشاركة الأصلية كتبت بواسطة arkoon
هوا اللون النبيتي تحفة بصراحة والانتريور الرمادي كمان لايقين على بعض وبالنسبة للمشي العربية كويسة وثابتة عيبها العفشة ناشفة الصيانة خليك مع التوكيل وقطع غيارها متوفرة برا 85% من أختها الكبيرة a516 تركب عليها كمان المحرك بيركبله قطع غيار من عربيات تانية بس انت جايب زيرو يبقى تعاملك مع الوكيل واشترى راحتك.
والله مع احترامي لكلام حضراتكم
انا لسه اول شهر 5 اللي فات
شوفت عربيتين في معرض غبور اللي عند نادي هليوبليس اللي جمب البنزينه مش اللي جمب الاشاره
انفي واحده لونها احمر بفرش بيج
والتانيه بعدها بكام يوم كان لونها فضي بفرش بيج
والاتنين موديل 2017
والفضي كانت مقفوله عشان صاحبها المفروض كان هايستلمها تاني يوم
حضرتك ممكن تكلم غبور او تروح اي معرض شيري وتسال هناك اللون ده لسه موجود ولا لا
بس اعتقد هايكون موجود لانه اشيك بكتييير جدا من الصالون الاسود
عدادت التابلوه في موديل 17 لونهم ازرق لاحظ دا عند استلامك للسيارة
هو مش ممكن العميل يطلب من التوكيل لون الصالون مثلا رمادى ولون السياره الخارجى مثلا فضى هل ينفع ان الوكيل يرضى كل العملاء فى ازواقهم حتى لو بلحجز لشهر اوشهرين لحد مايستلم لون هو بيحبه هل ينفع ؟؟؟؟؟؟؟؟؟؟؟
هههههههههه التوكيل يسلمهم عربيات سليمة مفهاش عيوب الاول وبعدين نشوف موضوع الالوان والازواق ولا اي رايك يا أ/ محمد :)اقتباس:
المشاركة الأصلية كتبت بواسطة mohamed desoky
الموضوع دا في العربيات العالية بس بتختار لون فرش العربية ونوعية الجلد ومقاس الجنط وشكله واللون الخاري لو عاوزة ميتالك او عادي وكل دا بيتم اضافته للفاتورة .
مرسيدس و بي ام دابليو هما الى عندهم الكلام دا دا غير ماركات تانية مش بتمشي على الاراضي المصرية .
انا اسف يااركون انا نسيت انى عايش فى مصر ؟كنت ناسى تقريبا بحلم فى بلد ماتت فيها الاحلام ؟اقتباس:
المشاركة الأصلية كتبت بواسطة arkoon
بس ممكن تعمل اللون الي يعجبك عند السروجي الى يعجبك وبالخامات الى تختارها وكله بفلوسك :)اقتباس:
المشاركة الأصلية كتبت بواسطة mohamed desoky
مش معضلة وربنا يكرم الجميع .
فى اوربا والدول المتقدمه هاها؟ فى الشركات الكبرى اسمع ان عندهم فندق خاص بلمصنع والعميل يتفرج ويختار كل شئ فى السياراه والعميل بيتفرج على كل مراحل تصنيع عربيته من او الصاج لحد مايركب العربيه هل الكلام ده حقيقى وله فنكوش ؟اقتباس:
المشاركة الأصلية كتبت بواسطة arkoon
عندنا اول مابنشترى العربية بنغطى فرش الفبريكة مهما كان عشان تفضل ماسكة سعر
بيفكر فى سعر اعادة بيعها وهو لسه شاريها امبارح
رأيي تسأل وتشوف المتوفر وتوكل على الله
واستمتع بعربيتك وربنا يباركلك فيها
ولما تيجى تبيعها يبقي يحلها الحلال
والله كلام عين العقل
فعلا احنا بنفكر فى اعادة بيع من قبل منشترى
بس ان شاء الله هعملها فرش و هظبتها
بس استلم عشان انا خلاص بقيت على اخرى
انشاءالله تستلم وتفرح وتعمل لينا تقرير عن المبروكه انفى ولعلمك انا بحب التيجو ونفسى فيها ادعيلى ؟اقتباس:
المشاركة الأصلية كتبت بواسطة engphp
اتأكدت من موضوع السماعتين الى ورا ؟؟ عشان العربية سماعتين بس !!اقتباس:
المشاركة الأصلية كتبت بواسطة engphp
وكمان لون العداد ازرق شبيه الإميجراند في موديلات 2017