أولا كل عام والامة الاسلامية بخير دايما يارب بمناسبة الشهر الكريم

ثانيا بشكر كل الأعضاء والقائمين علي المنتد
ي العظيم ده اللي أستفدت منه ومن أعضاؤه كتيييير وانا علي فكرة متابع المنتدي من زمان ومسجل عليه بس للاسف التسجيل القديم مش راضي يفتح معايا خالص ومش قادر افتكر الباسورد ولا باسورد الميل كمان علشان كده سجلت جديد ودي اول مره اعمل مشاركة فيها وقولت لازم انقلها علشان لو حد فكر يجرب يشوف الاول

انا معايا عربية نوبيرا 1 97 الفوجات اللي كانت فيها كانت ضااااايعه خالص يعني العواكس او القمره اللي جوه الفوج كانت مصديه بمعني الكلمه صدي المهم هوب الباغة الازاز جت فيها طوبه واتكسرت والوش التاني كان مشرووخ يعني الفوجات عايزة تترمي من الاخر المهم قولت هاغيرهم وكنت في التوفيقيه جت في بالي اني اسال علي وشاش ليهم ودخلت شركة الأهرام سالته قالي لسه جايين طازة ادالي باغتين تايواني الصنع ممتازييين سعر الواحده 30 جنيه المهم قولت لازم اجرب التنكيل وانا مش بسكت بحب الافتاكاسات روحت جيبت سبراي نيكل كروم ازازه 200 ملم ب 20جنيه المهم فكيت الفوجات وفتحتهم وخلعت العواكس المصديه وش وضهر من اماكن تثبيتهم في هيكل الفوج وجبت سنفره وابتديت اسنفر جامد كل عاكس اخد معايا نص ساعة سنفره من كتر الصدااااا اللي كان فيهم المهم خلصتهم وغسلتهم كويس بالمياه ونشفتهم وكده واقفين علي الرش المهم جتلي فكره اني اجيب حاجه تدي لمعه للعاكس اكتر مع الاسبراي وجبت بودره لميع من اللي بتتحط علي البويات او اللي بيتلف بيها الهدايا في علب صغيره كده العلبة ب جنيه واحد وبالفعل رشيت العاكس الاول الضهر وبعدين قلبته ورشيت الجزء اللي بيعكس الضوء وبعدين علطول جبت البودره علي ورقة وبدات انفخ فيها براحة علشان تطير وتلزق مع الاسبراي لما ينشف وبالفعل بقت تحفه المهم سبتهم نشفوو ورجعت العواكس مكانهم في الفوجات وثبتهم وركبت اللمبتين ونزلت جربتهم قبل تقفيل الباغات عليهم ليه علشان اضبط رجلاشهم بسهوله واثبته علي الوضع اللي انا عايزه وفعلا ظبطهم ولزقتهم علي افضل وضعيه من رأي وبعدين طلعت فغلتهم كوييس بالسيلكوون وسيبتهم نشفووو وبعدين نزلت ركبتهم بقوو حلوويين اوي هما طبعا عمرهم ماهيبقو زي كفاءة الجداد لان عمر التنكيل العادي ماهيبقي زي الاصلي بتاع الشركة ابدا بس النتيجة مرضية جدا جدا بالنسبة ليا

الأدوات اللي استخدمتها : اسبراي نيكل كروم/ 2علبة بودرة لميع من محلات الحدايد والبويات او المكاتب / انبوبة سيلكون طبعا / سنفره بس علشان القمرات عندي كانوو مصدييين

طبعا ماانصحش حد يكون العواكس عنده سليمة بس يعني طافية شوية ويقول اجرب الرش عمره ماهيكون زي الاصلي ابدا انسي ولا انا طبعا ممكن اعمل كده ابدا في الفانوسين الكباار اللي فووق لاااا دول مش مجال للتجربة خااالص انما كل الموضووع اني قولت اجرب في حاجه كده كده بايظه والحمد لله رجعو شبه زيروو

اهم حاجة ان الناس تكون عرفت شركة الأهرام اللي بتنزل اوشاش لفوانيس العربيات وبتعمل اوشاش صب لو فانوس نادر او مش موجود ليه وش تقريبا معظم الانوااع وانا كنت جايب منهم وش فانوس للي ورا خامة مصري ده اللي كان متاح هو فعلا شكله مش حلو بس علي اد فلوسه 35 جنيه ولقيت عندهم وش فانوس ادام صيني بس نضيف اووي ب 100 جنيه طبعا الحاجات دي تنفع لو حد فانوسه اتكسر من الباغة واللزق مش حل فيه ده غير شكله اللي مش ظريف خالص والميزه عندهم ان الخامات مختلفه لبعض انواع الوشاااش يعني انت وحظك ياتلاقي المصري وحاجة تانية انضف وطبعا اغلي يااما المصري بس


انا والله مش بعمل دعاية لحد بس بقول المنفعه للكل وحتي قولت للراجل هات قائمة الشغل اللي عندكم قالي مافيش قولتله مش بقول علي اسعاار قالي مافيش برده المهم شركة الاهرام في التوفيقية شارع الشيخ سيد درويش تليفونهم/0225757534 تقريبا سابع محل علي ايدك اليمين وانت داحل او اسال اي حد هيدلك علي طوول لانها مشهورة ويارب يكون افادتكم