-
تغير جميع زيوت العربية
لو سمحتم انا لسة شارى عربية سيراتو 2013 الشكل القديم من شهر
العربية عملة 52 الف كيلو
وعايز اعمل ليها سيرفيس واغير كل الزيوت والسوئل
أولا زيت الماتور اغيرة ل اية ؟ اية افضل نوع ؟ ونسبة لزوجة كام ؟
ثانيا زيت الفرامل ؟
ثالثا زيت الباور ؟
رابعا مياة الرديرتير ؟
اية افضل حاجة . كا أنواع و نسب
كمان لو ممكن عايز مكان او أماكن اغير فية الحاجات دى و انضف مكان الزيوت القديمة ؟ في القاهرة
اخر شى العربية عندى بتسحب بنزين كتير يعنى عامل 160 كيلو ب 25 لتر بنزين
دة عيب اية ؟
ناس قلتلى اغير الزيوت والبوجيهات و انضف الرششات والبوابات
الكلام دة صح ؟
ولو صح اعملة فين ؟
-
لو كتالوج العربية مع حضرتك يبقى وفرت عليك وعلينا مجهود كبير..
عموما... الكتالوج موجود على النت.. بس بتاع كندا.. وغالبا هيكون فيه اختلافات عن الكتالوج بتاع الشرق الأوسط.
...
-
للاسف مش معايا الكتالوج
كمان انا عربيتي خليجي
-
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
-
أنا آسف جدا إني اتأخرت في الرد.. سامحني بس حضرتك عارف رمضان وقته ضيق شوية..
طيب... مبدئيا .. تقدر تنزل كتالوج السيراتو بتاعت حضرتك (النسخة الكندية) من هنا..
http://www.kia.ca/content/ownership/...13forte_en.pdf
للأسف أنا معنديش كتالوج السيراتو الشكل القديم بتاع الشرق الأوسط (هو نفسه بتاع الخليجي).. إنما عندي الكتالوج بتاع الشكل الجديد بحكم إنها معايا.. وبالنسبة لزيت الموتور أنا هعتبر إن الموتور في السيراتو القديمة هو نفسه في الجديدة...
دي صور توصيات الزيوت والسوائل في السيراتو الجديدة..
http://nileup.com/up/uploads/nilemotors_14089717202.jpg
http://nileup.com/up/uploads/nilemotors_14089717191.jpg
الكتالوج طالب زيت بمواصفات أداء API SM (أو SN)
أو ILSAC GF-4 أو (GF-5)
أو ACEA A5
وأفضل زيت اللي يحقق ال3 مواصفات مع بعض..
للأسف الزيوت اللي تحقق المواصفات دي مجتمعة في مصر قليلة وتكاد ما تزيدش زيتين أو تلات زيوت
عموما.. أنا أنصحك بزيت آمسويل سجنتشر 5W-30 أو 10W-30.. والزيتين دول محققين كل المواصفات حسب الكتالوج وزيادة.
عموما.. في كتالوج كندا مش طالبين غير مواصفة API بس... وفي الحالة دي... بقى قدامك زيوت تخليقية كتير بلزوجة 5W-30 تقدر تجيبها وانت مطمن.
بالنسبة لزيت الفتيس.. فالمفروض الفتيس عند حضرتك هو نفسه اللي في السيراتو الجديدة (6 سرعات).. وده عايز زيت بمواصفة ATF SP-IV (بيسموه SP-4)...
وده بيتغير كل 100 ألف كيلومتر.. ويفضل تجيب الزيت الأصلي من كيا.
بالنسبة لزيت الباور فمواصفته PSF-4.. بصراحة معنديش أي معلومات عنه أكتر من كده.
...
Content Relevant URLs by
vBSEO 3.6.0 PL2