محتار جدا في عربية في رينج 30-40 الف
السلام عليكم
كل سنة وحضراتكم بخير ورمضان كريم
دلوقتي انا كنت عايز اشتري عربية مستعملة في حدود 30-40 الف وبصيت لقيت الرينج ده ممكن يجيب:
- بيجو 206 موديل 2001 (عجباني جدا بس قلقان من قطع الغيار والصنياعية اللي يفهموا فيها)
- فيات سيينا موديل 2000-2002 (العربية حلوه بس في ناس خوفتني من صاجها عشان مش مجلفن وكمان قطع الغيار قلقان منها)
- سيات ابيزا موديل 2001
- فيات باليو موديل 2006
- سكودا فليشيا موديل 96 - 98
انا من الاسكندرية ودي هتبقي اول عربية ومعنديش خبرة في موضوع الصنايعية. نفسي في حاجة اعتمادية وقطع غيارها موجودة ومغلبش عليها. وانا مش ميال للكوري موديلات قديمة عشان بحس ان الجديد بتاعهم كويس بس القديم مش اوي
في انتظار رددكم عشان انا محتااار جدا
شكرا
