1 مرفق
ضرورى ارأكم على سيارة برلينس كروس
[glow1=#ff0000]السلام عليكم ورحمه الله وبركاته [/glow1]
انا كنت عايز اشترى سيارة مستعمله وبعد بحثى وجدت عده سيارات في نفس الفئه السعرية مثل الماتريكس والنيو اكسنت والتيجو والبرلينس كروس بس بصراحه استفسارى بقى بخصوص الوحش الصينى برلينس كروس لانها بصراحه عجبانى وشكلها حلو وموديلاتها جديده يعنى عشان اجيب حاجه محترمه هتبقى 2010 وانت طالع اما الباقى هيبقى اقل من 2010 وغير كده زهقنا من شكلهم الاكسنت والانوس والماتريكس حاسس البرلينس كروس جديده وتشد النظر
كنت عايز اعرف مواصفتها ومميزاتها وعيوبها من اراء الملاك (البرلينس كروس)
2- كنت عايز اعرف قطع الغيار غالية ولا معقوله مثل الفوانيس والمرايات والكاوتشات والبطاريه مثلا وتيل الفرامل و فلتر هوا فلتر بنزين و الكبالن والبوجيهات يعنى اقصد مثلا الحجات الى ممكن بتتغير بأستمرار أسعارها غاليه ولا معقوله فى حدود كام يعنى
3- هل اعطال السيارة كثيره ام قليلة وهل الخامت جيده جدا ام معقوله
4-اعادة البيع هل سريعه ام بطيئه خصوصا انى كل لما الاقى عربيه بقالها يوم او اتين واتصل بالشخص الى عارضها يقولى اتباعت اكتر من 5 عربيات على هذا النمط حاسس العربيه مبتقعدش معروضه وقت كبير فهل ده صحيح ولا هي صادفت معايا
5-هل عشان هي صيني ده عيب في السيارة يعنى مش بتتحمل ولا ايه اخبار التحمل وموتورها اخباره ايه والعافشة مع المطبات الكتير اخبارها ايه وايه اخبار التوكيل
6- هل لو العربيه بكامل حمولتها بتحك في المطبات ولا عاليه على الأرض خصوصا مع الجنط 16 ومع الشوارع المصريه طبعا ومطبتها الكتير :unhappy:
7- كنت عايز اعرف هل موتورها متسوبيشى فعلا وعافشتها جولف الى راكب فيها اقصد الاصلى بتاعها ولا ايه وايه الفرق بين المانويل والاوتوماتيك غير في الفتيس والزجاج الكهرباء هل في حاجه تانى بتختلف في المانيول والاوتوماتيك زى الموتور او العافشة
8- ايه افضل المحلات في القاهرة الى عنده اكبر عدد قطع غيار للبرلينس الكروس وبأسعار معقوله
9-اخبار السحب وخصوصا مع التكييف والحموله
أتمنى الرد من الأعضاء وعدم البخل عليا في الرد ضرورى عشان عايز اجيب الكروس اليومين دول