الموضوع: انا حجزت بيرسونا يا جماعة ياريت تشاركوني استلمها ازاي (توت و مزاجنجى محتاجين مساعدتكو

المشاركة الأصلية كتبت بواسطة mazagnge

الف مبرووك مقــدماً و ربنا يكتب لك اللي فية الخــــير :

1 - استلم العربية في فترة النهار ، و ياسلام لو تحطها في مكان الشمس ملعله فية : و دة عشان تكشف لو فى خدوش / فروق فى الرفرف / خبطة / تطبيقة / نقرة .....

2 - عـــــــــداد العربية في حدود 50 ك ...

3 - مراجعه كافة وصلات الكهرباء : فوانيس / فوجات / لمبة الصالون / تابلو / لمض التابلوة / الانتظار / المساحات / .............

3 - راجع الفرش و حط ايديك علية و مشيها عشان لو فى فروق و اقعد على كل الكراسي و الكنبة و اطنط كمان .... محدش لة حاجة عندك ( مش فاضل غير اقولك بلطج ) .

4 - قزاز الكهرباء جربة مرة فردي ، مرة زوجي .

5 - المرايات الكهرباء ( ان شاء الله تلعب بلاي استيش .... شوفهم كويس)

6 - التكييف ( شوف سرعاتة + صوتة )

7 - السي دي ( خد معاك CD Mp3) و جرب السماعات .

8 - جرب المالتي فانكشن اللى في الدركسيون كوووووووويس .

9 - شوف جنط العربية كويس .

10 - مرفقات السيارة ( اريال الراديو + كاتلوج السي دي + مانيوال العربية + دوسات العربية + عدة تغير الاستبن )

11 - و العب بالكلاكس شوية ( بس ما تفتكرش نفسك في زفــة .... بلاش فضايح ) .

----- أعتقد دة المــوجز ، لكن عايزين الاعضــاء اللي استلموا يدونا تجربتهم في الاستلام ----

* ملاحظـــــة قريباً لي موضوع أسمــــة ( الخــــونة ) في المنتـــدي ، بـــعد ما تستلم انت معزوم علية .

علم وجاري التنفيذ
ايه التنبيهات الجامدة دي, وعالعموم انا طبعت النقط دي كلها علشان لما اروح انهاردة اشيك على كل نقطة انت كتبتها.
بجد يا جماعة الراجل ده موسوعة.

المشاركة الأصلية كتبت بواسطة tutankhamoun

السلام عليكم
مزجنجي قال خلاصة الكشف على العربية
بالنسبة للسيراتو بدون شك هي سيارة ممتازة و انا احترمها جدا
بس الكلام اللي صاحبك بيقول عليه كلام غلط
لان لو الناس مشيت بالكلام ده مكنتش هاتشوف السيراتو أصلا و لا هيونداي و لا تويوتا و لا هوندا

أقصد أدام بتقارن عربيتين كويسين يبقى كدا نظريته غلط

البيرسونا عربية حلوة جدا و الاثنين ممتازين ( السيراتو و البيرسونا )
شوف أنت مرتاح لأيه نفسيا ( بس متسمعش كلام حد )
خلي قرارك يطلع من حبك للحاجة
البيرسونا هي هي الجين 2 مع اختلافات بسيطة خالص

العربية ممتازة و أدائها هايعجبك و ثابتة جدا على الارض زي الجين 2

اتكل على الله و هات البيرسونا لو عاجباك اكتر من السيراتو
لو السيراتو عاجباك اكتر ..... هات السيراتو

بس واضح من كلامك انك ميال للبيرسونا و أصحابك لعبوا في دماغك
و علشان كدا ....لازم تستريح نفسيا للعربية اللي ناوي تشتريها
و ابقى صلي صلاة استخارة و ربنا يرشدك للي فيه الخير
و السلام عليكم

توت باشا الغني عن التعريف بحكمه ومعلوماته الجامدة.
مبداء الراحة النفسية للعربية اهم حاجة عند شراء اي عربية طبعا بعد الاطمئنان على كفاءة العربية وصلابتها وده من خلال تقارير ملاكها.
انا غيرت رايي كذا مرة من كذا عربية لحد ما ارتحت نفسيا وجبت جميلة الجميلات جين تو.

رسالة الي صاحب الموضوع بجد القسم ده من احسن الاقسام اللي ممكن تقابل فيها اعضاء نشيطين وجدعان جدا ومعلوماتهم مفيدة , ولما تقري اي موضوع هتلاقي كلامهم ماشي في دماغك وانت بتتفرج عالعربية وارشاداتهم عن مميزاتها وعيوبها, وبيسيبولك انت القرار النهائي.

ان بصراحه راي زي رأي الاستاذ توت و الاستاذ احمد صيام في النقطة الخاصه بقرار الشراء العربيتين ادامك الي مرتاح ليها نفسياً اكتر اشتريها
و فعلاً السيراتو عربية محترمه و عن تجربة شخصية ليها
و بالنسبة للبروتون الجين 2 فهي عربيتي و طبعاً مش قادر اقولك انا مستمتع بيها ازاي
و فعلاً زي ما توت قال لو الناس مجربتش الجديد في السوق ما كنش زمان في حاجة اسمها هيونداي
مع اني ضد فكره الي يقول علي البروتون جديده في السوق لانها مده مش قليله في السوق و اعتقد ان الماركه دي حتذبت نفسها في السوق اكتر من كدا الايام الجايه و انا شايف انها منافس قوي جداً بالنسبة للامكانيات و كمان السعر
وربنا يوفقك الي الخير دائماً ان شاء الله